पुणे महापालिकेवर झेंडा फडकवणार, वर्धापन दिनी राष्ट्रवादीचा निर्धार

पुणे महापालिका

पुणे : येत्या महापालिका निवडणुकीत पुण्यात (Pune municipal election) राष्ट्रवादी काँग्रेसचा झेंडा (NCP) फडकवणार, असा निर्धार राष्ट्रवादीचे पुणे शहराध्यक्ष प्रशांत जगताप (Prashant Jagtap) यांनी केला. आगामी पुणे महापालिका निवडणुकीत पुण्यात राष्ट्रवादी काँग्रेसचाच महापौर होईल, असा विश्वास जगताप यांनी व्यक्त केला. राष्ट्रवादी काँग्रेसचा आज 22 वा वर्धापन दिन आहे. त्यावेळी आयोजित कार्यक्रमात जगताप बोलत होते. (Next mayor in Pune Municipal Corporation will be from NCP claim Prashant Jagtap on NCP foundation day Vardhapan Din )

सत्ताधारी भाजपच्या कामावरती पुणेकरांमध्ये असंतोष आहे. पुणेकर आगामी महापालिका निवडणुकीत राष्ट्रवादी काँग्रेसचा झेंडा फडकवतील. अजित पवारांच्या नेतृत्वात महापालिका जिंकू असा विश्वास शहराध्यक्ष जगताप यांनी व्यक्त केला.

पुणे महापालिकेत एकूण 164 नगरसेवकांचं संख्याबळ आहे. त्यापैकी भाजपकडे सर्वाधिक 99 नगरसेवक आहेत.  तर राष्ट्रवादी 44, काँग्रेस 9 आणि शिवसेनेकडे 9 जागांचं बळ आहे.

राष्ट्रवादी शिवसेना एकत्र लढणार?

शिवेसना नेते संजय राऊत (Sanjay Raut on PMC Election) यांनी फेब्रुवारी 2020 मध्ये पुणे दौरा केला होता. त्यावेळी त्यांनी पुणे महापालिका निवडणुकीबाबत मोठ वक्तव्य केलं होतं. राऊत यांनी पुण्यात शिवसेना-राष्ट्रवादी एकत्र लढतील, अशी घोषणा केली .

पुणे महापालिकेत सध्या भाजप सत्तेत आहे. शिवसेना आणि राष्ट्रवादी काँग्रेस पुणे महापालिका निवडणूक एकत्रितपणे लढणार आहे. तर, काँग्रेसला सोबत घेण्याचा विचार असल्याचंही राऊत यांनी स्पष्ट केलं.

पुणे महापालिका पक्षीय बलाबल

• भाजप 99
• काँग्रेस 09
• राष्ट्रवादी 44
• मनसे 2
• सेना 9
• एमआयएम 1
• एकूण 164

संबंधित बातम्या  

पुणे महापालिका निवडणुकीसाठी शिवसेना राष्ट्रवादीचं ठरलं, संजय राऊतांकडून मोठी घोषणा

EXCLUSIVE : मुख्यमंत्रिपदाबाबत घरात बसून वक्तव्य योग्य नाही, जयंत पाटील यांची रोखठोक मुलाखत

(Next mayor in Pune Municipal Corporation will be from NCP claim Prashant Jagtap on NCP foundation day )