Malaika Arora | ‘तू जवळ असतोस तेव्हा..’, स्कॉटलँडमध्ये अर्जुन – मलायकाचा रोमँटिक अंदाज
मलायका आणि अर्जुन गेल्या काही वर्षांपासून एकमेकांना डेट करत आहेत. या दोघांच्या वयात 12 वर्षांचं अंतर असल्याने अनेकदा त्यांना ट्रोल करण्यात आलं. मात्र या ट्रोलिंगला न जुमानता दोघांनी जाहीरपणे एकमेकांविषयी प्रेम व्यक्त केलं.
अभिनेत्री मलायका अरोरा आणि अर्जुन कपूर हे सोशल मीडियावर नेहमीच एकमेकांसोबतचे रोमँटिक फोटो पोस्ट करत असतात. नुकतेच हे दोघं स्कॉटलँडला फिरायला गेले आहेत. मलायकाने या ट्रिपचे काही फोटो इन्स्टाग्रामवर पोस्ट केले आहेत.
मलायका आणि अरोरा यांचे हे सेल्फी सध्या सोशल मीडियावर चांगलेच व्हायरल होत आहेत. या फोटोंवर चाहत्यांकडून आणि इंडस्ट्रीतील सेलिब्रिटींकडून लाइक्स, कमेंट्सचा वर्षाव होत आहे.
मलायका आणि अर्जुन गेल्या काही वर्षांपासून एकमेकांना डेट करत आहेत. या दोघांच्या वयात 12 वर्षांचं अंतर असल्याने अनेकदा त्यांना ट्रोल करण्यात आलं. मात्र या ट्रोलिंगला न जुमानता दोघांनी जाहीरपणे एकमेकांविषयी प्रेम व्यक्त केलं.
अर्जुन आणि मलायका हे बॉलिवूडमधील सर्वाधिक चर्चेत असलेल्या जोडप्यांपैकी एक आहेत. सोशल मीडियावर एकमेकांसोबत पोस्ट केलेले फोटो असो किंवा एखाद्या कार्यक्रमात लावलेली एकत्र हजेरी असो, ही जोडी नेहमीच नेटकऱ्यांचं लक्ष वेधून घेते.
गेल्या काही दिवसांपासून या दोघांच्या लग्नाबाबत चर्चांना उधाण आलंय. नुकत्याच दिलेल्या एका मुलाखतीत मलायका लग्नाबद्दल मोकळेपणे व्यक्त झाली.
“मी लग्नाबद्दल नक्कीच विचार केला आहे. लोकांना असं वाटत असेल की मी पुन्हा लग्न करण्याबाबत नकारात्मक असेन, पण हे खरं नाहीये. मला लग्नसंस्थेवर पूर्ण विश्वास आहे. तितकाच मला प्रेमावरही विश्वास आहे. मी पुन्हा लग्न कधी करेन हे मी सांगू शकत नाही, कारण एखाद्याच्या आयुष्यातील काही गोष्टी सरप्राइज म्हणून राहिलेल्याच बऱ्या असतात. मला सतत प्लॅनिंग करायलाही आवडत नाही”, असं ती म्हणाली.