IND vs SA, 3rd ODI, LIVE Cricket Score: द. आफ्रिकेची भारतावर 4 धावांनी मात, सलग तिसऱ्या सामन्यात भारताचा दारुण पराभव

भारताचा अखेरचा फलंदाज बाद, द. आफ्रिकेची भारतावर 4 धावांनी मात

अखेरच्या 5 चेंडूत 5 धावांची आवश्यकता असताना ड्वेन प्रिटोरियसने युजवेंद्र चहलला (2) डेव्हिड मिलरकरवी झेलबाद केलं.

भारताला 8 वा धक्का, दीपक चाहर 54 धावांवर बाद

भारताने महत्त्वाची विकेट गमावली आहे. लुंगी एंगिडीने दीपक चाहरला ड्वेन प्रिटोरियसकरवी झेलबाद केलं. चाहरने 54 धावांची खेळी केली. (भारत – 278/8)

दीपक चाहरचं अर्धशतक, सामना भारताच्या बाजून झुकवला

7 व्या क्रमांकावर फलंदाजीला येवून दीपक चाहरने शानदार आणि जलद अर्धशतक फटकावून सामना बारताच्या बाजूने झुकवला आहे. त्याने 31 चेंडूत 51 धावा फटकावल्या आहेत. यात 5 चौकार आणि 2 षटकारांचा समावेश आहे.

दीपक चाहरचे सलग दोन चौकार

46 व्या षटकात लुंगी एंगिडीच्या गोलंदाजीवर दीपक चाहरने सलग दोन चौकार लगावत सामना भारताच्या बाजून झुकवला आहे. भारताला आता 22 चेंडूत 17 धावांची आवश्यकता आहे. (भारत 46.2 षटकात 271/7)

दीपक चाहरचे सलग दोन षटकार

44 व्या षटकात ड्वेन प्रिटोरियसच्या गोलंदाजीवर दीपक चाहरने सलग दोन षटकार ठोकत सामन्यातील भारताच्या आशा जिवंत ठेवल्या आहेत. भारताला आता 33 चेंडूत 37 धावांची आवश्यकता आहे. (भारत 44.3 षटकात 251/7)

भारताचा 7 वा गडी बाद, जयंत यादव 2 धावा करुन माघारी

द. आफ्रिकेच्या गोलंदाजांना 7 वी विकेट मिळवण्यात यश आलं आहे. जयंत यादव 2 धावा करुन माघारी परतला. लुंगी एंगिडीच्या गोलंदाजीवर टेम्बा बवुमाने सुरेख झेल टिपत त्याला पव्हेलियनचा रस्ता दाखवला. (भारत – 195/5)

भारताला 6 वा धक्का, सूर्यकुमार यादव 39 धावांवर बाद

भारताने 6 वी विकेट गमावली आहे. ड्वेन प्रिटोरियसने सूर्यकुमार यादवला 39 धावांवर असताना टेम्बा बवुमाकरवी झेलबाद केलं. (भारत – 210/6)

भारताचा 5 वा गडी बाद, श्रेयस अय्यर 26 धावा करुन माघारी

द. आफ्रिकेच्या गोलंदाजांना 5 वी विकेट मिळवण्यात यश आलं आहे. श्रेयस अय्यर 26 धावा करुन माघारी परतला. त्याला सिसंदा मगाला याने त्याला बाद केलं. (भारत – 195/5)

शतकाची पुन्हा एकदा हुलकावणी, विराट कोहली 65 धावांवर बाद

गेल्या दोन वर्षांपासून विराट कोहली शतक झळकावू शकलेला नाही. आजच्या सामन्यात देखील विराटने अर्धशतक लगावल्यानंतर त्याला फार वेळ मैदानात टिकता आलं नाही. 65 धावांवर असताना केशव महाराजने विराटला टेम्बा बवुमाकरवी झेलबाद केलं. (भारत – 156/4)

विराट कोहलीचं अर्धशतक

विराट कोहलीने संयमी फलंदाजी करत अर्धशतक लगावलं आहे. त्याने 63 चेंडूत 4 चौकारांच्या मदतीने 50 धावा पूर्ण केल्या.

