Nag Panchami 2021 : नागांची विधीवत पूजा कशी कराल?, मनातून सापांची भीती जाईल, कालसर्प दोषातूनही मुक्ती मिळेल
नाग पंचमी शुक्रवारी म्हणजेच आज 13 ऑगस्ट रोजी साजरी केली जात आहे. या दिवशी सापांची पूजा करण्याची परंपरा आहे. नागपंचमीला नागांची पूजा केल्याने महादेव प्रसन्न होतात आणि व्यक्तीची प्रत्येक इच्छा पूर्ण होते, अशी धार्मिक श्रद्धा आहे. याशिवाय, सापांपासून संरक्षण होते. काळसर्प दोषांचा प्रभाव संपतो आणि सापांची भीती मनातून निघून जाते.
मुंबई : सनातन धर्मात साप पूजनीय मानला जातो. महादेव गळ्यात साप धारण करतात, तर जगाचे तारणहार नारायण शेषनागावर विराजमान असतात. पण, साप एक धोकादायक प्राणी आहे, जो लोकांना घाबरवतो. ही भीती लोकांच्या मनातून काढून टाकण्यासाठी आणि पृथ्वीवरील सापांचे महत्त्व सांगून त्यांच्या संरक्षणाचा संदेश देण्यासाठी नाग पंचमीचा सण दरवर्षी साजरा केला जातो. नाग पंचमी श्रावन महिन्यात शुक्ल पक्षाच्या पाचव्या दिवशी साजरी केली जाते.
यावेळी नाग पंचमी शुक्रवारी म्हणजेच आज 13 ऑगस्ट रोजी साजरी केली जात आहे. या दिवशी सापांची पूजा करण्याची परंपरा आहे. नागपंचमीला नागांची पूजा केल्याने महादेव प्रसन्न होतात आणि व्यक्तीची प्रत्येक इच्छा पूर्ण होते, अशी धार्मिक श्रद्धा आहे. याशिवाय, सापांपासून संरक्षण होते. काळसर्प दोषांचा प्रभाव संपतो आणि सापांची भीती मनातून निघून जाते.
गरुड पुराणात, नाग पंचमीच्या दिवशी, घराच्या दरवाजाच्या दोन्ही बाजूंनी साप बनवून त्यांची पूजा करण्यास सांगितले आहे. दुसरीकडे, स्कंद पुराणात नाग पंचमीला नागांची पूजा करताना प्रत्येक इच्छा पूर्ण होईल असे सांगितले आहे. नागपंचमीची पूजा पद्धत, उपाय जाणून घ्या.
नाग देवतेची पूजा कशी करावी?
नाग पंचमीच्या दिवशी पाच नाग बनवून त्यांची पूजा केली जाते. हे साप अनंत, वासुकी, तक्षक, कर्कोटक आणि पिंगल यांचे रुप मानले जातात. या दिवशी सकाळी उठल्यावर, स्नान वगैरे केल्यानंतर सर्पदेवतेचे स्मरण करावे. यानंतर, घराच्या दरवाजाच्या दोन्ही बाजूंना चांदी, लाकडी किंवा मातीच्या कलमने हळद आणि चंदनाने पाच साप बनवा. नागांना कमळ, पंचामृत, धूप इत्यादी अर्पण करुन त्यांची विधिवत पूजा करा आणि खीर अर्पण करा. यानंतर नाग गायत्री मंत्र आणि सर्पसूक्त पठण करा. मग आरती करा. हे सापांपासून संरक्षण करते आणि सौभाग्य लाभते.
शुभ मुहूर्त काय?
? पंचमी तिथी प्रारंभ – 12 ऑगस्ट रोजी दुपारी 3 वाजून 24 मिनिटांपासून सुरु होईल
? पंचमी तिथी समाप्त – 13 ऑगस्ट रोजी 1 वाजून 42 मिनिटांनी समाप्त होईल
? नाग पंचमीचा सण 13 ऑगस्ट रोजी उदय तिथीनुसार साजरा केला जाईल. या दिवशी पूजेचा शुभ मुहूर्त सकाळी 5 वाजून 49 मिनिटांपासून ते रात्री 8 वाजून 28 मिनिटांपर्यंत असेल.
हे उपाय देखील करुन पाहा
1. या दिवशी नाग देवतेचे दर्शन घ्या आणि त्यांना दुधाने स्नान करा. जर सापाचे दर्शन झाले नाही तर सापाच्या मूर्तीला दूध अर्पण करा.
2. सर्पमित्रांकडून सापाची एक जोडी खरेदी करा आणि जंगलात जाऊन ही जोडी मोकळी करा. सापांच्या भीतीपासून मुक्त होण्याव्यतिरिक्त, यामुळे काल सर्प योगाचे परिणाम कमी होतात.
३. नाग गायत्री मंत्राचा जप करा – “ओम नागकुलाय विद्महे विषदन्ताय धीमहि तन्नो सर्पः प्रचोदयात्”, घरी किंवा मंदिरात बसून किमान 108 वेळा.
Nag Panchami 2021 | आज नाग पंचमी, जाणून घ्या शुभ मुहूर्तhttps://t.co/INL0km9xXw#NagPanchami2021 #NagPanchamiPuja #ShravanMonth2021
— TV9 Marathi (@TV9Marathi) August 13, 2021
टीप – या लेखात देण्यात आलेली माहिती, सूचना आणि मान्यता ही उपलब्ध सामान्य माहितीवर आधारित आहे. कुठलाही उपाय करण्यापूर्वी ज्योतिष विषयातील जाणकारांशी संपर्क करा…
संबंधित बातम्या :
नागपंचमीला नागाला दूध का पाजतात? यामागे हे आहे शास्त्र!
भगवान शिवशंकरांनी आपल्या गळ्यात नाग का धारण केला? जाणून घ्या यामागील कारण
