जय-पराजय बाजूला, कांचन कुल यांची बैलगाडीतून रपेट

पुणे : लोकसभा निवडणुकीचा निकाल जाहीर होऊन आता 15 दिवस होत आले आहेत. जय-पराजय विसरुन आता उमेदवार नियमित कामाला लागले आहेत.

देशाचं लक्ष लागलेल्या बारामती लोकसभा मतदारसंघात राष्ट्रवादी काँग्रेसच्या सुप्रिया सुळे यांनी बाजी मारली. त्यांनी भाजप उमेदवार कांचन कुल यांचा पराभव केला. सध्या पराभव विसरुन कांचन कुल वेगळ्याच मूडमध्ये दिसत आहेत.

कांचन कुल यांचा बैलगाडीवर बसलेला फोटो सोशल मीडियावर व्हायरल होत आहे. लहान मुलांसह कांचन कुल बैलगाडीतून फेरफटका मारताना पाहायला मिळत आहेत.

लोकसभा निवडणुकीत कांचन कुल यांनी खासदार सुप्रिया सुळे यांना सुरुवातील जोरदार फाईट दिली. स्वत: शरद पवारांना सुप्रियांसाठी अनेक सभा घ्याव्या लागल्या. कांचन कुल यांनी फाईट दिली असली, तरी बारामतीचा गड पवारांनी कायम राखला. या मतदारसंघात सुप्रिया सुळेंनी तब्बल 1 लाख 55 हजार मतांनी पराभव केला.