भारताचा अव्वल क्रिकेटपटू, माजी कर्णधार विराट कोहलीला आज आंतरराष्ट्रीय क्रिकेट मध्ये पदार्पण करुन 14 वर्ष पूर्ण झाली आहेत. 18 ऑगस्टला आजच्याच दिवशी विराटने आंतरराष्ट्रीय क्रिकेट मध्ये पाऊल ठेवलं होतं.
1 / 10
श्रीलंकेविरुद्ध दांबुलाच्या मैदानावर विराट आंतरराष्ट्रीय क्रिकेट मधील पहिला सामना खेळला. त्यावेळी हा मुलगा आंतरराष्ट्रीय क्रिकेट मधील मोठा स्टार होईल, असं कोणाला वाटलं नव्हतं.
2 / 10
वनडे डेब्यु मध्ये विराटने असं खास प्रदर्शनही केलं नव्हतं की, क्रिकेट चाहत्यांमध्ये त्याची फार चर्चा होईल.
3 / 10
पण प्रत्येक सामन्यागणिक भारतच नाही, जगातील क्रिकेट प्रेमींना विराटने आपली दखल घ्यायला भाग पाडलं. विराटने त्याची क्षमता दाखवून दिली. आज तो आऊट ऑफ फॉर्म आहे. पण टॉप क्रिकेटपटूंमध्ये त्याची गणना होते.
4 / 10
पहिल्या सामन्यात विराट गौतम गंभीरसह सलामीला आला होता. त्यावेळी फक्त 12 धावा करुन तो बाद झाला. भारताचा त्या मॅच मध्ये 8 विकेटने पराभव झाला.
5 / 10
त्यावेळी वनडे क्रिकेट मध्ये 12 धावांपासून सुरु झालेला विराट कोहलीचा प्रवास आज 12,000 धावांच्या पुढे गेला आहे.
6 / 10
2008 पासून विराट कोहली आतापर्यंत एकूण 262 वनडे सामने खेळलाय. 57.68 च्या सरासरीने 12344 धावा केल्या आहेत. यात 43 शतकांचा समावेश आहे. गोलंदाजी करताना विराटने 4 विकेटही काढल्यात.
7 / 10
टीम इंडियासाठी विराटने ओपनर म्हणून सुरुवात केली होती. आता 3 नंबरवर खेळतो. टीम मधील त्याची ती सेट पोजिशन आहे.
8 / 10
आगामी आशिया कप स्पर्धेद्वारे आपला फॉर्म परत मिळवण्यासाठी विराट कोहली त्याच्याबाजूने शक्य ती सर्व मेहनत करतोय. विराट कोहलीने सध्या स्पेशल डाएट (Diet) आणि व्यायाम प्रकारांवर लक्ष केंद्रीत केलय.
9 / 10
विराटने सध्या त्याच्या खाण्या-पिण्याच्या सवयींमध्ये बदल केला आहे. फिट रहाण्यासाठी विराट प्रक्रियायुक्त साखरेचे आणि ग्ल्युटेन असलेले पदार्थ टाळतोय. नेहमीच्या फिटनेस रुटीन मध्येही विराट दुधापासून बनलेले पदार्थ खाणं टाळतो.
