Marathi News Photo gallery Netizen asked Compensation from janhavi killekar for this reason riteish deshmukh reads comment bigg boss marathi 5
जान्हवी किल्लेकरकडे प्रेक्षकाकडून नुकसान भरपाईची मागणी; नेमकं काय आहे प्रकरण?
'बिग बॉस मराठी 5'चा हा एपिसोड प्रेक्षकांना रात्री 9 वाजता कलर्स मराठी वाहिनीवर आणि 'जिओ सिनेमा' या ॲपवर कधीही पाहता येईल. भाऊचा धक्का एपिसोडच्या विशेष सेगमेंटमध्ये जान्हवी किल्लेकरसाठी खास कमेंट आली आहे.
बिग बॉस मराठीचा पाचवा सिझन सध्या चांगलाच गाजतोय. दररोज बिग बॉसच्या घरात नवीन ड्रामा आणि नवीन वाद पहायला मिळत आहेत. तर 'भाऊचा धक्का' एपिसोडचीही प्रेक्षकांमध्ये चर्चा होतेय.
1 / 7
'भाऊच्या धक्क्या'वरील 'महाराष्ट्र बोलतोय' या विशेष सेगमेंटची प्रेक्षकांमध्ये फारच उत्सुकता असते. या सेगमेंटमध्ये रितेश हा विविध स्पर्धकांबद्दल सोशल मीडियावर आलेले कमेंट्स वाचून दाखवतो.
2 / 7
रविवारच्या भाऊचा धक्काच्या एपिसोडमधील 'महाराष्ट्र बोलतोय' या विशेष सेगमेंटमध्ये रितेश देशमुख हा जान्हवी किल्लेकरला तिच्याबद्दल आलेली एक कमेंट वाचून दाखवणार आहे.
3 / 7
जान्हवीमुळे एका व्यक्तीचं 3568 रुपयांचं नुकसान झालं आहे. त्यामुळे त्या व्यक्तीने जान्हवीकडे बिग बॉसच्या घरातून बाहेर पडल्यानंतर नुकसान भरपाई करण्याची विनंती केली आहे.
4 / 7
'जान्हवी, बाहेर आल्या आल्या मला तुमचा नंबर द्या. कारण तुमच्यामुळे माझं 3568 रुपयांचं नुकसान झालंय. मी नवीन काचेचा डिनर सेट घेतला होता. तो बायको हातात घेऊन उभी होती आणि त्याच वेळी तुम्ही घनश्यामवर ओरडलात,' असं त्या युजरने लिहिलंय.
5 / 7
यापुढे त्याने म्हटलंय, 'दचकून तिच्या हातातून काचेचा नवीन सेट खाली पडला आणि फुटला. या सगळ्याला जबाबदार तुम्हीच आहात. तेव्हा प्लीज प्लीज प्लीज.. माझे 3568 रुपये देऊन टाका.'
6 / 7
ही कमेंट पाहून बिग बॉसच्या घरातील सर्व स्पर्धकांना आणि सूत्रसंचालक रितेश देशमुखलाही हसू अनावर होतं. मात्र जान्हवी संबंधित युजरला नुकसान भरपाई देण्यास तयार होते. बिग बॉसमधून बाहेर पडल्यावर नुकसान भरपाई देईन, असं ती म्हणते.
