Marathi News National Union Minister Hardeep Singh Puri's scathing reply to those who object to the Ashoka stoop in Parliament
सौंदर्य पाहणाऱ्याच्या दृष्टीत असतं, संसदेवरील अशोक स्तंभावर आक्षेप घेणाऱ्यांना केंद्रीय मंत्री हरदीप सिंग पुरी यांचे जोरकस उत्तर
ही कलाकृती तयार करणाऱ्या कलाकारांनी या राष्ट्रीय प्रतिकात कोणताही बदल केला नसल्याचा दावा केला आहे. केंद्रीय मंत्री हरदीप सिंग पुरी यांनीही विरोधकांच्या टीकेचा पुरेपूर समाचार घेत विरोधकांची दृष्टी अयोग्य असल्याची टीका केली आहे. याबाबत स्पष्टीकरण देताना त्यांनी सलग काही ट्विट केले आहेत.
विरोधकांना प्रत्युत्तर Image Credit source: social media
नवी दिल्ली – पंतप्रधान नरेंद्र मोदींनी (PM Narendra Modi) संसदेवरील भव्य अशोक स्तंभाच्या केलेल्या उद्घटानानंतर यावरुन नवा वाद निर्माण झाला आहे. या राष्ट्रीय प्रतिकाचे अनावरण मोदींनी का केले, यासोबतच प्रतिकाच्या मूळ रुपात बदल केल्याचा आरोप विरोधकांकडून करण्यात आला होता. नव्या अशोक स्तंभाच्या प्रतिकृतीवरील सिंह हे अधिक उग्र असल्याची टीका करण्यात आली होती. हा राष्ट्रीय प्रतिकाचा अपमान असल्याचा आरोप विरोधकांनी केला होता. राष्ट्रीय जनता दल, तृणमूल या पक्षांनी ही टीका केली होती. मात्र ही कलाकृती तयार करणाऱ्या कलाकारांनी या राष्ट्रीय प्रतिकात कोणताही बदल केला नसल्याचा दावा केला आहे. केंद्रीय मंत्री (Cabinet Minister)हरदीप सिंग पुरी (Hardeep Singh Puri)यांनीही विरोधकांच्या टीकेचा पुरेपूर समाचार घेत विरोधकांची दृष्टी अयोग्य असल्याची टीका केली आहे. याबाबत स्पष्टीकरण देताना त्यांनी सलग काही ट्विट केले आहेत.
Sense of proportion & perspective.
Beauty is famously regarded as lying in the eyes of the beholder.
So is the case with calm & anger.
The original #Sarnath#Emblem is 1.6 mtr high whereas the emblem on the top of the #NewParliamentBuilding is huge at 6.5 mtrs height. pic.twitter.com/JsAEUSrjtR
If an exact replica of the original were to be placed on the new building, it would barely be visible beyond the peripheral rail.
The ‘experts’ should also know that the original placed in Sarnath is at ground level while the new emblem is at a height of 33 mtrs from ground. pic.twitter.com/JLxMMMAq80
प्रमाण आणि दृष्टीकोन भावना.सौदंर्य हे पाहणाऱ्याच्या दृष्टीत असावे लागते, हे प्रसिद्ध आहे. शांत आणि रागाच्या बाबतही असंच काहीसं आहे. मूळ सारनाथमध्ये असलेला अशोक स्तंभ हा 1.6 मीटर उंच आहे तर नव्या संसद भवनात शीर्षस्थानी असलेले प्रतीक 6.5 मीटर उंचीचे आहे. मूळची अचूक प्रतिकृती नवीन इमारतीवर ठेवली तर ती क्वचितच दृष्टीपथात पडू शकते. ‘तज्ञांना’ हे देखील माहित असावे की सारनाथमध्ये ठेवलेले मूळ चिन्ह जमिनीच्या पातळीवर आहे तर नवीन चिन्ह जमिनीपासून 33 मीटर उंचीवर आहे. दोन संरचनांची तुलना करताना कोन, उंची आणि प्रमाणाची दक्षता घेणेही आवश्यक आहे. जर एखाद्याने सारनाथ चिन्ह खालून पाहिले तर ते चर्चा केल्याप्रमाणे शांत किंवा रागावलेले दिसेल. सारनाथ बोधचिन्हाचा आकार वाढवायचा ठरवले किंवा संसदेच्या नवीन इमारतीवरील बोधचिन्हाचा आकार कमी केला, तरी दोन्हीही समान आहेत, त्यात काहीही फरक दिसणार नाही.
नव्या मूर्तीचे डिझायनर यांनीही केला इन्कार
नव्या संसद भवनावर भव्य अशोक स्तंभाची उभारणी ज्यांनी केली, ते डिझायनर सुनील देवरे आणि रोमिएल मोसेस यांनीही या प्रतिकृतीह काहीही फरक नसल्याचे जोर देऊन सांगितले आहे. या मुद्द्याकडे नेमके लक्ष दिले असल्याचेही त्यांनी सांगितले. अशोक स्तंभावरील सिंहांप्रमाणेच नव्या सिंहांचा आकार आहे. बघणाऱ्यांच्या त्यांच्या त्यांच्या व्याख्या असू शकतात असेही त्यांनी सांगितले आहे. ही मोठी मूर्ती आहे, ती खालच्या बाजूने पाहताना वेगळी दिसू शकते, असेही त्यांनी स्पष्ट केले आहे. ही कलाकृती तयार करण्याचा अभिमान असल्याचेही त्यांनी स्पष्ट केले आहे.
