Sign In

By signing in or creating an account, you agree with Associated Broadcasting Company's Terms & Conditions and Privacy Policy.

पंतप्रधान मोदींचा हा खास चष्मा आहे तरी काय? खरंच यामुळे जगात नवी क्रांती येणार?

जगभरात तंत्रज्ञान झपाट्याने प्रगती करीत आहे. यामध्ये आणखी एक क्रांतिकारी बदल लवकरच अनुभवायला मिळेल. जाणून घेऊया या तंत्रज्ञानाबद्दल.

पंतप्रधान मोदींचा हा खास चष्मा आहे तरी काय? खरंच यामुळे जगात नवी क्रांती येणार?
पंतप्रधान मोदी Image Credit source: Social Media
Follow us
| Updated on: Oct 01, 2022 | 12:56 PM

नवी दिल्ली,  पंतप्रधान नरेंद्र मोदींनी (PM Narendra Modi) एक विशिष्ट चष्मा घातल्याचा फोटो मोठ्या प्रमाणात शेअर केला जातोय. हा चष्मा नेमका काय आहे याबाद्दल अनेकांच्या मनात हुतूहल निर्माण झालेले आहे.  पंतप्रधान नरेंद्र मोदी यांनी शनिवारी इंडिया मोबाइल काँग्रेसमध्ये मेटाव्हर्स टेक्नॉलॉजी (Metaverse Technology) वेब 3 चा चष्मा (spectacles) घातला. पंतप्रधान मोदींनी घातलेल्या या चष्म्यामुळे मेटाव्हर्समध्ये या तंत्रज्ञानाची चर्चा मोठ्या प्रमाणात होत आहे. येत्या काळात हे तंत्रज्ञान मोठी क्रांती घडविणार असल्याचेही बोलले जात आहे. मेटाव्हर्स हे एक मायावी जग आहे जिथे तुमची उपस्थिती खोटी असेल, परंतु तुमची कृत्ये खरी असतील. भविष्यातील या तंत्रज्ञानाच्या आगमनानंतर, आपण वास्तविक आणि आभासी जगामध्ये फरक करणे खरोखरच विसरणार आहोत का, त्याबद्दल समजून घेऊया.

ब्लूमबर्ग इंटेलिजन्सचा अंदाज आहे की 2024 पर्यंत मेटाव्हर्स मार्केट 800 अब्ज डॉलरचे असेल. आणि बँक ऑफ अमेरिकाने आपल्या जीवनात क्रांती घडवणाऱ्या 14 तंत्रज्ञानांमध्ये मेटाव्हर्सचा समावेश केला आहे.

Metaverse म्हणजे काय?

Metaverse हे एक प्रकारचे आभासी जग आहे. या तंत्रज्ञानामुळे तुम्ही आभासी ओळखीद्वारे डिजिटल जगात प्रवेश करता. म्हणजेच तुमचे शरीर तिथे नसते, तुमच्या ऐवजी तुमचेच एक रूप तिथे उपस्थित असते. हे एक वेगळं जग आहे आणि इथे तुमची वेगळी ओळख आहे.

हे सुद्धा वाचा

मेटाव्हर्स ऑगमेंटेड रिॲलिटी, व्हर्च्युअल रिॲलिटी, मशीन लर्निंग, ब्लॉकचेन टेक्नॉलॉजी आणि आर्टिफिशियल इंटेलिजन्स यासारख्या अनेक तंत्रज्ञानाची जोड देऊन कार्य करते. यासाठी व्हर्च्युअल हेडसेट आवश्यक आहे. याद्वारे तुम्ही आभासी जगात प्रवेश करता.

या आभासी जगात वापरकर्ते  आभासी 3D अवतार असतील, ज्यांच्यासह ते वास्तविक जगात करू शकणारे मेटाव्हर्समध्ये काहीही करू शकतील. येथे तुम्ही राहण्यासाठी एक आभासी घर आणि जमीन खरेदी करू शकाल.

Metaverse वर तुम्ही तुमच्या मित्रांसोबत डिस्कोचा आनंद घेऊ शकता, त्यांच्यासोबत खेळांचा आनंद घेऊ शकता, चित्रपट पाहू पाहू शकता.

Metaverse पोस्ट-व्हर्च्युअल रिॲलिटी जगावर आधारित आहे, म्हणजेच ऑगमेंटेड रिॲलिटी. Metaverse हे जगातील सर्वात मोठे व्यावसायिक व्यासपीठ बनेल.

विविध संसाधने आणि कंपन्यांच्या मदतीने ते तयार करण्यासाठी अनेक वर्षे लागू शकतात. तर, वस्तू आणि सेवांच्या माध्यमातून अर्थव्यवस्थेच्या विकासासाठी, जेव्हा अशा संसाधनांची आवश्यकता असते, जी अस्तित्वात नाही, तेव्हा नवीन कंपन्या देखील तयार होण्याची शक्यता आहे.

Metaverse मध्ये तुम्ही काय करू शकता?

