TV9 Global Summit 2022 Live: देशाला युनिफॉर्म सिव्हिल कोड ची गरज नाही : ओवेसी

29 तारखेला तक्रार दाखल केली होती काय झालं त्याच : ओवेसी

भाजपच्या प्रवक्त्या नुपूर शर्मा यांनी पैगंबर मोहम्म्द यांच्यावर वादग्रस्त विधान केले. ते 27 तारखेला त्यांनी केले. त्यानंतर त्याविरोधात 29 तारखेला तक्रार दाखल केली. मात्र त्यावर त्यांच्यावर कारवाई कधी होते? तर अरब राष्ट्रे आपला विरोध दाखवल्यानंतर.

…आणि भारताला विश्वगुरू बनविण्यासाठी वेळ लागणार नाही : नितीन गडकरी

#TV9GlobalSummit भारत विश्वगुरु कधी बनणार? @nitin_gadkari म्हणाले… #WhatIndiaThinksToday | https://t.co/6mTdFduZMc pic.twitter.com/eo4dDTMQ2K

— TV9 Marathi (@TV9Marathi) June 17, 2022

आपण असेच चालत राहिलो तर आपण नक्की जिंकू आणि भारताला विश्वगुरू बनविण्यासाठी वेळ लागणार नाही : नितीन गडकरी

देशाला युनिफॉर्म सिव्हिल कोड ची गरज नाही : ओवेसी

या देशातील गावातच असा कायदा आहे की जिथे हिंदु दाम्पंत्याला मुलगा झाला नाही तर दुसरा विवाह करण्याची परवानगी आहे. देशाची विविधताच या देशाची सुंदरता आहे. या देशाला युनिफॉर्म सिव्हिल कोड ची गरज नाही.

असदुद्दीन ओवेसी मुसलमानांचा ना लिडर आहे आणि ना कधी असेल

या कार्यक्रमात असदुद्दीन ओवेसी यांना आपण मुसलमानांचे लिडर आहात का असा प्रश्न विचारण्यात आला. त्यावर ते म्हणाले, असदुद्दीन ओवेसी मुसलमानांचे ना लिडर आहेत आणि ना कधी असतील. मला हैदराबादच्या जनतेने निवडणून दिले आहे. मी सदा गरिब आणि शोषित जनतेची सेवा करणार. आज ही आपण मुसलमानांच्या देशभक्तीवर संशय करताय. मी देशभक्तीवर अल्लाहची शपथ घेतली आहे.

कोळशाच्या टंचाईमुळे वीजपुरवठा खंडित होणार नाही : प्रल्हाद जोशी

कोळशाच्या पुरवठ्यावरून देशाची स्थिती काय आहे? यावर बोलताना प्रल्हाद जोशी म्हणाले की, आता आमच्याकडे साडेबारा दिवसांचा कोळसा शिल्लक आहे. आमच्याकडे 50-55 दशलक्ष टन कोळसा साईडिंगमध्ये पडून आहे. तर गेल्या वेळेच्या तुलनेत कोळसा उत्पादन वाढले आहे. मी दाव्याने सांगतो की, कोळशाच्या कमतरतेमुळे देशात वीजपुरवठा खंडित होणार नाही.

गांधी कुटुंबाला वाटतं की ते देशाच्या कायद्यापेक्षा मोठे आहेत : प्रल्हाद जोशी

पक्षाचे नेते राहुल गांधी यांच्या ईडीच्या चौकशीच्या मुद्द्यावर प्रसाद जोशी यांनी प्रतिक्रीया दिली. ते म्हणाले, जर त्यांनी काही चुकीचे केले नसेल तर ते का घाबरतं आहेत. तर देशाचे पंतप्रधान नरेंद्र मोदी हे मुख्यमंत्री असताना त्यांचीही चौकशी केली गेली होती. तर आजचे गृहमंत्री अमित शहा यांच्यावरही खोटा एफआयआर दाखल करण्यात आला. त्यांनी गांधी घराण्याला नकली गांधी असे संबोधले. ते म्हणाले की, त्यांना असे वाटते की, ते देशाच्या कायद्यापेक्षा मोठे आहेत. पण हे सत्य नाही.

