Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Kopri Pachpakhadi Vidhan Sabha 2024 : मुख्यमंत्री एकनाथ शिंदे यांच्या विजयाच्या मार्गात अडथळे काय? मतदारसंघात प्रश्न काय?

Kopri Pachpakhadi Vidhan Sabha 2024 : मुख्यमंत्री एकनाथ शिंदे हे ठाण्याच्या कोपरी पाचपाखाडी विधानसभा मतदारसंघातून निवडणूक लढवणार आहेत. या मतदारसंघाची रचना कशी आहे? मुख्यमंत्र्यांच्या मतदारसंघात नागरिकांच्या समस्या काय आहेत? स्थानिक पातळीवर कुठून आव्हान मिळू शकतं? त्याचा घेतलेला आढावा.

Kopri Pachpakhadi Vidhan Sabha 2024 :  मुख्यमंत्री एकनाथ शिंदे यांच्या विजयाच्या मार्गात अडथळे काय? मतदारसंघात प्रश्न काय?
Eknath ShindeImage Credit source: Facebook
Follow us
| Updated on: Oct 30, 2024 | 2:00 PM

यंदा ठाण्याचा कोपरी पाचपाखाडी मतदारसंघ चर्चेत आहे, याचं कारण आहे, मुख्यमंत्री एकनाथ शिंदे. यापूर्वी या मतदारसंघाची कधी इतकी चर्चा झाली नव्हती. पण आता चर्चा होतेय, कारण स्वत: मुख्यमंत्री एकनाथ शिंदे या मतदारसंघातून उमेदवार आहेत. दोन दिवसांपूर्वी सोमवारी मुख्यमंत्री एकनाथ शिंदे यांनी ठाण्याच्या कोपरी पाचपाखाडी मतदारसंघातून भव्य शक्ती प्रदर्शन करुन उमेदवारी अर्ज दाखल केला. ठाणे हा 90 च्या दशकापासून शिवसेनेचा बालेकिल्ला राहिला आहे. सातत्याने इथून शिवसेनेचे आमदार, खासदार निवडून आले आहेत. दोन वर्षांपूर्वी शिवसेनेत उभी फूट पडली. दोन गट झाले. सध्या अधिकृत शिवसेना पक्ष आणि चिन्ह एकनाथ शिंदेंकडे आहे. चार महिन्यांपूर्वी झालेल्या लोकसभा निवडणुकीत ठाण्यात शिवसेना एकनाथ शिंदे गटाची ताकद दिसून आली. शिवसेनेचे उमेदवार नरेश म्हस्के हे 2 लाखापेक्षा जास्त मताधिक्क्याने निवडून आले.

ठाणेकरांनी आपण एकनाथ शिंदेंसोबत असल्याचा कौल दिला. त्यामुळे विधानसभा निवडणूक मुख्यमंत्र्यांसाठी तशी सोपी आहे. या मतदारसंघात त्यांच्यासमोर असं मोठ आव्हान नाहीय. उद्धव ठाकरे गटाने स्वर्गीय आनंद दिघे यांचे पुतणे केदार दिघे यांना उमेदवारी दिलीय. उद्धव ठाकरे यांनी केदार दिघेंना उमेदवारी देऊन भावनिक कार्ड खेळलं आहे. आनंद दिघे हे ठाणे जिल्ह्यातील शिवसेनेचे मोठे नेते होते. शिवसेना पक्ष घराघरात पोहोचवण्यात, मनामनात रुजवण्यात त्यांनी महत्त्वाची भूमिका बजावली. एकनाथ शिंदे हे नेहमीच आनंद दिघे हे राजकीय गुरु, मार्गदर्शक असल्याच सांगत आले आहेत. केदार दिघे हे नात्याने आनंद दिघे यांचे भाचे आहेत. पण आनंद दिघेंचा राजकीय वारसदार, उत्तराधिकारी म्हणून एकनाथ शिंदेंकडे पाहिलं जातं.

कोपरी-पाचपाखाडीमधून एकनाथ शिंदे कितीवेळा आमदार?

कोपरी-पाचपाखाडी विधानसभा मतदारसंघातून एकनाथ शिंदे यांच्या विजयात अडचणी येण्याची शक्यता कमी आहे. स्थानिक पातळीवर एकनाथ शिंदे यांना आव्हान देऊ शकणारा एकही नेता काँग्रेस आणि उद्धव ठाकरे गटाकडे नाहीय. एकनाथ शिंदे 2004 पासून 2019 पर्यंत सलग चार वेळा या मतदारसंघातून निवडणूक जिंकले आहेत. 2004 साली ठाणे शहर हा मतदारसंघ अतिशय मोठा होता. पण 2008 साली मतदारसंघ पूनर्रचनेनंतर ठाणे शहरातून कोपरी-पाचपाखाडी मतदारसंघ वेगळा झाला. एकनाथ शिंदे यांनी नेहमीच या मतदारसंघातून जवळपास लाखाच्या मताधिक्क्याने विजय मिळवला आहे.

