T20 World Cup चे Theme Song तयार, विराट-पोलार्डसह राशिद-मॅक्सवेल नव्या अवतारात, पाहा VIDEO

मुंबई : बहुप्रतिक्षित आयसीसी टी-20 विश्व विश्वचषकाची (ICC T20 World Cup 2021) उत्सुकता दिवसेंदिवस आणखीच शिगेला पोहचत आहे. आयपीएल सुरु असतानाही अनेक क्रिकेटप्रेमींना विश्वषकाचे वेध लागले आहेत. अशात ही उत्सुकता आणखी वाढवण्यासाठी आयसीसीने (ICC) आगामी विश्वचषकाचं थीम साँग नुकतं लॉंच केलं आहे. 17 ऑक्टोबर 14 नोव्हेंबर दरम्यान युएई आणि ओमन या देशांमध्ये खेळवल्या जाणाऱ्या या स्पर्धेचं थीम साँग पाहून चाहतेही खुश झाले आहेत.

या गाण्याला ‘Live The Game’ असं नाव देत आयसीसीने त्यांच्या सोशल मीडियावर हे गाणं पोस्ट केलं आहे. विशेष म्हणजे हे गाण मेड इन इंडिया आहे. भारताचा संगीतकार अमित त्रिवेदीने हे गाणं कंपोज केलं आहे. या गाण्यामध्ये मुख्य पात्रांमध्ये भारतीय कर्णधार विराट कोहली, अफगानिस्तानचा स्टार क्रिकेटर राशिद खान, वेस्टइंडीजचा कर्णधार कायरन पोलार्ड आणि ऑस्ट्रेलियाचा ग्लेन मॅक्सवेल याचा अॅनिमेटेड अवतार दिसून येत आहे. तर या गाण्यावर तुम्हीही एक नजर फिरवाच…

? Let the world know, This is your show ?

Come #LiveTheGame and groove to the #T20WorldCup anthem ?? pic.twitter.com/KKQTkxd3qw

— ICC (@ICC) September 23, 2021

टी 20 विश्वचषकासाठी भारत तयार

क्रिकेट जगतातील सर्वात मनोरंजनात्मक स्पर्धा असणारा टी-20 विश्वचषक 17 ऑक्टोबर ते 14 नोव्हेंबर दरम्यान यूएईमध्ये होणार आहे. आता स्पर्धेला काही काळच शिल्लक राहिल्याने जगभरातील देश संघ बांधणीमध्ये व्यस्त आहेत. जवळपास सर्वच देशांनी आपले अंतिम खेळाडू जाहीर केले आहेत. भारताने संघ जाहीर केला असून माजी कर्णधार महेंद्रसिंह धोनीला संघाचा मेन्टॉर म्हणून नेमण्यात आलं आहे. धोनीला हे पद सोपवत भारताने एक नवा डाव खेळला असून सर्वांचे लक्ष भारताच्या विश्वचषक कामगिरीकडे लागले आहे.

टी 20 वर्ल्ड कपसाठी भारतीय संघ

भारत (India): विराट कोहली (कर्णधार), रोहित शर्मा (उपकर्णधार), केएल राहुल, जसप्रीत बुमराह, भुवनेश्वर कुमार, सूर्यकुमार यादव, इशान किशन, हार्दिक पंड्या, ऋषभ पंत, रवींद्र जाडेजा, राहुल चाहर, वरुण चक्रवर्ती, मोहम्मद शमी, अक्षर पटेल, आर अश्विन | राखीव: श्रेयस अय्यर, दीपक चाहर आणि शार्दुल ठाकूर

भारताचे विश्वचषकातील सामने

भारत आणि पाकिस्तान या दोघांसह ग्रुप-2 मध्ये न्यूझीलंड आणि अफगानिस्तान हे संघही आहेत. तसेच ग्रुप स्टेजमधून पात्र होणारे दोन संघही याच ग्रुपमध्ये येणार असून या सर्वांच्या सामन्याला 24 ऑक्टोबरपासून सुरुवात होईल. दरम्यान भारताचे ग्रुपमधील सामने पुढीलप्रमाणे-

• भारत विरुद्ध पाकिस्तान (24 ऑक्टोबर)
• भारत विरुद्ध न्यूझीलंड (31 ऑक्टोबर)
• भारत विरुद्ध अफगाणिस्तान (3 नोव्हेंबर)
• भारत विरुद्ध ग्रुप स्टेजमधील पात्र संघ 1 (5 नोव्हेंबर)
• भारत विरुद्ध ग्रुप स्टेजमधील पात्र संघ 2(8 नोव्हेंबर)

हे ही वाचा-

T20 world Cup 2021 साठी भारतापासून ऑस्ट्रेलियापर्यंत सर्वांचे संघ जाहीर, पाहा कोणते खेळाडू खेळणार एका क्लिकवर

T20 world Cup 2021: भारतीय संघाची घोषणा होताच इंग्लंडचा संघही जाहीर, बेन स्टोक्स नाहीच, पण तीन वर्षानंतर ‘या’ धाकड खेळाडूचे पुनरागमन

T20 world Cup 2021: शिखरच्या गैरहजेरीत रोहित बरोबर सलामीला कोण?, विराट नाही तर ‘या’ खेळाडूवर जबाबदारी

(ICC t20 world cup theme song launched composed by amit trivedi see video)