Chanting: कामांमध्ये येत असेल अडथळा तर सकाळच्या वेळी करा या मंत्राचा जाप, समस्या होतील दुर
या मंत्राचा जप केल्यानंतर दोनीही हात चेहऱ्याव व्यवस्थित फिरवा. यामुळे तुमच्यामध्ये दिवसभर ऊर्जा राहील आणि तुम्हाला आतून सकारात्मक ऊर्जा जाणवेल.
मुंबई, धर्मग्रंथांमध्ये असे म्हटले आहे की, सकाळी उठल्यावर देवाच्या नामाने किंवा मंत्राने दिवसाची सुरुवात केल्यास त्या व्यक्तीचा संपूर्ण दिवस चांगला जातो. एवढेच नाही तर व्यक्तीवर येणारे वाईट संकट टळतात. तसेच दिवसभरात अनेक शुभ वार्ता मिळतात. ज्योतिषशास्त्रात मंत्र ध्यान यांनादेखील विशेष महत्व आहे. असे मानले जाते की मंत्र जप (Chanting) केल्याने व्यक्तीला जीवनात सुख, समृद्धी आणि शांती प्राप्त होते. पौराणिक शास्त्रांमध्ये सांगितले आहे की, मनुष्याला त्याच्या कर्माचे फळ मिळते. अशा वेळी दिवसाची सुरुवात चांगल्या कर्मांनी केली तर त्याचे फळही चांगलेच मिळते. सकाळी लवकर उठून आंघोळ वगैरे करून देवाचे नामस्मरण करावे. तसेच या मंत्राच्या जपाने तुमची सर्व कामे पुर्ण होतात. चला जाणून घेऊया सकाळी उठल्यानंतर कोणत्या मंत्राचा जप केल्याने फायदा होतो.
या मंत्राचा जप करा
ज्योतिषशास्त्रानुसार सकाळी उठल्यानंतर सर्वात आधी आपल्या तळव्याकडे पाहून या मंत्राचा जप करावा. यामुळे माणसाच्या आयुष्यात येणारी सर्व दुःखे दूर होतात. जीवनात येणाऱ्या छोट्या-छोट्या समस्यांमुळे तुम्हीही त्रस्त असाल तर या मंत्राचा जप करून दिवसाची सुरुवात करा.
सकाळी उठल्याबरोबर हात जोडून नमस्काराच्या मुद्रेत या मंत्राचा जप करावा. हे एकापेक्षा जास्त वेळा उच्चारले जाऊ शकते.
कराग्रे वसति लक्ष्मीः कर मध्यभागी सरस्वती ।
करमुले तू ब्रह्म, प्रभाते कर दर्शनम् ।
मंत्राचा अर्थ जाणून घ्या
या मंत्रामध्ये तळहातांच्या पुढील भागात माँ लक्ष्मी, मध्यभागी माँ सरस्वती आणि मुळामध्ये ब्रह्मदेवाचा वास असल्याचे सांगितले आहे. सकाळी डोळे उघडताच मी त्यांना वंदन करतो.
या मंत्राचा जप केल्यानंतर दोनीही हात चेहऱ्याव व्यवस्थित फिरवा. यामुळे तुमच्यामध्ये दिवसभर ऊर्जा राहील आणि तुम्हाला आतून सकारात्मक ऊर्जा जाणवेल.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)