कसा आहे कोपरी-पाचपाखाडी विधानसभा मतदारसंघ?

एकनाथ शिंदे यांच्या कोपरी पाचपाखाडी विधानसभा मतदारसंघात ठाणे स्टेशनच्या पूर्वेकडील भाग, कोपरी गाव, आनंद नगर हा भाग येतो. ठाणे स्टेशनच्या पश्चिमेकडील लुईस वाडी, हाजूरी, रामचंद्र नगर, राम नगर, ज्ञानेश्वर नगर, किसान नगर एक ते चार आणि वागळे इस्टेटचा भाग याच मतदार संघात येतो.

मुख्यमंत्र्यांच्या मतदारसंघात समस्या काय?

एकनाथ शिंदे यांच्या या मतदारसंघात अनेक जुन्या, धोकादायक आणि अनधिकृत इमारती आहेत. क्लस्टर डेव्हलपमेंटच्या माध्यमातून इथे विकास घडवू. लोकांना रहायला चांगला फ्लॅट मिळेल असं आश्वासन मुख्यमंत्री एकनाथ शिंदे यांनी उमेदवारी अर्ज भरताना दिलय.

कोपरी-पाचपाखडीमधील किती उमेदवारी अर्ज वैध ठरले?

कोपरी-पाचपाखडी मतदार संघातून 14 उमेदवारांचे 18 अर्ज दाखल करण्यात आले होते. आजच्या अर्ज छाननीच्या दिवशी दोन अर्ज अवैध ठरले, तर 12 उमेदवारांचे 16 अर्ज वैध ठरले आहेत. यामध्ये मुख्यमंत्री एकनाथ शिंदे यांचा अर्ज देखील वैध ठरला आहे.

आरोपी दत्ता गाडेला थोड्याच वेळात शिवाजीनगर कोर्टात हजर करणार
आरोपी दत्ता गाडेला थोड्याच वेळात शिवाजीनगर कोर्टात हजर करणार.
'कितीही डुबक्या मारा गद्दारीचा शिक्का...', ठाकरेंचा शिंदेंना पलटवार
'कितीही डुबक्या मारा गद्दारीचा शिक्का...', ठाकरेंचा शिंदेंना पलटवार.
मुख्यमंत्री कार्यालय उडवून देण्याची धमकी देणारा 'तो' मेसेज कुठून आला?
मुख्यमंत्री कार्यालय उडवून देण्याची धमकी देणारा 'तो' मेसेज कुठून आला?.
महिलांनो घाबरू नका...स्वारगेट प्रकरणानंतर राज्य महिला आयोग ॲक्शन मोडवर
महिलांनो घाबरू नका...स्वारगेट प्रकरणानंतर राज्य महिला आयोग ॲक्शन मोडवर.
हिरकणी कक्षात मद्यपींच्या पार्ट्या, पालिकेच्या शाळेत चाललंय काय?
हिरकणी कक्षात मद्यपींच्या पार्ट्या, पालिकेच्या शाळेत चाललंय काय?.
परळीट 109 अज्ञात मृतदेह सापडले; बजरंग सोनवणेंचा खळबळजनक दावा
परळीट 109 अज्ञात मृतदेह सापडले; बजरंग सोनवणेंचा खळबळजनक दावा.
'मराठी माणसासाठी केलेली 4 कामं मनसेनं दाखवावी', भाजप नेत्याचं चॅलेंज
'मराठी माणसासाठी केलेली 4 कामं मनसेनं दाखवावी', भाजप नेत्याचं चॅलेंज.
CCTV बंद करून कराडला तुरुंगात चहा, नाश्ता मिळतो, दमानियांचा आरोप
CCTV बंद करून कराडला तुरुंगात चहा, नाश्ता मिळतो, दमानियांचा आरोप.
'औरंगजेबाचा जप तोंडी, ते हिंदुत्ववादी ढोंगी?', भाजपच्या नेत्याची टीका
'औरंगजेबाचा जप तोंडी, ते हिंदुत्ववादी ढोंगी?', भाजपच्या नेत्याची टीका.
विरोधी पक्षनेतेपदावर ठाकरे गटाचा दावा? कोणाची लागणार वर्णी, पाहा Video
विरोधी पक्षनेतेपदावर ठाकरे गटाचा दावा? कोणाची लागणार वर्णी, पाहा Video.