4 वर्षे सैन्यात सेवा दिल्यानंतर आयुष्यात येईल शिस्त : शेखावत

अग्निपथ योजनेचा संदर्भ देत शेखावत म्हणाले की, जगातील अनेक देश या पद्धतीने काम करत आहेत. काही लोक विरोध करण्यासाठी विरोध करत आहेत. मात्र मला खात्री आहे की, तरुण हे समजून घेतील आणि याचा स्विकार करतील. 4 वर्षे सैन्यात सेवा दिल्यानंतर तरुणांच्या जीवनात शिस्त येईल. लष्कराचे प्रशिक्षण घेतलेल्या व्यक्तीच्या आयुष्यात निवृत्त झाल्यानंतरही देशाप्रती जिद्द कमी होत नाही. आणि त्यांच्या आयुष्यात शिस्त कायम राहते.

प्रत्येक घरात पोहचायला हवे शुद्ध पाणी : गजेंद्र सिंह शेखावत

पीएम मोदींचा संकल्प – प्रत्येक घरात पोहचायला हवे शुद्ध पाणी : गजेंद्र सिंह शेखावत

माझ्या गुरूंनी माझ्या पक्षाची विचारधारा सांगितली : गजेंद्र सिंह शेखावत

राजस्थानमध्ये पुढील मुख्यमंत्रिपदाच्या दाव्याच्या प्रश्नावर गजेंद्र सिंह शेखावत म्हणाले की, मी 22 वर्षे सीमाभागात काम केले आहे, सीमेवर राहणाऱ्या लोकांच्या समस्या समजून घेतल्या आहेत. कारण माझ्या गुरूंनी माझ्या पक्षाची विचारधारा सांगितली. 2014 मध्ये त्यांनी ठरवलं की मी राजकीय क्षेत्रात काम करायचं. 2024 मध्ये त्यांनी मला वनवासी विकास प्राधिकरणात काम करण्यास सांगितले तर मी ते ही काम करेन.

आमच्या सरकारने देशाला पहिले उत्पादन धोरण दिले : आनंद शर्मा

रोजगाराच्या प्रश्नावर आनंद शर्मा म्हणाले- ‘आमच्या सरकारने देशाला पहिले उत्पादन धोरण दिले. यामुळे मॅन्युफॅक्चरिंग कॉरिडॉरचा विकास झाला.

मुस्लिमांचे मतदान कमी होते… पण : आनंद शर्मा

आम्हाला देशातील मुस्लिमांचे मतं कमी मिळतात. हे सत्य आहे. आम्ही जनधन योजनाची सुरूवात केली. मात्र त्यातून आम्ही मुस्लिमांना वगळल नाही. आम्ही गाव गाव विज दिली. पण मुस्लिमांना सोडलो नाही. असं झालं नाही. त्यामुळं आपल्याला कामातून पाहिलं पाहिलं. आम्हाला याचं फार वाईट की सरदार पटेल यांचे निधन 1950 मात्र त्यांना भारत रत्न हे 1991 मध्ये देण्यात आलं. तर मौलाना आझाद यांच्या बाबतीत ही हेच झालं. त्यांना ही 1991 मध्येच भारत रत्न देण्यात आला.

ब्रेकनंतर पुन्हा सुरू झाला देशातील सर्वात मोठा ग्लोबल समिट

जेवनाच्या ब्रेकनंतर टिव्ही9 चा ग्लोबल समिटला पुन्हा सुरूवात. आता या सेसनमध्ये ‘इंडिया फर्स्ट’विषयावर देशातील मोठ्या दोन राजकीय पक्षांचे नेते मांडणार आपले विचार, त्यानंतर आत्मनिर्भर भारतवर चर्चा होईल

शिक्षणाशिवाय सुधारणा शक्य नाही- अरिफ मोहम्मद खान

शिक्षणाशिवाय सुधारणा शक्य नाही. कुरआनच्या एका श्लोकात असे लिहिले आहे की लोकांना ज्ञान दिले पाहिजे- अरिफ मोहम्मद खान

