ठरलं ! कसोटी सामन्यानंतर हा खेळाडू घेणार आंतरराष्ट्रीय क्रिकेटमधून निवृत्ती

Ind vs SA Test series : भारत आणि दक्षिण आफ्रिका यांच्यातील टी-20 आणि एकदिवसीय मालिकेनंतर आता कसोटी मालिका सुरू होणार आहे. पहिला सामना २६ डिसेंबरला सुरु होत आहे. दोन्ही संघ यासाठी जोरदार तयारी करत आहेत. या सामन्याच्या काही दिवस आधी एका खेळाडूने या मालिकेनंतर निवृत्ती घेणार असल्याचे जाहीर केले आहे. भारताने वनडे मालिका २-१ ने जिंकली आहे. यानंतर आता टेस्ट मालिका सुरु होणार आहे.

आंतरराष्ट्रीय क्रिकेटमधून निवृत्ती

दक्षिण आफ्रिकेचा माजी कर्णधार डीन एल्गर, ज्याचा या मालिकेत दक्षिण आफ्रिकेच्या कसोटी संघात समावेश करण्यात आला आहे. डीन एल्गरनेच त्याची निवृत्तीची घोषणा केली आहे. डीन एल्गर दोन कसोटीनंतर आंतरराष्ट्रीय क्रिकेटमधून निवृत्त होणार आहे. दक्षिण आफ्रिकेने गुरुवारी याबाबत माहिती दिली.

डीन एल्गर हा ३६ वर्षांचा आहे. डीन एल्गर जवळपास 12 वर्षांपासून आपल्या संघासाठी आंतरराष्ट्रीय सामने खेळत आहे. या काळात त्याने 80 हून अधिक कसोटी खेळल्या आणि 5000 हून अधिक धावा केल्या आहेत. या काळात त्याने 17 कसोटी सामन्यांमध्ये कर्णधारपद भूषवले आहे. यातील अनेक सामने जिंकलेही आहेत. डीन एल्गरचे वक्तव्यही समोर आले आहे. सर्व चांगल्या गोष्टींचा अंत होतो असे तो म्हणतो. भारतीय संघाविरुद्धची कसोटी मालिका त्याची शेवटची मालिका असेल.

‘क्रिकेट खेळणे स्वप्न होतं’

एल्गर म्हणाला की, आपण निवृत्तीचा निर्णय घेतला आहे. एक खेळ ज्याने मला खूप काही दिले आहे. केप टाउन ‘जगातील माझे आवडते स्टेडियम.’ जिथे मी न्यूझीलंडविरुद्ध माझी पहिली कसोटी धाव घेतली आणि आशा आहे की माझी शेवटची असेल. एल्गर म्हणाला की, क्रिकेट खेळणे हे माझे नेहमीच स्वप्न राहिले आहे, परंतु माझ्या देशाचे प्रतिनिधित्व करण्याची संधी हा एक विशेष विशेषाधिकार आहे.

डीन एल्गरने एकूण 84 कसोटी सामने खेळले, ज्यामध्ये तो 5146 धावा केले आहेत. या काळात त्याने 47.38 च्या सरासरीने आणि 47.38 च्या स्ट्राईक रेटने धावा केल्या आहेत. त्याच्या नावावर कसोटीत 13 शतके आणि 23 अर्धशतकांचा समावेश आहे. त्याची सर्वोच्च धावसंख्या 199 धावा आहे, म्हणजेच तो केवळ एका धावेने द्विशतक झळकावण्यास मुकला. त्याचबरोबर त्याच्या नावावर संघासाठी फक्त आठ एकदिवसीय सामने आहेत. यामध्ये त्याने 104 धावा केल्या आहेत. या फॉरमॅटमध्ये त्याची सरासरी १७.३३ आणि स्ट्राइक रेट ५८.७५ आहे. तो फक्त एक विशेषज्ञ कसोटी क्रिकेटर मानला जातो. आंतरराष्ट्रीय कारकिर्दीतील शेवटच्या दोन सामन्यांमध्ये डीन एल्गर कशी कामगिरी करतो हे पाहणे रंजक ठरेल.