भारताला तिसरा धक्का, धवनपाठोपाठ ऋषभ पंत माघारी

भारताने तिसरी विकेट गमावली आहे. Andile Phehlukwayo ने ऋषभ पंतला (0) सिसंदा मगालाकरवी झेलबाद केलं. (भारत 118/3)

भारताला दुसरा धक्का, शिखर धवन 61 धावांवर बाद

भारताला दुसरा धक्का बसला आहे. Andile Phehlukwayo ने शिखर धवन 61 धावांवर असताना त्याला यष्टीरक्षक क्विंटन डीकॉककरवी झेलबाद केलं.

शिखर धवनचं अर्धशतक, भारत 100 पार

सलामीवीर शिखर धवनने 58 चेंडूत 5 चौकार आणि एका षटकाराच्या मदतीने अर्धशतक फटकावलं आहे. त्याने आणि विराट कोहलीने (41) आतापर्यंत दुसऱ्या विकेटसाठी नाबाद 95 धावांची भागीदारी केली आहे. त्यामुळे भारताने 21 षटकात 1 बाद 113 धावांपर्यंत मजल मारली आहे.

धवनचा हल्लाबोल

8 व्या षटकात गोलंदाजीसाठी आलेल्या ड्वेन प्रिटोरियसवर शिखर धवनने हल्लाबोल केला. धवनने या षटकात एक चौकार आणि एका षटकाराच्या मदतीने 12 धावा वसूल केल्या.

भारताला पहिला धक्का, केएल राहुल 9 धावांवर बाद

भारताला पहिला धक्का बसला आहे. लुंगी एंगिडीने केएल राहुलला 9 धावांवर असताना जानेमन मलानकरवी त्याला झेलबाद केलं. (भारत 18/1)

भारताची धमाकेदार सुरुवात, पहिल्याच षटकात राहुलचे दोन चौकार

केएल राहुलने भारताच्या डावाची धमाकेदार सुरुवात केली आहे. त्याने लुंगी एंगिडीच्या पहिल्याच षटकात दोन चौकार लगावले. (भारत 8/0)

भारताच्या डावाला सुरुवात, केएल राहुल-शिखर धवन मैदानात

288 धावांचं आव्हान घेऊन भारताचे सलामवीर केएल राहुल आणि शिखर धवन मैदानात उतरले आहेत. लुंगी एंगिडी पहिल्या षटकात गोलंदाजी करेल.

भारताला 10 वं यश, सिसंदा मगाला शून्यावर बाद

भारताला 10 वं यश मिळलं आहे. प्रसिद्ध कृष्णाने सिसंदा मगाला याला शून्यावर बाद केलं. लोकेश राहुलने सोपा झेल घेत मगाला याला पव्हेलियनची वाट दाखवली. (द. आफ्रिका 287/10)

भारताला 9 व यश, डेव्हिड मिलर 39 धावांवर बाद

भारताला 9 व यश मिळलं आहे. प्रसिद्ध कृष्णाने डेव्हिड मिलरला 39 धवांवर असताना विराट कोहलीकरवी झेसबाद केलं. (द. आफ्रिका 287/9)

द. आफ्रिकेचा 8 वा गडी माघारी, केशव महाराज 6 धवांवर बाद

द. आफ्रिकेचा 8 वा गडी माघारी परतला आहे. जसप्रीत बुमराहने केशव महाराजला 6 धवांवर असताना विराट कोहलीकरवी झेसबाद केलं. (द. आफ्रिका 282/8)

द. आफ्रिकेचा 7 वा गडी माघारी, ड्व्हेन प्रिटोरियस 20 धवांवर बाद

द. आफ्रिकेचा 7 वा गडी माघारी परतला आहे. प्रसिद्ध कृष्णाने ड्व्हेन प्रिटोरियसला 20 धवांवर असताना सूर्यकुमार यादवकरवी झेसबाद केलं. (द. आफ्रिका 272/7)

