Maharashtra Politics : वर्षावर झालेल्या बैठकीत शिवसेनेच्या 55 पैकी फक्त 18 आमदारांची हजेरी! बाकीचे शिंदेंसोबत?

Maharashtra Political crisis : दादा भुसे, संजय राठोड आणि संतोष बांगर हे एकनाथ शिंदेच्या वतीनं वर्षावर बैठकीसाठी गेले होते. तर एकनाथ शिंदेच्या समजून काढण्यासाठी मिलिंद नार्वेकर आणि रवींद्र फाटक यांच्यावर जबाबदारी सोपवण्यात आलीय.

मुख्यमंत्री उद्धव ठाकरे Image Credit source: tv9

Reporter Sachin Gawane | Updated on: Jun 21, 2022 | 3:25 PM

मुंबई : एकनाथ शिंदेच्या (Eknath Shinde) नाराजीचा शिवसेनेनं धसका घेतलाय की काय, अशी चर्चा रंगलीय. या पार्श्वभूमीवर वर्षावर बैठकीचं बोलावण्यात आली. तातडीनं शिवसेनेनं आमदारांची (Shiv sena MLA) बैठक बोलवली होती. मात्र आश्चर्याची गोष्ट म्हणजे या बैठकीला अवघे 16 ते 18 आमदारच असल्याची माहिती समोर आली आहे. त्यामुळे इतर आमदार बैठकी का आले नाहीत? त्यांचा पाठिंबा नेमका कुणाला आहे? एकनाथ शिंदे यांना उर्वरीत सर्व सेना आमदारांचं समर्थन आहे का? अशी शंका यानिमित्तानं घेतली जातेय. त्यामुळे राजकीय (Maharashtra Political Crisis) वर्तुळात पुन्हा चर्चांना उधाण आलंय. एकनाथ शिंदे यांनी बंडखोरी केल्यानं शिवसेनेनं त्यांना विधिमंडळाच्या गटनेते पदावरुन हटवलंय. त्यांच्या जागी अजय चौधरी यांची नेमणूक विधीमंडळाच्या गटनेते पदावर करण्यात आली आहे. महाराष्ट्राचं राजकारण एकनाथ शिंदेच्या नाराजीच्या वृत्तानं ढवळून निघालंय.

वर्षावरील बैठकीत कोण-कोण उपस्थित?

हे सुद्धा वाचा

कुणाकडून मध्यस्थीसाठी काय प्रयत्न?

दादा भुसे, संजय राठोड आणि संतोष बांगर हे एकनाथ शिंदेच्या वतीनं वर्षावर बैठकीसाठी गेले होते. तर एकनाथ शिंदेच्या समजून काढण्यासाठी मिलिंद नार्वेकर आणि रवींद्र फाटक यांच्यावर जबाबदारी सोपवण्यात आलीय.

थोडक्यात, पण महत्त्वाचं

शिवसेनेचे सध्या विधानसभेत एकूण 55 आमदार
30 पेक्षा जास्त आमदार हे एकनाथ शिंदेसोबत असल्याची माहिती
एकनाथ शिंदे सर्व आमदारांसोबत सूरतमधील हॉटेलात
एकनाथ शिंदेचं बंड थोपवण्यासाठी शिवसेनेकडून प्रयत्न सरु
तूर्तास एकनाथ शिंदेंना विधिमंडळ गटनेते पदावरुन हटवलं
एकनाथ शिंदेंच्या जागी अजय चौधरी यांची नेमणूक
दुपारी अडीच्या सुमारास ट्वीट करत एकनाथ शिंदे यांचं कट्टर शिवसैनिक असल्याचं स्पष्टीकरण
राजधानी दिल्लीतही घडामोडींना वेग, देवेंद्र फडणवीस दिल्लीत
फडणवीसही सूरतला रवाना होणार असल्याची माहिती