लोकसभा निवडणूक : शिवसेनेची यादी जाहीर

मुंबई : लोकसभा निवडणुकीसाठी शिवसेनेने उमेदवारांची यादी जाहीर केली आहे. शिवसेनेने पहिल्या यादीत 23 पैकी 21 उमेदवार जाहीर केले आहेत. सातारा आणि पालघर या दोन जागांवरील उमेदवार अद्याप जाहीर केले नसून, उस्मानाबादमध्ये विद्यमान खासदार रवींद्र गायकवाड यांना डच्चू देण्यात आला आहे.

शिवसेनेच्या उमेदवारांची यादी :

1. दक्षिण मुंबई- अरविंद सावंत
2. दक्षिण मध्य मुंबई- राहुल शेवाळे
3. उत्तर पश्चिम मुंबई – गजानन किर्तीकर
4. ठाणे- राजन विचारे
5.  कल्याण- श्रीकांत शिंदे
6. रायगड – अनंत गीते
7. रत्नागिरी-सिंधुदुर्ग – विनायक राऊत
8. कोल्हापूर- संजय मंडलिक
9. हातकणंगले- धैर्यशील माने
10. नाशिक- हेमंत गोडसे
11. शिर्डी- सदाशिव लोखंडे
12. शिरुर- शिवाजीराव आढळराव-पाटील
13. औरंगाबाद- चंद्रकांत खैरे
14. यवतमाळ-वाशिम – भावना गवळी
15. बुलडाणा- प्रतापराव जाधव
16. रामटेक- कृपाल तुमाणे
17. अमरावती- आनंदराव अडसूळ
18. परभणी- संजय जाधव
19. मावळ- श्रीरंग बारणे
20. हिंगोली – हेमंत पाटील
21. उस्मानाबाद – ओमराजे निंबाळकर

निवडणुकीच्या तारखा जाहीर :

केंद्रीय निवडणूक आयोगाने रविवारी 10 मार्चला लोकसभा निवडणूक 2019 च्या तारखा जाहीर केल्या. लोकसभेच्या 543 जागांसाठी 7 टप्प्यात मतदान होणार आहे. त्यासाठी आचारसंहिता लागू झाली आहे. 11, 18, 23, 29 एप्रिल, तर 6, 12 आणि 19 मे रोजी अशा सात टप्प्यात मतदान होईल. देशभरातील सर्व लोकसभा मतदारसंघाचा निवडणुकीचा निकाल 23 मे रोजी जाहीर होईल. केंद्रीय निवडणूक आयुक्त सुनिल अरोरा यांनी याबाबतची घोषणा केली.

महत्त्वाचं म्हणजे महाराष्ट्रात 11 एप्रिल 2019 रोजी पहिलं मतदान होईल. महाराष्ट्रातील 48 जागांसाठी चार टप्प्यात मतदान होणार आहे. पहिल्या टप्प्यात 11 एप्रिलला 7 जागांसाठी, दुसऱ्या टप्प्यात 18 एप्रिलला 10 जागांसाठी, तिसऱ्या टप्प्यात 23 एप्रिलला 14 जागांसाठी आणि चौथा टप्प्यात 29 एप्रिलला 17 जागांसाठी मतदान होणार आहे.