डेव्हिड मिलरची फटकेबाजी, द. आफ्रिका 250 पार

डीकॉक, डुसें बाद झाल्यानंतर डेव्हिड मिलरने द. आफ्रिकेच्या डावाची सूत्र आपल्या हाती घेतली आहेत. त्याने ड्वेन प्रिटोरियसच्या साथीने किल्ला लढवत 45 षटकात द. आफ्रिकेला 6 बाद 257 धावांपर्यंत मजल मारुन दिली आहे. पुढील पाच षटकात 40 ते 50 धावा जोडण्याचा निर्धार मिलरने केलेला असणार

218 धावांत द. आफ्रिकेचा निम्मा संघ बाद, सामन्यात भारताचा पुनरागमन

सामन्यात भारतीय गोलंदाजांनी पुनरागमन केलं आहे. 37 व्या षटकात युजवेंद्र चहलने रॅस्सी वॅन डेर डुसें याला श्रेयस अय्यरकरवी झेलबाद करत द. आफ्रिकेचा पाचवा गडी माघारी धाडला. (द. आफ्रिका 218/5)

जसप्रीत बुमराहचा द. आफ्रिकेला मोठा धक्का, क्विंटन डीकॉक 124 धावांवर बाद

जसप्रीत बुमराहने द. आफ्रिकेला मोठा धक्का दिला आहे. त्याने शतकवीर क्विंटन डीकॉकला 124 धावांवर असताना शिखर धवनकरवी झेलबाद केलं. (द. आफ्रिका 214/4)

रॅस्सी वॅन डेर डुसेंचं अर्धशतक, द. आफ्रिका 200 पार

सलामीवीर क्विंटन डीकॉकच्या शतकापाठोपाठ रॅस्सी वॅन डेर डुसें याने 53 चेंडूत 4 चौकार आणि एका षटकाराच्या मदतीने अर्धशतक लगावलं आहे. (द. आफ्रिका 212/3)

क्विटंन डीकॉकचं शानदार शतक, द. आफ्रिका मजबूत स्थितीत

सुरुवातीचे तीन फलंदाज लवकर बाद झाल्यानंतरही द. आफ्रिकेचा सलामीवीर क्विंटन डीकॉकने एक बाजू लावून धरली आहे. त्याने शतकी खेळीसह द. आफ्रिकेला या सामन्यात मजबूत स्थितीन नेऊन ठेवलं आहे. डीकॉकने 108 चेंडूत 9 चौकार आणि 2 षटकारांच्या मदतीने 101 धावांची खेळी केली आहे. (द. आफ्रिका : 30.4 षटकात 173/3)

डीकॉकचा आणखी एक षटकार

93 धावांवर असताना डीकॉककने प्रसिद्ध कृष्णाला शानदार षटकार लगावला. तो आता शतकापासून केवळ एका धावेच्या अंतरावर आहे.

डीकॉकचा हल्लाबोल, द. आफ्रिका 150 पार

अर्धशतकानंतर क्विंटन डीकॉकने आक्रमक पवित्रा घेतला आहे. त्याने आतापर्यंत 100 चेंडूत 9 चौकार आणि एका षटकाराच्या मदतीने 93 धावा फटकावल्या आहेत. त्याच्या या खेळीच्या जोरावर द. आफ्रिकेने 150 धावांचा टप्पा पार केला आहे.

डीकॉकचा आणखी एक षटकार

अर्धशतक पूर्ण केल्यानंतर सलामीवीर क्विंटन डीकॉक आणखी आक्रमक झाला आहे. त्याने 21 व्या षटकात जयंत यादवला एक षटकार आणि एक चौकार लगावला. या षटकात त्याने 12 धावा बसूल केल्या. (द. आफ्रिका : 115/3)

डीकॉकचं संयमी अर्धशतक, द. आफ्रिका 20 षटकात 100 पार

ठराविक अंतराने एकेक गडी बाद होत असताना द. आफ्रिकेचा सलामीवीर क्विंटन डीकॉकने एक बाजू लावून धरली आहे. त्याने 59 चेंडूत अर्धशतक (50) पूर्ण केलं. या खेळीत त्याने आतापर्यंत 6 चौकार आणि एक षटकार लगावला आहे. डीकॉकच्या अर्धशतकाच्या जोरावर द. आफ्रिकेने आतापर्यंत 20 षटकांमध्ये 3 गड्यांच्या बदल्यात धावफलकावर 103 धावा झळकावल्या आहेत.

