Mukesh Ambani : मुकेश अंबानी यांना मोठा झटका, एका आठवड्यात इतक्या कोटींचं नुकसान

मुंबई : शेअर बाजारात  (Share Market ) सध्या उलथापालथ सुरु आहे. गेल्या आठवड्यात सेन्सेक्समधील टॉप 10 कंपन्यांपैकी पाच कंपन्यांचे बाजार भांडवल (मार्केट कॅप) एकत्रितपणे 1,67,602.73 कोटी रुपयांनी घसरले. त्यामुळे उद्योजक मुकेश अंबानी (Mukesh Ambani) यांच्या रिलायन्स इंडस्ट्रीजला (Reliance Industries Ltd) मोठा फटका बसला. गेल्या आठवड्यात बीएसईचा 30 शेअर्स असलेला सेन्सेक्स 686.83 अंकांनी म्हणजेच 1.09 टक्क्यांनी घसरला. यामुळे रिलायन्स इंडस्ट्रीज, टाटा कन्सल्टन्सी सर्व्हिसेस (TCS), इन्फोसिस, (infosys) भारती एअरटेल (Bharti Airtel) आणि ICICI बँक यांचे बाजार भांडवल घसरले.तर हिंदुस्थान युनिलिव्हर, एचडीएफसी बँक, अदानी एंटरप्रायझेस, (Adani Enterprises ) एसबीआय (SBI) आणि एचडीएफसीच्या (HDFC) मूल्यांकनात वाढ झाली.

रिलायन्स इंडस्ट्रीजचे बाजार भांडवल 76,821.01 कोटी रुपयांनी घसरून 17,65,173.47 कोटी रुपयांवर आले. TCS चे बाजारमूल्य रु. 53,641.69 कोटींच्या तोट्यासह रु. 12,04,797.55 कोटी होते. इन्फोसिसचे मार्केट कॅप 29,330.33 कोटी रुपयांनी घसरून 6,60,184.76 कोटी रुपये झाले.

भारती एअरटेलचे मूल्यांकन 7,705.08 कोटी रुपयांनी घसरून 4,64,529.84 कोटी रुपयांवर आले आहे. आयसीआयसीआय बँकेचे बाजार भांडवल 6,49,102.84 कोटी रुपयांवर घसरले.

कोणाचा झाला फायदा?

हिंदुस्थान युनिलिव्हरचे बाजार भांडवल 24,882.17 कोटी रुपयांनी वाढून 6,39,370.77 कोटी रुपयांवर पोहोचले आहे. HDFC बँकेचे बाजारमूल्य 13,493.73 कोटी रुपयांनी वाढून 9,09,600.11 कोटी रुपये झाले आहे आणि अदानी एंटरप्रायझेसचे बाजारमूल्य 8,475.91 कोटी रुपयांनी वाढून 4,55,521.65 कोटी रुपये झाले आहे.

स्टेट बँक ऑफ इंडिया (SBI) चे बाजार भांडवल 7,942.90 कोटी रुपयांनी वाढून 5,50,157.69 कोटी रुपयांवर पोहोचले आहे. HDFC चे मूल्यांकन 1,129.55 कोटी रुपयांनी वाढून 4,86,755.77 कोटी रुपये झाले आहे.

टॉप 10 कंपन्यांच्या यादीत रिलायन्स इंडस्ट्रीजने पहिले स्थान कायम राखले आहे. त्यानंतर टीसीएस, एचडीएफसी बँक, इन्फोसिस, आयसीआयसीआय बँक, हिंदुस्थान युनिलिव्हर, एसबीआय, एचडीएफसी, भारती एअरटेल आणि अदानी एंटरप्रायझेस यांचा क्रमांक लागतो.

पुढील आठवड्यात शेअर बाजारात IPO येणार आहे. गुंतवणूकदारांना 3 IPO मधून कमाई करण्याची प्रचंड संधी आहे. या तीन आयपीओमधून 1858 कोटी रुपये उभारण्याची कंपन्यांची योजना आहे. हे तिन्ही आयपीओ वेगवेगळ्या क्षेत्रातील आहेत. या IPO व्यतिरिक्त Uniparts India चे शेअर्स पुढील आठवड्यात बाजारात लिस्ट होणार आहेत. वाइन मेकर सुला विनयार्ड्स आणि अबन्स होल्डिंग्ज 12 डिसेंबरला आपला आयपीओ आणत आहे.