एकाच दिवसात राज्यात चार पोलीस कर्मचाऱ्यांचा ‘कोरोना’ने बळी
राज्यात आतापर्यंत 17 पोलिसांचा मृत्यू 'कोरोना'ने बळी घेतल्याची माहिती आहे.. (Pune Traffic Police Corona Death)
पुणे/मुंबई : एकाच दिवसात राज्यात चार पोलीस कर्मचाऱ्यांचा ‘कोरोना’ने बळी गेला. पुण्यात वाहतूक शाखेत कार्यरत असलेल्या पोलीस कर्मचाऱ्याचा मृत्यू झाल्याचं वृत्त सकाळी आलं, तर मुंबईतही तिघा पोलिसांना ‘कोरोना’मुळे प्राण गमवावे लागले. (Pune Traffic Police Corona Death)
पुण्यातील भारती हॉस्पिटलमध्ये उपचार सुरु असताना संबंधित वाहतूक पोलिसाची प्राणज्योत मालवली. आतापर्यंत पुण्यात दोघा पोलीस कर्मचाऱ्यांचा कोरोनामुळे मृत्यू झाला आहे.
पुण्यात एकूण 26 पोलिसांना कोरोनाचा प्रादुर्भाव झाला आहे. तेरा जणांना डिस्चार्ज देण्यात आले आहे, तर अकरा जण विविध रुग्णालयात उपचार घेत आहेत. यापूर्वी फरासखाना पोलीस स्थानकातील सहाय्यक फौजदाराचा ‘कोरोना’मुळे मृत्यू झाला आहे.
पुणे शहर पोलिस दलातील, समर्थ वाहतूक विभाग येथे कर्तव्यास असलेले माझे सहकारी पोलिस शिपाई दीपक नथूराम सावंत हे कोरोना विषाणूशी शौर्याने लढतांना आज सकाळी साडे दहा वाजता शहीद झाले आहे.
सर्व पोलीस दलातर्फे श्रद्धांजली pic.twitter.com/dvYKhJLqrI
— CP Pune City (@CPPuneCity) May 21, 2020
हेही वाचा : केंद्राच्या दहा तुकड्या राज्यात दाखल, प्रत्येक तुकडीत 100 पोलीस : अनिल देशमुख
मुंबईतील पार्कसाईट पोलीस स्टेशनमध्ये कार्यरत असणाऱ्या हेड कॉन्स्टेबलचे ‘कोरोना’मुळे दुर्दैवी निधन झाले. गृहमंत्री अनिल देशमुख यांनी ट्विटरवरुन यासंदर्भात माहिती दिली.
मुंबईतील पार्कसाईट पोलीस स्टेशनमध्ये कार्यरत असणारे हेड कॉन्स्टेबल गणेश चौधरी यांचे #Covid19 मुळे दुर्दैवी निधन झाले, त्यांना भावपूर्ण श्रद्धांजली. आम्ही चौधरी कुटुंबियांच्या दुःखात सहभागी आहोत.
— ANIL DESHMUKH (@AnilDeshmukhNCP) May 21, 2020
(Pune Traffic Police Corona Death)
मुंबईतील सहाय्यक पोलीस उपनिरीक्षक आणि दहशतवाद विरोधी पथकाचे हेड कॉन्स्टेबलही कोरोनामुळे मृत्युमुखी पडले आहेत. महाराष्ट्र पोलिसांनी ट्विटरवरुन ही माहिती दिली.
मुंबईतील सहाय्यक पोलीस उपनिरीक्षक भिवसेन हरिभाऊ पिंगळे यांचं कोरोना विरुद्ध लढताना दुःखद निधन झालं.
पोलीस महासंचालक व महाराष्ट्र पोलीस दलाचे सर्व अधिकारी आणि कर्मचारी त्यांच्या कुटुंबियांप्रति सहानुभूती व्यक्त करत आहेत.
— Maharashtra Police (@DGPMaharashtra) May 21, 2020
दहशतवाद विरोधी पथक, मुंबई चे हेड कॉन्स्टेबल दिलीप पाटील यांचे कोरोनाव्हायरस मुळे दुःखद निधन झाले आहे.
पोलीस महासंचालक व महाराष्ट्र पोलीस दलाचे सर्व अधिकारी आणि कर्मचारी त्यांच्या कुटुंबियांप्रति सहानुभूती व्यक्त करत आहेत.
— Maharashtra Police (@DGPMaharashtra) May 21, 2020
राज्यात कालच्या दिवसात 60 पोलिसांना कोरोनाचा संसर्ग झाल्याचं समोर आलं होतं. कालपर्यंत 1388 पोलीस कोरोनाग्रस्त होते. यामध्ये 142 अधिकारी आणि 1246 पोलीस कर्मचाऱ्यांचा समावेश होता. आतापर्यंत 17 पोलिसांचा मृत्यू ‘कोरोना’ने बळी घेतल्याची माहिती आहे. (Pune Traffic Police Corona Death)
