Shardiya Navratri : किती तारखेपासून होणार शारदीय नवरात्रीला सुरूवात? असा आहे घटस्थापनेचा मुहूर्त

अश्विन महिन्यातील नवरात्र म्हणजे प्रतिक्षा नवरात्र, तिला शारदीय नवरात्र म्हणतात. हे नवरात्रोत्सवाचे नवरात्र आहे. पंचांगानुसार शारदीय नवरात्री अश्विन महिन्याच्या शुक्ल पक्षाच्या प्रतिपदेपासून सुरू होते आणि नवमीपर्यंत चालते.

शारदीय नवरात्रीImage Credit source: Social Media

Nitish Gadge | Updated on: Oct 01, 2023 | 6:46 PM

मुंबई : हिंदू धर्मात शारदीय नवरात्रीला (Shardiya Navrati 2023) खूप महत्त्व आहे. नवरात्र वर्षातून वेळा येते. यामध्ये 2 गुप्त नवरात्री आणि 2 प्रत्यक्ष नवरात्री आहेत. अश्विन महिन्यातील नवरात्र म्हणजे प्रतिक्षा नवरात्र, तिला शारदीय नवरात्र म्हणतात. हे नवरात्रोत्सवाचे नवरात्र आहे. पंचांगानुसार शारदीय नवरात्री अश्विन महिन्याच्या शुक्ल पक्षाच्या प्रतिपदेपासून सुरू होते आणि नवमीपर्यंत चालते. त्यानंतर दसऱ्याच्या दिवशी दुर्गा मूर्तींचे विसर्जन होते. यावर्षी शारदीय नवरात्री 15 ऑक्टोबर 2023 पासून सुरू होणार असून 24 ऑक्टोबरपर्यंत चालणार आहे.

शारदीय नवरात्री 2023 ची सुरुवात तारीख

हिंदू कॅलेंडरनुसार, अश्विन शुक्ल पक्षाची प्रतिपदा तिथी 14 ऑक्टोबर रोजी रात्री 11.24 वाजता सुरू होईल आणि 16 ऑक्टोबरला रात्री 12.32 वाजता समाप्त होईल. या वर्षी शारदीय नवरात्रोत्सवात म्हणजेच 15 ऑक्टोबर 2023, रविवारी चित्रा नक्षत्र आणि स्वाती नक्षत्र असतील, जे शुभ कार्यासाठी सर्वोत्तम मानले जातात.

शारदीय नवरात्री 2023 घटस्थापना वेळ

शारदीय नवरात्रीच्या घटस्थापनेसाठी सर्वात शुभ मुहूर्त म्हणजे अभिजीत मुहूर्त. याशिवाय घटस्थापनेसाठी चित्रा नक्षत्र शुभ मानले जाते. यंदा चित्रा नक्षत्र 14 ऑक्टोबरला दुपारी 4.24 ते 15 ऑक्टोबरला संध्याकाळी 6.13 पर्यंत असेल. तर अभिजीत मुहूर्त 15 ऑक्टोबर रोजी सकाळी 11:04 ते 11:50 पर्यंत असेल. या काळात घटस्थापना करणे शुभ राहील.

हे सुद्धा वाचा