‘चिनी कम’ फेम अभिनेत्रीने वयाच्या 25 व्या वर्षी केलं लग्न, पहा फोटो
'चिनी कम' या चित्रपटात बालकलाकाराची भूमिका साकारणारी अभिनेत्री स्विनी खराने नुकतंच लग्न केलंय. जयपूरमधील पंचतारांकित हॉटेलमध्ये अत्यंत धूमधडाक्यात तिचा लग्नसोहळा पार पडला. या लग्नाचे फोटो तिने सोशल मीडियावर पोस्ट केले असून त्यावर चाहत्यांकडून शुभेच्छांचा वर्षाव होत आहे.
अमिताभ बच्चन आणि तब्बू यांच्या मुख्य भूमिका असलेला 'चिनी कम' हा चित्रपट 2007 मध्ये प्रदर्शित झाला. या चित्रपटात बालकलाकाराची भूमिका साकारलेली अभिनेत्री स्विनी खरा ही नुकतीच लग्नबंधनात अडकली. बुधवारी 27 डिसेंबर रोजी तिचा लग्नसोहळा अत्यंत धूमधडाक्यात पार पडला.
स्विनीने उर्वीश देसाईशी लग्नगाठ बांधली. अभिनय क्षेत्रात काम केल्यानंतर ती वकिलीकडे वळली आणि त्यातच पुढे करिअर करू लागली. राजस्थानमधील एक पॅलेसमध्ये अत्यंत शाही पद्धतीने स्विनीचा विवाहसोहळा पार पडला. वयाच्या 25 व्या वर्षी तिने लग्न केलं आहे.
स्विनीने तिच्या इन्स्टाग्राम अकाऊंटवर लग्नाचे फोटो आणि व्हिडीओ पोस्ट केले आहेत. त्यावर नेटकऱ्यांकडून शुभेच्छांचा वर्षाव होत आहे. लग्नासोबतच स्विनी आणि उर्वीशच्या हळदी, मेहंदीच्या कार्यक्रमाचेही व्हिडीओ समोर आले आहेत. स्विनीचा पती उर्वीश हा इंजीनिअर आहे.
स्विनीने बालकलाकार म्हणून काही चित्रपटांमध्ये काम केलं होतं. विद्या बालन आणि सैफ अली खान यांच्या 'परिणीता' या चित्रपटातही ती झळकली होती. तर शाहिद कपूरच्या 'पाठशाला'मध्येही तिने भूमिका साकारली होती. मात्र 'चिनी कम' या चित्रपटातील भूमिकेमुळे तिला खूप लोकप्रियता मिळाली.
दिवंगत अभिनेता सुशांत सिंह राजपूतच्या 'एम. एस. धोनी : द अनटोल्ड स्टोरी' या चित्रपटातही स्विनीने भूमिका साकारली. याशिवाय 'बा बहु और बेबी', 'दिल मिल गये', 'जिंदगी खट्टी मिठी' यांसारख्या मालिकांमध्ये तिने काम केलंय. सीआयडीच्या एका एपिसोडमध्येही तिने भूमिका साकारली होती.