Nitesh Rane arrest : भाजप आमदार नितेश राणेंना अखेर 2 दिवसांची पोलीस कोठडी! दिवसभरात नेमकं काय घडलं?
सिंधुदुर्ग जिल्हा सत्र न्यायालयाने नितेश राणे यांना पोलीस कोठडी सुनावली आहे. कोर्टानं पोलीस कोठडी सुनावल्यानंतर कणकवली पोलिस नितेश राणे यांना पोलीस स्टेशनला घेऊन गेले आहेत. मागील काही दिवसांपासून सुरु असलेल्या मोठ्या राजकीय नाट्यानंतर अखेर नितेश राणे यांना मोठा झटका बसल्याचं पाहायला मिळत आहे.
सिंधुदुर्ग : भाजप आमदार नितेश राणे (Nitesh Rane) यांना मोठा झटका बसला आहे. कारण नगर पंचायत निवडणुकीदरम्यान शिवसेनेचे स्थानिक नेते संतोष परब हल्ला प्रकरणात नितेश राणे यांना 2 दिवसांची पोलीस कोठडी (Police Custody) सुनावण्यात आली आहे. सिंधुदुर्ग जिल्हा सत्र न्यायालयाने (Sindhudurga District Court) नितेश राणे यांना पोलीस कोठडी सुनावली आहे. कोर्टानं पोलीस कोठडी सुनावल्यानंतर कणकवली पोलिस नितेश राणे यांना पोलीस स्टेशनला घेऊन गेले आहेत. मागील काही दिवसांपासून सुरु असलेल्या मोठ्या राजकीय नाट्यानंतर अखेर नितेश राणे यांना मोठा झटका बसल्याचं पाहायला मिळत आहे.
दरम्यान, आज दिवसभरात मोठ्या घडामोडी पाहायला मिळाल्या. जिल्हा सत्र न्यायालयाने काल जामीन अर्ज फेटाळून लावल्यानंतर नितेश राणे यांनी उच्च न्यायालयात धाव घेत जामीन अर्ज दाखल केला होता. मात्र, आज दुपारी नितेश राणे यांनी हायकोर्टातील जामीन याचिका मागे घेतली. तशी माहिती त्यांचे वकील सतीश मानेशिंदे यांनी दिली होती. त्यानंतर नितेश राणे हे दिवाणी न्यायालयात शरण गेले. त्यावेळी ‘काल सेशन कोर्टाने जो निर्णया दिलेला आहे, त्या निर्णयाचा आदर ठेवून मी आता सरेंडर होण्यासाठी जातोय. आतापर्यंत राज्य सरकारनं वेगवेगळ्या बेकायदेशीर पद्धतीने मला अटक करण्याचा प्रयत्न केला पण मी आज स्वत:हून कोर्टाच्या निर्णयाचा आदर ठेवून मी स्वत: सरेंडर होण्यासाठी जात आहे’, असं नितेश राणे म्हणाले होते.
नितेश राणेंचं सूचक ट्वीट
नितेश राणे शरण आल्यानंतर सिंधुदुर्ग जिल्हा सत्र न्यायालयात जामीनासाठी आवश्यक प्रक्रिया पूर्ण करण्यात आली. नितेश राणे यांना पोलीस कोठडी दिली जावी अशी मागणी यावेळी सरकारी पक्षाच्या वकीलांकडून करण्यात आली. दरम्यान, दुपारी नितेश राणे यांनी एक सूचक ट्वीट देखील केलं. यामध्ये त्यांनी समय बडा बलवान है.. असं म्हटलं आहे. या ट्वीटमध्ये त्यांनी अमित शाह आणि पी चिदंबरम यांच्या अटक झाली त्यावेळचे फोटो पोस्ट केले होते.
— nitesh rane (@NiteshNRane) February 2, 2022
कोर्टाकडून 2 दिवसांची पोलीस कोठडी
एकीकडे नितेश राणे यांच्या वकिलांकडून जामिनासाठी आवश्यक असलेली प्रक्रिया पूर्ण करत होते. तेव्हा सरकारी वकिलांकडून नितेश राणे यांची पाच दिवसांची पोलीस कोठडी मागितली. त्यामुळे नितेश राणेंना जामीन मिळणार की नाही? असा प्रश्न काही काळ निर्माण झाला होता. दोन्ही बाजूचा युक्तीवाद पूर्ण झाल्यानंतर न्यायालयाने नितेश राणे यांना दोन दिवसांची अर्थात 4 फेब्रुवारीपर्यंत पोलीस कोठडी सुनावली आहे. त्यानंतर कणकवली पोलीस नितेश राणेंना घेऊन पोलीस ठाण्यात गेले.
इतर बातम्या :
