IPL मध्ये ‘हे’ आहेत ‘कंजूस’ गोलंदाज, मेडन ओव्हर टाकण्यात सर्वात पुढे, वाचा सविस्तर यादी
जागतिक क्रिकेटमधील सर्वात महत्त्वाची लीग म्हणजे आयपीएल. या लीगमधून अनेक मातब्बर खेळाडू जागतिक क्रिकेटमध्ये आले आहेत. त्यामुळे या लीगमध्ये आजवर झालेल्या काही दिग्गज गोलंदाजाची यादी ज्यांनी मेडन ओव्हर टाकण्यात रेकॉर्ड केला आहे, ते जाणून घेणार आहोत.
आयपीएलमध्ये अनेकदा फलंदाजाच्या रेकॉर्ड्सचीच चर्चा असते. पण आज आपण चर्चा करणार आहोत एका गोलंदाजीशी संबधित रेकॉर्डची. हा रेकॉर्ड म्हणजे सर्वाधिक मेडन ओव्हर अर्थात एकही धाव न देता ओव्हर टाकण्याची. टी 20 क्रिकेटमध्ये एकही धाव न देता ओव्हर टाकणे ही एक मोठी गोष्ट असून यामध्ये काही दिग्गज खेळाडू पुढे आहेत.
या यादीत माजी गोलंदाज प्रवीण कुमार (Praveen Kumar) याच नाव सर्वात वर आहे. कुमारने आयपीएलमध्ये पंजाब, आरसीबी आणि गुजरात संघातून गोलंदाजी केली आहे. त्याने एकूण 119 आयपीएल सामन्यात 14 मेडन ओव्हर टाकल्या आहेत. एकूण 80 विकेट्स त्याच्या नावावर आहेत.
दुसऱ्या स्थानावर माजी अष्टपैलू खेळाडू इरफान पठाण(Irfan Pathan) याचा नंबर लागतो. तो देखील पंजाब, दिल्ली , पुणे, हैद्राबाद आणि चेन्नई या संघाकडून खेळला असून 103 सामन्यात त्याने 10 मेडन ओव्हर टाकल्या आहेत. एकूण 80 विकेट्स पटकावण्यात त्याला यश आलं आहे.
या यादीत तिसऱ्या नंबरवर आहे मुंबईकर धवल कुलकर्णी (Dhawan Kulkarni). धवलने आतापर्यंत 92 आयपीएल सामन्यात 8 मेडन ओव्हर टाकल्या आहेत. त्याच्यानंतकरही मुबंई इंडियन्सच्या खेळाडूचा नंबर लागतो. तो म्हणजे लसिथ मलिंगा (lasit Malinga). मलिंगाने 122 सामन्यात 8 मेडन ओव्हर टाकल्या आहेत. या दोघांप्रमाणेच सनरायजर्स हैद्राबादच्या संदीप शर्मा आणि भुवनेश्वर कुमारने देखील 8 मेडन ओव्हर टाकल्या आहेत.
नुकत्याच आंतरराष्ट्रीय क्रिकेटमधून निवृत्ती घेतलेल्या डेल स्टेनचं नाव देखील या यादीत आहे. त्याने 95 सामन्यात 7 मेडन ओव्हर फेकल्या आहेत. तर 97 विकेट्स पटकावले आहेत.
या यादीत अखेरचं नाव आहे चेन्नईचा युवा गोलंदाज दीपक चहर (Deepka Chahar) याचं. त्याने 55 सामन्यात 6 मेडन ओव्हर टाकल्या आहेत. सध्या तो आयपीएलसह सीएसके संघातील प्रमुख गोलंदाज आहे.
