‘चला हवा येऊ द्या’च्या मंचावर अक्षय कुमारसोबत विनोदविरांचा कल्ला!
झी मराठीवरील लोकप्रिय कार्यक्रम चला हवा येऊ द्या (chala hawa yeu dya) आणि त्यातील विनोदवीर वर्षानुवर्षे प्रेक्षकांच्या मनावर अधिराज्य करत आहेत. केवळ महाराष्ट्रातच नाही, तर जगाच्या कानाकोपऱ्यातील प्रेक्षकांकडून या कार्यक्रमाला पसंती मिळत आहे.
स्वाती वेमूल |
Updated on: Mar 11, 2022 | 12:02 PM
झी मराठीवरील लोकप्रिय कार्यक्रम चला हवा येऊ द्या आणि त्यातील विनोदवीर वर्षानुवर्षे प्रेक्षकांच्या मनावर अधिराज्य करत आहेत. केवळ महाराष्ट्रातच नाही, तर जगाच्या कानाकोपऱ्यातील प्रेक्षकांकडून या कार्यक्रमाला पसंती मिळत आहे.
1 / 7
या कार्यक्रमाची लोकप्रियता इतकी आहे की मराठीसोबतच हिंदी कलाकारसुद्धा ‘चला हवा येऊ द्या’च्या मंचावर येत असतात.
2 / 7
अशातच बॉलिवूड सुपरस्टार अक्षय कुमार आणि अभिनेत्री क्रिती सनॉन यांनी नुकतीच ‘चला हवा येऊ द्या’ सेटवर हजेरी लावली. पुढील आठवड्यात प्रेक्षकांना हे विशेष भाग पाहायला मिळतील.
3 / 7
खिलाडी अक्षय कुमार याने फक्त या मंचावर हजेरीच नाही लावली तर त्याच्या स्टाईलमध्ये क्रितीसोबत डान्ससुद्धा केला. त्यांचा हा परफॉर्मन्स इतका अफलातून होता की टाळ्या आणि शिट्या थांबल्याचं नाहीत.
4 / 7
अक्षय आणि क्रिती हे त्यांच्या आगामी 'बच्चन पांडे' या चित्रपटाच्या प्रमोशननिमित्त चला हवा येऊ द्याच्या मंचावर आले होते. चला हवा येऊ द्या च्या मंचावर अक्षय कुमारचा मराठमोळा अंदाज देखील प्रेक्षकांना पहायला मिळणार आहे.
5 / 7
खिलाडी कुमार मंचावर आला आहे म्हणून विनोदवीरांनी देखील कल्ला केला आणि अक्षयने देखील या विनोदवीरांसोबत मिळून खूप धमाल केली.
6 / 7
ही सर्व धमाल मस्ती प्रेक्षकांना सोमवार आणि मंगळवार रात्री 9.30 वाजता झी मराठी वाहिनीवर पहायला मिळेल.
