Rajya Sabha Election 2022: नाश्ता झाला, घोषणा झाल्या, पायी आले, तीन तास झाले तरीही शिवसेनेच्या आमदाराचं मतदान नाही; नेमकं कुठे खुट्ट् झालं?

Rajya Sabha Election 2022: शिवसेनेच्या सर्व आमदारांना आणि अपक्ष आमदारांना ट्रायडंट हॉटेलमध्ये ठेवण्यात आलं आहे. आज राज्यसभेचं मतदान असल्याने सर्व आमदार सकाळी लवकरच उठले. काहींनी उठल्यावर योगा केला, तर काहींनी व्यायाम केला.

Rajya Sabha Election 2022: नाश्ता झाला, घोषणा झाल्या, पायी आले, तीन तास झाले तरीही शिवसेनेच्या आमदाराचं मतदान नाही; नेमकं कुठे खुट्ट् झालं?
तीन तास झाले तरीही शिवसेनेच्या आमदाराचं मतदान नाही; नेमकं कुठे खुट्ट् झालं?Image Credit source: tv9 marathi
Follow us
| Updated on: Jun 10, 2022 | 11:59 AM

मुंबई: राज्यसभेच्या निवडणुकीसाठी (Rajyasabha Election) मतदान सुरू झालं. सकाळी 9 वाजता मतदानाला सुरुवात झाली. 11.30 वाजेपर्यंत 187 आमदारांनी मतदानाचा हक्क बजावला आहे. यात भाजप, राष्ट्रवादी (ncp)  आणि काँग्रेससह अपक्ष आमदारांचाही समावेश आहे. मात्र, तीन तास होत आले तरी शिवसेनेच्या एकाही आमदाराने अजून मतदान केलं नाही. शिवसेना (Shivsena) समर्थक अपक्ष आमदारांनीही मतदान केलं नाही. शिवसेनेचे सर्वच आमदार विधानभवनात पोहोचून अर्धा तास लोटला आहे. पण तरीही आमदारांनी मतदान केलं नाही. राष्ट्रवादी आणि काँग्रेसने ऐनवेळी मतांचा कोटा वाढवल्याने शिवसेनेत प्रचंड नाराजी आहे. त्यामुळे स्वत: मुख्यमंत्री उद्धव ठाकरे संतापल्याचं सांगितलं जात आहे. मुख्यमंत्री उद्धव ठाकरे आता विधानभवनात आले असून आपल्या आमदारांशी चर्चा करत आहेत. त्यामुळे मुख्यमंत्री काय निर्णय घेतात याकडे सर्वांचं लक्ष लागलं आहे.

शिवसेनेच्या सर्व आमदारांना आणि अपक्ष आमदारांना ट्रायडंट हॉटेलमध्ये ठेवण्यात आलं आहे. आज राज्यसभेचं मतदान असल्याने सर्व आमदार सकाळी लवकरच उठले. काहींनी उठल्यावर योगा केला, तर काहींनी व्यायाम केला. तर काहींनी ध्यानधारणा केली. त्यानंतर सर्व आमदार तयार होऊन नाश्याताला एकत्र आले. कुणी मसाला डोसा, कुणी ऑमलेट तर कुणी इडली, डोश्यावर ताव मारला. त्यानंतर काही आमदारांनी मीडियाशी संवादही साधला. इतक्यात काँग्रेस आणि राष्ट्रवादीने मतांचा कोटा वाढवल्याची बातमी आली. काँग्रेस आणि राष्ट्रवादीने आपल्या उमेदवारासाठी 42 ऐवजी 44 मतांचा कोटा ठरवल्याची बातमी धडकली. त्यामुळे शिवसेना आमदारांच्या गोटात एकच खळबळ उडाली.