मेटाव्हर्स हे आभासी जग असेल. आज गेमिंगच्या जगात ज्या प्रकारे प्लेअरसाठी  उपकरणे आणि भिन्न कपडे खरेदी करता येतात. त्याचप्रमाणे, मेटाव्हर्सच्या जगात, लोक त्यांच्या समकक्षांसाठी कपडे, शूज आणि केशरचना सुधारण्यासाठी पैसे खर्च करतील.

त्यानुसार, मेटाव्हर्सवर ते लोक देखील उपस्थित राहतील, जे लोकांच्या डिजिटल अवतारांना कपडे विकण्याची, केसांची स्टाइल करण्याची सेवा देतील. अशा परिस्थितीत मेटाव्हर्स हे लोकांसाठी एक खूप मोठे व्यावसायिक व्यासपीठ बनणार आहे.

कपडे, शूजचे अनेक मोठे ब्रँड मेटाव्हर्सच्या जगात प्रवेश करण्याच्या विचारात आहेत. लवकरच त्यांचे व्हर्च्युअल शॉप या व्यासपीठावर येईल.

NFT च्या मदतीने तुम्ही या गोष्टी Metaverse वर खरेदी करू शकाल. अशा परिस्थितीत एकीकडे अनेक लोक या प्लॅटफॉर्मवरील सेवांचा लाभ घेतील. दुसरीकडे अनेक लोक या सेवा विकून भरपूर पैसे कमावतील.

भविष्यात याद्वारे तुम्ही कोणत्याही आभासी जगात पोहोचू शकता. समजा तुम्हाला व्हर्च्युअल टूर दरम्यान वाटेत एक शोरूम दिसला तर तुम्ही तिथे खरेदी करू शकता. यानंतर तुमचा खरेदी केलेला माल प्रत्यक्षात तुमच्या दिलेल्या पत्त्यावर पोहोचेल.

तुम्ही कोणत्याही पार्टीला, कोणत्याही शोमध्ये उपस्थित राहण्यास सक्षम असाल. तुम्ही कार्यालयाशी संबंधित काम किंवा मीटिंग्ज स्वतः जाऊन पूर्ण करू शकाल. तुमचे शरीर घरीच राहील, तर तुमचा फॉर्म त्या ठिकाणी असेल. तंत्रज्ञानाच्या आधारे आज्ञा दिल्याने तुम्ही शारीरिकदृष्ट्या जे काम करू शकता ते तुम्ही आभासी पद्धतीने करू शकाल.

'..तरच देशमुखांना न्याय', दमानियांनी पुन्हा मागितला मुंडेंचा राजीनामा
'..तरच देशमुखांना न्याय', दमानियांनी पुन्हा मागितला मुंडेंचा राजीनामा.
शिवराय अग्र्यातून कसे सुटले? लाल किल्ल्यावरून EXCLUSIVE रिपोर्ट
शिवराय अग्र्यातून कसे सुटले? लाल किल्ल्यावरून EXCLUSIVE रिपोर्ट.
पोलीसच सुरक्षित नाही...4 मद्यपींकडून बेदम मारहाण,CCTV पाहून बसेल धक्का
पोलीसच सुरक्षित नाही...4 मद्यपींकडून बेदम मारहाण,CCTV पाहून बसेल धक्का.
'शिंदे CM नकोत, ही शरद पवारांची भूमिका..', राऊतांचा खळबळजक दावा
'शिंदे CM नकोत, ही शरद पवारांची भूमिका..', राऊतांचा खळबळजक दावा.
विकी कौशलची रायगडावर गर्जना; म्हणाला, “हम शोर नहीं करते, सीधा...”
विकी कौशलची रायगडावर गर्जना; म्हणाला, “हम शोर नहीं करते, सीधा...”.
राहुल गांधींनी अक्कल पाजळली, जयंतीच्या दिवशी शिवरायांना श्रद्धांजली
राहुल गांधींनी अक्कल पाजळली, जयंतीच्या दिवशी शिवरायांना श्रद्धांजली.
बॉसने तर ट्रॅपमध्ये नाही ना अडकवलं? राऊतांचा सुरेश धसांना खोचक सवाल
बॉसने तर ट्रॅपमध्ये नाही ना अडकवलं? राऊतांचा सुरेश धसांना खोचक सवाल.
'त्या' नासक्या मंत्र्यांचं नाव घेऊ नका, मनोज जरांगेंचा रोख कोणावर?
'त्या' नासक्या मंत्र्यांचं नाव घेऊ नका, मनोज जरांगेंचा रोख कोणावर?.
'कमाल'चा खोटापीडिया... आक्षेपार्ह मजकूर शेअर करत तोडले अकलेचे तारे
'कमाल'चा खोटापीडिया... आक्षेपार्ह मजकूर शेअर करत तोडले अकलेचे तारे.
'तानाजी सावंतांचं पोरंग सापडतं मग खुनी...', सुप्रिया सुळे का भडकल्या?
'तानाजी सावंतांचं पोरंग सापडतं मग खुनी...', सुप्रिया सुळे का भडकल्या?.