भारत डिजिटायझेशनमध्ये जगात आघाडीवर अमेरिकेलाही टाकले मागे – रॉबिन रैना

ग्लोबल समिटमध्ये बोलताना रॉबिन रैना यांनी म्हटले आहे की, डिजिटायझेशन क्षेत्रात भारताने मोठी क्रांती केली आहे. आज देशात प्रत्येक गोष्ट ही डिजिटल होत आहे. डिजिटायझेशनमुळे ऑनलाईन पद्धतीने पैशांची देवाण-घेवाण वाढली. यामुळे करचोरीला मोठा आळा बसला आहे. भारताने डिजिटल पेमेंटमध्ये अमेरिकेसारख्या देशाला देखील मागे टाकले आहे.

कायदा लागू झाल्यानंतर तीन तलाक प्रकरणात 91 टक्के घट – आरिफ मोहम्मद खान

यावेळी बोलताना आरिफ मोहम्मद खान यांनी तीन तलाक कायद्याचे कौतुक केले आहे. कायदा लागू झाल्यापासून तीन तलाकची प्रकरणे 91 टक्के कमी झाल्याचे खान यांनी म्हटले आहे. या कायद्यासाठी पंतप्रधान नरेंद्र मोदी यांना कायम स्मरणात ठेवले जाईल असे देखील आरिफ मोहम्मद खान यांनी म्हटले आहे.

ओवेसी व आरिफ मोहम्मद मुस्लिमबहुल भागातून लढले तर कोण जिंकणार?

ओवेसी आणि आरिफ मोहम्मद हे दोघेही एकोंमेकांविरोधात मुस्लिमबहुल भागातून लढले तर कोण विजयी होणार? असा प्रश्न यावेळी आरिफ मोहम्मद यांना विचारण्यात आला होता. या प्रश्नाला उत्तर देताना आरिफ मोहम्मद यांनी म्हटले आहे की, मला माहित नाही कोण विजयी होईल. मात्र मी आतापर्यंत जेवढ्या निवडणुका लढल्या त्या मुस्लिमबहुल भागातूनच लढल्या आणि विजयी देखील झालो.

भारतीय संस्कृती ज्ञानाच्या प्रसारासाठी ओळखली जाते – अरिफ मोहम्मद खान

केरळचे राज्यपाल अरिफ मोहम्मद खान हे देखील टीव्ही 9 च्या ग्लोबल समिटमध्ये सहभागी झाले आहेत. यावेळी बोलताना त्यांनी म्हटले आहे की, अनेक इतिहासकारांनी जगात पाच प्रमुख संस्कृती असल्याचे सांगितले आहे. ज्यामध्ये भारत ही एकमेव अशी संस्कृती आहे, जी ज्ञानाचा प्रसार करते. हदीसमध्ये असे लिहिले आहे की जो कोणी भारतात येतो तो या संस्कृतीचा अनुभव घेतो.

कर्नाटक निवडणुकीच्या तयारीला सुरुवात – बसवराज बोम्मई

कर्नाटकमध्ये लवकरच निवडणुका होणार आहेत. भाजपा पक्षश्रेष्ठींकडून आगामी कर्नाटक विधानसभा निवडणूक ही बसवराज बोम्मई यांच्या नेतृत्त्वाखालीच लढवली जाणार असल्याचे जाहीर करण्यात आले आहे. याबाबत बोलताना बोम्मई यांनी म्हटले आहे की, आपचे लक्ष्य ठरले आहे. आम्ही दीडशे जागा जिंकण्याच्या निर्धाराने मैदानात उतरणार आहोत. त्यासाठी आमची तयारी देखील सुरू झाली आहे. राज्य सरकारने जनतेला जी आश्वासने दिली होती, ती पूर्ण करण्यावर आमचा भर आहे.

‘सेमीकंडक्टर बनवण्यासाठी सामंजस्य करारावर स्वाक्षरी करणारे कर्नाटक पहिले राज्य’

सध्या देशात सेमीकंडक्टरचा तुटवडा आहे. सेमीकंडक्टरच्या तुटवड्यामुळे वाहन उद्योग अडचणीत आहेत. वाहनाचा तुटवडा असल्याने किमतीमध्ये देखील वाढ झाली आहे. अशा परिस्थितीमध्ये सेमीकंडक्टर सामंजस्य करारावर स्वाक्षरी करणारे कर्नाटक हे पहिले राज्य असल्याचे मुख्यमंत्र्यांनी म्हटले आहे. या करानुसार आता राज्यात सेमीकंडक्टरचे उत्पादन होणार आहे.