द. आफ्रिकेला तिसरा धक्का, एडन मार्क्रम 15 धावांवर बाद

दीपक चाहरने वैयक्तिक सातव्या (डावातील 13 व्या) षटकात द. आफ्रिकेला तिसरा धक्का दिला. एडन मार्क्रमला त्याने 15 धावांवर असताना ऋतुराज गायकवाडकरवी (सब्स्टिट्यूट फिल्डर) झेलबाद केलं. (द. आफ्रिका – 70/3)

भारताला दुसरं यश, टेम्बा बवुमा 8 धावांवर माघारी

7 व्या षटकात द. आफ्रिकेला आणखी एक धक्का बसला आहे. के. एल राहुलने टेम्बा बवुमा 8 धावांवर असताना धावबाद केलं. (द. आफ्रिका – 34/2)

डॉकॉकचा दीपक चाहरवर हल्लाबोल, एकाच षटकात दोन चौकार

जानेमन मलानला बाद करणाऱ्या दीपक चाहरवर क्विंटन डॉकॉकने हल्लाबोल केला आहे. त्याने दीपकच्या दुसऱ्या षटकात दोन चौकार लगावले.

द. आफ्रिकेला पहिला धक्का, जानेमन मलान 1 धाव करुन माघारी

दीपक चाहरने वैयक्तिक दुसऱ्या (डावातील तिसऱ्या) षटकात द. आफ्रिकेला पहिला धक्का दिला. जानेमन मलानला (01) त्याने यष्टीरक्षक ऋषभ पंतकरवी झेलबाद केलं. (द. आफ्रिका – 8/1)

दक्षिण आफ्रिकेच्या डावाला सुरुवात

दक्षिण आफ्रिकेच्या डावाला सुरुवात झाली आहे. क्विंटन डि कॉक आणि जानेमन मालान ही सलामीची जोडी मैदानात आहे. पहिल्या षटकात दक्षिण आफ्रिकेच्या बिनबाद दोन धावा झाल्या आहेत.

अश्विनला वगळलं, चाहारला संधी

आजच्या सामन्यात काही बदल करण्यात आले आहेत. अश्विन, भुवनेश्वर कुमार आणि वेंकटेश अय्यरला वगळण्यात आलं आहे. त्यांच्याजागी दीपक चाहार, सूर्यकुमार यादव आणि जयंत यादवला संधी दिलीय. महाराष्ट्राच्या ऋतुजराज गायकवाडला अखेर संधी नाहीच मिळाली.

Four changes for #TeamIndia in the final ODI.

Live – https://t.co/dUN5jhH06v #SAvIND pic.twitter.com/Ml02ISfjSE

— BCCI (@BCCI) January 23, 2022

टॉस जिंकून भारताचा गोलंदाजीचा निर्णय

भारत आणि दक्षिण आफ्रिकेमध्ये आज मालिकेतील तिसरा आणि शेवटचा एकदिवसीय सामना होत आहे. नाणेफेक जिंकून भारताने प्रथम गोलंदाजी करण्याचा निर्णय घेतला आहे.

#TeamIndia win the toss and elect to bowl first in the final ODI.

Live – https://t.co/2aNhtssexO #SAvIND pic.twitter.com/Mwd4qaHi9s

— BCCI (@BCCI) January 23, 2022

संघात होऊ शकतात बदल

तिसऱ्या वनडेसाठी संघात काही बदल अपेक्षित आहेत. वेंकटेश अय्यर, भुवनेश्वर कुमार यांच्याजागी नव्या खेळाडूंना संधी मिळू शकते.