Uday Samant : आम्हीच खरी शिवसेना, दुसरा शिंदे गट स्थापन केला नाही, उदय सामंत यांची स्पष्टोक्ती
उदय सामंत म्हणाले, विनायक राऊत यांनी केलेली टीका ही खिलाडू वृत्तीने घेतली. कार्यालय सोडणे हा त्यांचा वैयक्तिक विषय आहे. चांगल्या कार्यालय शुभ कार्यालय त्यांनी सोडू नये
रत्नागिरी : शिवसेनेचे बंडखोर आमदार एकनाथ शिंदे गटाचे उदय सामंत म्हणाले, आम्ही शिवसेनाच आहोत. आम्ही शिंदे नावाचा दुसरा गट स्थापन केला नाही. गट स्थापन करून दुसरीकडे कुठे आम्ही जाणार नाही. आम्ही बाळासाहेब ठाकरे (Balasaheb Thackeray) यांचा विचार घेवून पुढे जातोय. मातोश्री शिवसेना भवन (Shiv Sena Bhavan) हायजॅक करावा, अशी कुठलीही आमची भूमिका नसल्याचं त्यांनी स्पष्ट केलंय. उदय सामंत म्हणाले, न्यायालयीन लढा आम्ही लढत आहोत. शिंदे यांच्यासोबत कायदेशीर लढाईत आम्ही आहोत. आदित्य ठाकरे (Aditya Thackeray) यांच्यावर टीका करणे आपल्या राजकारणात बसत नाही. दर पाच वर्षानी आम्ही निवडणुका लढत आलोत. आम्ही शिवसेना सोडलेली नाही. रत्नागिरी विधानसभा मतदार संघातील आमदार हा भगवा घेतलेला आणि खासदारसुद्धा शिवसेनेचाच असेल, असा विश्वास त्यांनी व्यक्त केला.
उद्धव ठाकरेंनी दौरा करायचा की नाही हा त्यांचा अधिकार
विरोधक राष्ट्रपती निवडणुकीबाबत शिंदे यांच्याबाबत अपप्रचार करत आहेत. विधानसभा अध्यक्षांना आणि बहुमतावेळी युतीचे आकडे वाढत गेलेत. एकनाथ शिंदे यांना धोका होता. त्या अनुषंघाने तत्कालीन गृह राज्यमंत्री शंभुराजे देसाई यांनी बैठक पण घेतली होती. त्यानंतर हा प्रसंग घडलाय. तो प्रसंग शंभुराजे यांनी सांगितला आहे. यात अजून काय घडलं हे शंभूराजे देसाई सांगू शकतील. उद्धव ठाकरे यांनी दौरा करायचा की, नाही करायचा हा त्यांचा अधिकार आहे. आम्ही शिवसेनेत आम्ही गद्दार नाही. हीच भूमिका आम्ही सर्वोच्च न्यायलायात मांडलीय. शिवसेना आणि भाजपचे मुख्यमंत्री हे एकनाथ शिंदे आहेत. तर शिवसेना-भाजपचे उपमुख्यमंत्री हे आमचे नेते देवेंद्र फडणवीस आहेत.
विनायक राऊतांची टीका खिलाडू वृत्तीने घेतली पाहिजे
उदय सामंत म्हणाले, विनायक राऊत यांनी केलेली टीका ही खिलाडू वृत्तीने घेतली. कार्यालय सोडणे हा त्यांचा वैयक्तिक विषय आहे. चांगल्या कार्यालय शुभ कार्यालय त्यांनी सोडू नये. रामदास कदम यांच्या संपर्कात कोकणातून कोण याची चर्चा केली. रामदास कदम यांनी घेतलेली भूमिका मोठी आहे. संभाजीनगर पासून ते दौरा सुरु करणार आहेत. बाळासाहेबांचा विचारा पक्का करण्यासाठी आम्ही प्रयत्न करतो. सर्व सामान्यांचा शाखा प्रमुख मुख्यमंत्री झाला याचा अभिमान आहे. मंत्रीमंडळ विस्तार मुख्यमंत्री उपमुख्यमंत्र्यांनी सांगितलं तसा लवकरच विस्तार होईल, असंही सामंत यांनी सांगितलं.
