Sign In

By signing in or creating an account, you agree with Associated Broadcasting Company's Terms & Conditions and Privacy Policy.

नाशिकची मुलगी IPL गाजवणार, दुष्काळी सिन्नरमधुन आलेली माया फिरकीच्या तालावर नाचवणार

मायाची 'व्हेलॉसिटी' संघात निवड झाली आहे. मायाचा आयपीएलपर्यंतचा प्रवास सोपा नाही. नाशिक जिल्ह्यातील सिन्नर सारख्या दुष्काळी तालुक्यातून माया येते.

नाशिकची मुलगी IPL गाजवणार, दुष्काळी सिन्नरमधुन आलेली माया फिरकीच्या तालावर नाचवणार
Maya sonawane
Follow us
| Updated on: May 17, 2022 | 1:34 PM

मुंबई: यंदा पुरुषांप्रमाणे महिलांची सुद्धा IPL स्पर्धा होणार आहे. सोमवारी बीसीसीआयने महिला आयपीएलच्या तीन संघांची घोषणा केली. यातील एका टीममध्ये नाशिकच्या प्रतिभावान माया सोनावणेची (Maya sonavane) निवड झाली आहे. नाशिक जिल्ह्यातून हाताच्या बोटावर मोजण्या इतपत क्रिकेटपटुंनी भारतीय संघात धडक मारली आहे. यात नाशकात बालपण घालवणारे बापू नाडकर्णी, देवळातील वास्तव्य केलेल्या सलील अंकोला (salil ankola) यांनी मुंबईतून खेळून भारतीय संघात स्थान मिळवलं. पण मूळ नाशिककर अजूनही भारतीय संघात पोहोचलेला नाही. माया सोनावणेच्या रुपाने ते स्वप्न साकार व्हावं, अशीच इच्छा आहे. मायाला आता आयपीएलमध्ये संधी मिळाली आहे. इथे नवलौकीक कमवून तिने भारतीय संघात स्थान मिळवावं, अशीच नाशिककरांची इच्छा आहे. नाशिकचे अनेक क्रिकेटपटू महाराष्ट्राच्या रणजी संघातून चमकले. पण त्यांना भारतीय संघापर्यंत मजल मारता आली नाही.

सिन्नरमध्ये मुलींनी क्रिकेट खेळणं म्हणजे खूप मोठी गोष्ट

मायाची ‘व्हेलॉसिटी’ संघात निवड झाली आहे. मायाचा आयपीएलपर्यंतचा प्रवास सोपा नाही. नाशिक जिल्ह्यातील सिन्नर सारख्या दुष्काळी तालुक्यातून माया येते. सिन्नरमध्ये मुलींनी क्रिकेट खेळणं म्हणजे खूप मोठी गोष्ट. सिन्नरचे क्रिकेट प्रशिक्षक सुनील कानडी यांनी मायाला क्रिकेटकडे वळवलं. मुली क्रिकेट खेळतात, म्हणून अनेकदा त्यांची खिल्ली सुद्धा उडवली गेली. पण प्रशिक्षक कानडी आणि त्यांच्या तालमीत तयार झालेल्या मायाने आपला प्रवास सुरुच ठेवला. अखेर आज तिला आयपीएलच्या रुपाने यश मिळालं आहे. अत्यंत सामान्य कुटुंबातून आलेल्या मायाने खडतर परिस्थितीवर मात करुन हे यश मिळवलय.

लेग स्पिन गोलंदाजी मायाची ताकत

बीसीसीआयने आयपीएलच्या धर्तीवर महिलांसाठी टी-20 चॅलेंज 2022 स्पर्धा आयोजित केली आहे. यात ऑस्ट्रेलिया, इंग्लंडच्या दिग्गज महिला क्रिकेटपटू सुद्धा खेळणार आहे. मायाला त्यांच्यासोबत खेळण्याचा एक वेगळा अनुभव मिळणार आहे. माया उत्कृष्ट फिरकी गोलंदाज आहे. लेग स्पिन गोलंदाजी करण्याबरोबर ती लोअर मिडल ऑडरला आवश्यक असणारी फटकेबाजी सुद्धा करु शकते. मागच्यावर्षी NCA मध्ये 35 खेळाडूंमध्ये मायाची निवड झाली होती. पुदुचेरी येथे झालेल्या 23 वर्षाखालील टी 20 स्पर्धेत तिने महाराष्ट्राचे प्रतिनिधीत्व करताना चांगली कामगिरी केली होती.

बोलायला फोन, स्वतंत्र जेवण अन्..., देशमुखांच्या आरोपींचा राजेशाही थाट
बोलायला फोन, स्वतंत्र जेवण अन्..., देशमुखांच्या आरोपींचा राजेशाही थाट.
वक्फ बिलाबद्दल ठाकरेंच्या शिवसेनेची भूमिका अस्पष्टच
वक्फ बिलाबद्दल ठाकरेंच्या शिवसेनेची भूमिका अस्पष्टच.
जर बाळासाहेब असते तर तुम्ही..., श्रीकांत शिंदे संतापले
जर बाळासाहेब असते तर तुम्ही..., श्रीकांत शिंदे संतापले.
धसांच्या आरोपांवर किरण जाधवांनी बोलणं टाळलं, कॅमेरा बघताच ठोकली धूम
धसांच्या आरोपांवर किरण जाधवांनी बोलणं टाळलं, कॅमेरा बघताच ठोकली धूम.
दाऊदचा उजवा हात म्हणून ओळख; टायगर मेमन पुन्हा का आला चर्चेत
दाऊदचा उजवा हात म्हणून ओळख; टायगर मेमन पुन्हा का आला चर्चेत.
अंबरनाथच्या बँकेत मनसेचा राडा; अमराठी बँक मॅनेजरला धरलं धारेवर
अंबरनाथच्या बँकेत मनसेचा राडा; अमराठी बँक मॅनेजरला धरलं धारेवर.
'नाहीतर आमची आवस्था...', सदाभाऊ काय म्हणाले की सगळेच पोट धरून हसले
'नाहीतर आमची आवस्था...', सदाभाऊ काय म्हणाले की सगळेच पोट धरून हसले.
अबीर गुलालच्या प्रदर्शनाचा मुद्दा पेटला; मनसे आक्रमक
अबीर गुलालच्या प्रदर्शनाचा मुद्दा पेटला; मनसे आक्रमक.
कुणी पैसे काढून घेत असेल तर...लाडक्या बहिणींना पंकजाताई काय म्हणाल्या?
कुणी पैसे काढून घेत असेल तर...लाडक्या बहिणींना पंकजाताई काय म्हणाल्या?.
धनंजय देशमुख अजित पवारांच्या भेटीसाठी दाखल
धनंजय देशमुख अजित पवारांच्या भेटीसाठी दाखल.