कर्नाटकात सर्वाधिक संशोधन केंद्रे – बसवराज बोम्मई

टीव्ही 9 नेटवर्कने आयोजित केलेल्या या ग्लोबल समिटमध्ये कर्नाटकचे मुख्यमंत्री बसवराज बोम्मई हे देखील सहभागी झाले आहेत. यावेळी बोलताना बसवराज बोम्मई यांनी म्हटले आहे की, कर्नाटक भारताच्या अर्थव्यवस्थेत महत्त्वपूर्ण योगदान देऊ शकतो. आमच्याकडे सर्वाधिक संशोधन केंद्रे आहेत. अनेक बड्या कंपन्या कर्नाटकात आपला विस्तार करू पाहात आहेत. 500 फॉर्च्युन कंपन्यांपैकी 400 एकट्या कर्नाटकमध्ये आहेत. कर्नाटकाला सर्वच पातळीवर अधिक समृद्ध करण्याचा आमचा प्रयत्न आहे.

राष्ट्रीय हरित भारत अभियानाला सुरुवात – भूपेंद्र यादव

प्रदुषण कमी कसे करता येईल यासाठी सध्या विविध स्तरावर प्रयत्न सुरू आहेत. वन मंत्रालय आणि जलसंपदा मंत्रायलाकडून या पार्श्वभूमीवर विविध उपक्रम राबवण्यात येत आहेत. राष्ट्रीय हरित भारत अभियानाला सुरुवात झाल्याचे भूपेंद्र यादव यांनी म्हटले आहे.

Addressing TV9 Network’s Conclave: What India Thinks Today https://t.co/S8JR5zeNs7

— Bhupender Yadav (@byadavbjp) June 17, 2022

प्रत्येकाला रोजगाराची हमी – भुपेंद्र यादव

यावेळी बोलताना भुपेंद्र यादव यांनी म्हटले आहे की, रोजगारासंदर्भात देशासमोर अनेक आवाहने आहेत. मात्र आम्ही त्यावर मात करण्याचा प्रयत्न करत आहोत. पुढील दीड वर्षामध्ये दहा लाख नवे रोजगार निर्माण करण्याची घोषणा केंद्र सरकारने केली आहे. पीएफच्या आकडेवारीवर नजर टाकाली तर आपल्याला देशात रोजगार वाढत असल्याचे दिसून येते .

अग्निपथ योजनेचा विरोध चुकीचा – भूपेंद्र यादव

या ग्लोबल समिटमध्ये बोलताना केंद्रीय मंत्री भूपेंद्र यादव यांनी अग्रिपथ योजनेला होत असलेल्या विरोधावर प्रतिक्रिया दिली आहे. यावेळी बोतलताना त्यांनी म्हटले आहे की, अग्निपथ योजनेला विरोध करणे चुकीचे आहे. केंद्र सरकारने खूप विचारपूर्वक ही योजना तयार केली आहे. या योजनेमुळे तरुणांचा फायदाच होणार असून, सैन्यदल अधिक मजबूत बनण्यास मदत होईल. या योजनेंतर्गत काही तरुणांना पुढे देखील काम करण्याची संदी मिळणार आहे.

2025 पर्यंत ऑटोमोबाईल उद्योगाला 15 लाख कोटींच्या घरात पोहोचवण्याचा प्रयत्न – गडकरी

या ग्लोबल समिटमध्ये केंद्रीय मंत्री नितीन गडकरी यांनी संवाद साधला. यावेळी बोलताना ते म्हणाले की, सध्या ऑटोमोबाईल उद्योग हा साडेसहा लाख कोटी रुपयांचा आहे. येत्या 2025 पर्यंत ऑटोमोबाईल क्षेत्राला चालना देऊन तो 15 लाख कोटींच्या घरात पोहोचवण्याचे आमचे उद्दिष्ट आहे.