Pushpa | बॉक्स ऑफिसवर सुपरहिट ठरतोय ‘पुष्पा’, अक्षय कुमारकडून अल्लू अर्जुनला कौतुकाची थाप, म्हणाला…
अल्लू अर्जुनच्या (Allu Arjun) ‘पुष्पा द राइज’ (Pushpa The Rise) या चित्रपटाने धमाका केला आहे. सुकुमार दिग्दर्शित हा चित्रपट तामिळ, तेलुगु, तमिळ, मल्याळम आणि हिंदी भाषेत प्रदर्शित झाला आहे. या चित्रपटाला सर्व भाषांमध्ये चांगला प्रतिसाद मिळत आहे.
अल्लू अर्जुनच्या (Allu Arjun) ‘पुष्पा द राइज’ (Pushpa The Rise) या चित्रपटाने धमाका केला आहे. सुकुमार दिग्दर्शित हा चित्रपट तामिळ, तेलुगु, तमिळ, मल्याळम आणि हिंदी भाषेत प्रदर्शित झाला आहे. या चित्रपटाला सर्व भाषांमध्ये चांगला प्रतिसाद मिळत आहे. बॉक्स ऑफिसवर चित्रपटाने धमाल केल्यावर अक्षय कुमारनेही (Akshay Kumar) अल्लूचे अभिनंदन केले आहे.
यासोबतच अक्षय म्हणाला की, तोही लवकरच हा चित्रपट पाहणार आहे. अक्षयने ट्विट केले की, ‘अल्लू अर्जुनच्या पुष्पा चित्रपटाला मिळालेल्या अप्रतिम प्रतिसादाबद्दल अभिनंदन. मनोरंजन विश्वासाठी आणखी एक विजय. मी लवकरच चित्रपट पाहण्याचा विचार करत आहे.’
अक्षयच्या ट्विटला उत्तर देताना अल्लू अर्जुनने लिहिले की, धन्यवाद अक्षय कुमार!! तुमच्या अभिनंदनाबद्दल अनेक धन्यवाद. लोक पुन्हा थिएटरमध्ये आले आहेत आणि भारतीय चित्रपट उद्योग पुन्हा चमकत आहे हे चांगले वाटते.
‘पुष्पा’ हा चित्रपट 2 भागात बनला असून, नुकताच चित्रपटाचा पहिला भाग प्रदर्शित झाला आहे. रिपोर्ट्सनुसार, दुसरा भाग 2022 मध्ये कधीही रिलीज होऊ शकतो.
चित्रपटाचे संगीतकार देवी श्री प्रसाद यांनी चित्रपटाविषयी सांगितले होते, जेव्हा सुकुमार यांनी मला चित्रपटाची कथा सांगितली तेव्हा मला वाटले की, हा 4 तासांचा चित्रपट आहे, परंतु जेव्हा चित्रीकरण सुरू झाले तेव्हा तो 4 तासांपेक्षा जास्त कालावधीचा चित्रपट बनला. यावरून हा चित्रपट 2 भागात प्रदर्शित होणार असल्याचे स्पष्ट झाले.
