दक्षिण भारतात असतो खास कुंभ ‘महामहम’ 12 वर्षानंतर कुंभकोणममध्ये होणार कुंभ

प्रयागराजमध्ये महाकुंभ 2025 चे भव्य आयोजन करण्यात आले. त्यानंतर सर्वांचे लक्ष अजून एका कुंभाकडे लागले आहे. हा कुंभ मेळा आता दक्षिण भारतात होणार आहे. महाकुंभच्या 3 वर्षानंतर हा कुंभ होता. त्यामुळे हा कुंभ आता 2028 मध्ये तामिळनाडूतील कुंभकोणम शहरात होत आहे. त्याला ‘महामहम’ (कुंभ मेळा) म्हटले जाते. या ‘महामहम’साठी देशभरातून भाविक येतात. यावेळीही जवळपास एक कोटी भाविक पवित्र “अमृत स्नान” करण्याची शक्यता आहे. यापूर्वी फेब्रुवारी 2016 मध्ये ‘महामहम’चे आयोजन करण्यात आले होते.

अखिल भारतीय संन्यासी संघमतर्फे ‘महाम’ निमित्त आयोजित ‘मासी महापेरुविला- 2025’ बैठकीचे आयोजन केले होते. विश्व हिंदू परिषदेचे अखिल भारतीय संघटन सरचिटणीस मिलिंद परांडे, पूज्य संत रामानंद महाराज यांच्यासह शेकडो संन्यासी जीर स्वामी यामध्ये सहभागी झाले होते. यावेळी ‘महामहम’ चा लोगोचे उद्घाटन करण्यात आले. या बैठकीत 10 दिवसीय कार्यक्रमात (महामहंमदरम्यान) वैज्ञानिक, धार्मिक, सामाजिक आणि आध्यात्मिक विषयांवर आणि हिंदू धर्माचे जतन यावर चर्चा करण्याचे ठरले.

तमिळनाडू आणि इतर दक्षिणेकडील राज्यांच्या सांस्कृतिक वारशाचा प्रचार करण्यासाठी भारत सरकारने तंजावर (तामिळनाडू) येथे दक्षिण क्षेत्र सांस्कृतिक केंद्राची स्थापना केली आहे. या ठिकाणी सांस्कृतिक उपक्रम आणि कार्यक्रम आयोजित करते.

केंद्र सरकारही ‘महामं’च्या आयोजनात सहकार्य करते. गेल्या वर्षी एका प्रश्नाच्या उत्तरात केंद्रीय पर्यटन मंत्री गजेंद्र सिंह शेखावत म्हणाले होते की, कुंभकोणम कुंभमेळा हा महामहम उत्सव म्हणून ओळखला जातो जो विष्णू मंदिरांशी संबंधित आहे. ही एक महत्त्वाची आध्यात्मिक घटना मानली जाते. हा उत्सव कुंभकोणममधील महामहम टँकजवळ होतो. जो उत्सवादरम्यान भारतातील सर्व पवित्र नद्यांसाठी अभिसरण बिंदू मानला जातो. महामहममध्ये येणारे बहुतेक भाविक दक्षिण भारतातील असतात.