IND vs SL : अरेरे! मनिष पांडे विचित्ररित्या रनआऊट, पाहा व्हिडीओ
भारत आणि श्रीलंका यांच्यातील सामन्यात दीपक चहरच्या अप्रतिम खेळीमुळे भारताने विजय मिळवला. पण भारताचा फलंदाज मनिष जो चांगल्या लयीत दिसत होता त्यानेही सामना जिंकवून दिला असता. जर तो असा विचित्ररित्या बाद झाला नसता.
कोलंबो : भारत आणि श्रीलंका (India vs Sri lanka) यांच्यातील दुसऱ्या एकदिवसीय सामन्यात भारताने 3 विकेट्स राखून श्रीलंका संघावर अप्रतिम विजय मिळवला. या विजयाचा हिरो ठरला दिपक चहर (Deepka Chahar) त्याने गोलंदाजीत 2 विकेट घेतल्या तर फलंदाजी करताना नाबाद 69 धावा ठोकत भारताला विजय मिळवून दिला. पण याच सामन्यात अत्यंत कठीण परिस्थित भारताचा डाव सावरणाऱ्या मनिष पांडेची जास्त चर्चा झाली नाही. पण तो दुर्दैवीरित्या रनआऊट झाला त्याचा व्हिडीओ मात्र सर्वत्रच व्हायरल होत आहे.
सामन्यात 276 सारखे मोठे लक्ष्य समोर असताना अवघ्या 39 धावांवर भारताचे दोन फलंदाज तंबूत परतले. त्यावेळी मनिष फलंदाजीला आला. कर्णधार शिखर सोबत संयमी खेळी करत असतानाच शिखरही बाद झाला. मात्र अशा कठीण परिस्थितही मनिषने आपली संयमी खेळी कायम ठेवली. पण सूर्यकुमारने खेचलेला एक सरळ फटका हलकासा गोलंदाज शनाकाच्या हाताला लागून नॉन-स्ट्राईकवरील स्टम्पसना लागला. नेमकं त्याचवेळी मनिषही थोडा पुढे आला असल्याने दुर्देवाने रनआऊट झाला आणि त्याची 37 धावांची संयमी खेळी तिथेच संपुष्टात आली.
DEEPAK CHAHAR HAS DONE THE IMPOSSIBLE. TAKE A BOW! India win the match & the series! ?
Final ODI, Friday on Sony Six (ENG), Sony Ten 1 (ENG), Sony Ten 3 (HIN), Sony Ten 4 (TAM, TEL) & SonyLIV?#SLvINDOnlyOnSonyTen #HungerToWin #SLvIND pic.twitter.com/fiujunPQQs
— Sony Sports (@SonySportsIndia) July 20, 2021
सामन्याचा लेखाजोखा
श्रीलंकन फलंदाजांनी भारताला 276 धावांचं आव्हान दिलं होतं. हे आव्हान घेऊन मैदानात उतरलेल्या भारताची आज खराब सुरुवात झाली. आक्रमक फलंदाज पृथ्वी शॉ (12) तिसऱ्याच षटकात बाद झाला. त्यापाठोपाठ इशान किशन (1), शिखर धवन (29), मनिष पांडे (37) हार्दिक पंड्या (0) एका मागोमाग एक ठराविक अंतराने बाद होत गेले. परंतु सूर्यकुमार यादवने एक बाजू लावून धरली होती. त्याने 42 चेंडूत 52 धावा फटकावत एकदिवसीय कारकीर्दीतलं पहिलंवहिलं अर्धशतक झळकावलं. त्यानंतर आलेल्या कृणाल पंड्याने 35 धावांचं योगदान दिलं. कृणाल बाद झाल्यानंतर सामन्याची सूत्र दीपक चाहरने हाती घेतली.
सुरुवातीला संयमी खेळी करत त्याने डावाला आकार दिला. त्यानंतर गरज पडेल तेव्हा फटकेबाजी करत 82 चेंडूत 69 धावांची खेळी केली. या खेळीत त्याने 7 चौकार आणि 1 षटकार फटकावला. भुवनेश्वर कुमारने (19) त्याला अखेरपर्यंत चांगली साथ दिली.
हे ही वाचा :
IND vs SL : 2021 मध्ये 2017 प्रमाणेच भारताचा रोमहर्षक विजय, तोच संघ, तोच खेळाडू, वाचा सुंदर योगायोग
दीपक चहरसाठी राहुल द्रविडचा ‘तो’ मेसेज आणि भारताने सामना जिंकला, वाचा नेमकं काय घडलं…?
(In india vs Sri lanka seconf ODI Manish Pandey Runout video went viral)