हे सुद्धा वाचा

घोषणा देत विधानभवनाकडे कूच

या वृत्तानंतर शिवसेनेच्या नेत्यांनी आमदारांना समजावण्याचा प्रयत्न केला. स्वत: संजय राऊत आणि विनायक राऊत हॉटेलात आले. त्यांनी आमदारांशी संवाद साधला. त्यानंतर सर्व आमदार विधानभवनाच्या दिशेने जायला निघाले. हाकेच्या अंतरावरच विधानभवन असल्याने पायीच जात शक्तीप्रदर्शन करायचं ठरलं. तर अब्दुल सत्तार यांनी गाडीने जायचं ठरलं. यावेळी शिवसेना आमदारांनी जोरदार घोषणाबाजी केली. जय भवानी, जय शिवाजीचा जयघोषही झाला. त्यामुळे आता शिवसेनेचे आमदार एकत्रित मतदान करणार असं चित्रं दिसत होतं.

राष्ट्रवादी 10 मते देणार

शिवसेना आमदार घोषणा देतच विधान भवनात आले. पण मतदान कक्षाकडे फिरकलेच नाही. या आमदारांना थांबायला सांगितलं. त्यानंतर मुख्यमंत्र्यांचा ताफाही विधानभवनात आला. मुख्यमंत्र्यांनी आमदारांशी चर्चा सुरू केली आहे. मात्र, ही चर्चा सुरू असतानाच शिवसेनेच्या उमेदवाराला राष्ट्रवादी पहिल्या पसंतीची दहा मते देणार असल्याचं वृत्त धडकलं. मात्र, तरीही अजून शिवसेना आमदारांचं मतदान सुरू झालेलं नाही. त्यामुळे आता मुख्यमंत्री काय निर्णय घेतात याकडे सर्वांचं लक्ष लागलं आहे.

'मंत्रिमंडळात नाव आहे, असं सांगितलं अन् शपथविधीच्या वेळी वगळलं...'
'मंत्रिमंडळात नाव आहे, असं सांगितलं अन् शपथविधीच्या वेळी वगळलं...'.
छगन भुजबळांचा मंत्रिमंडळातून पत्ता कट, मनोज जरांगे पहिली प्रतिक्रिया
छगन भुजबळांचा मंत्रिमंडळातून पत्ता कट, मनोज जरांगे पहिली प्रतिक्रिया.
मंत्रिमंडळातून पत्ता कट शिवतारे भडकले, 'आता अडीच वर्षांनी मंत्रिपद...'
मंत्रिमंडळातून पत्ता कट शिवतारे भडकले, 'आता अडीच वर्षांनी मंत्रिपद...'.
मंत्रिमंडळ विस्तारानंतर नाराजी नाट्य, कोण-कोणत्या नेत्यांमध्ये नाराजी?
मंत्रिमंडळ विस्तारानंतर नाराजी नाट्य, कोण-कोणत्या नेत्यांमध्ये नाराजी?.
दोघांची दोस्ती अन् विधानभवनाच्या पायऱ्यांवर जमली गट्टी; बघा व्हिडीओ
दोघांची दोस्ती अन् विधानभवनाच्या पायऱ्यांवर जमली गट्टी; बघा व्हिडीओ.
बावनकुळेंनंतर भाजप प्रदेशाध्यक्षपदासाठी 'या' दोन नेत्यांची नावं चर्चेत
बावनकुळेंनंतर भाजप प्रदेशाध्यक्षपदासाठी 'या' दोन नेत्यांची नावं चर्चेत.
मंत्रिपद नाही, नाराज भुजबळ म्हणाले, 'मला डावललं, फेकलं फरक पडत नाही..'
मंत्रिपद नाही, नाराज भुजबळ म्हणाले, 'मला डावललं, फेकलं फरक पडत नाही..'.
मंत्रिपद हुकलं... तानाजी सावंत बॅग पॅक करून नागपुरातून निघाले अन्...
मंत्रिपद हुकलं... तानाजी सावंत बॅग पॅक करून नागपुरातून निघाले अन्....
बिनखात्याचं मंत्रिमंडळ म्हणत संजय राऊतांचा महायुतीवर निशाणा; म्हणाले..
बिनखात्याचं मंत्रिमंडळ म्हणत संजय राऊतांचा महायुतीवर निशाणा; म्हणाले...
आज महाराष्ट्र बंदची हाक, परभणीत आंबेडकर अनुयायांनी पुकारला जिल्हा बंद
आज महाराष्ट्र बंदची हाक, परभणीत आंबेडकर अनुयायांनी पुकारला जिल्हा बंद.