India vs Afghanistan T20 world cup 2021: भारताचं यशस्वी कमबॅक, अफगाणिस्तानला 66 धावांनी दिली मात

IND vs AFG: भारताचा 66 धावांनी विजय

आधी दमदार फलंदाजी आणि नंतर उत्तम गोलंदाजीच्या जोरावर भारताने अफगाणिस्तानला 66 धावांनी नमवलं आहे.

IND vs AFG: राशिद खान शून्यावर बाद

मोहम्मद शमीने एकाच षटकात आणखी एक विकेट घेतली आहे. राशिदचा झेल सीमारेषेवर हार्दीकने पकडला आहे.

IND vs AFG: जाडेजाचा अप्रतिम प्रयत्न

जाडेजाने नबीची कॅच घेतल्यानंतर पुढच्यात चेंडूवर जनतची कॅचही जाडेजानी पकडली. पण चेंडू हलकासा जमीनीला लागल्याने हा बाद देण्यात आला नाही.

IND vs AFG: शमीला दुसरं यश

मोहम्मद शमीने दुसरी विकेट मिळवली आहे. त्याने अफगाणिस्तानचा कर्णधार मोहम्मद नबीला बाद केलं आहे. जाडेजाने नबीची कॅच पकडली आहे.

IND vs AFG: शार्दूलची खराब गोलंदाजी

शार्दूल ठाकूरने आजच्या सामन्यात खराब गोलंदाजीचं दर्शन घडवलं आहे. 18 वी ओव्हर टाकताना त्याने तब्बल 16 धावा दिल्या.

IND vs AFG: नबीसह जनतने सांभाळला डाव

पाच विकेट गेल्यानंतर अफगाणिस्तानचा कर्णधार मोहम्मद नबी आणि जनत यांनी चांगली फलंदाजी करण्यास सुरुवात केली आहे. दोघांनी मिळून संघाची धावसंख्या 100 च्या पुढे गेली आहे.

IND vs AFG: अनुभवी आश्विनला आणखी एक यश

अनुभवी आश्विनने यंदाच्या विश्वचषकात पहिला सामना खेळताना अप्रतिम कामगिरी सुरुच ठेवली आहे. त्याने आणखी एक विकेट घेत अफगाणिस्तानचा पाचवा गडी तंबूत धाडला आहे. त्याने एन. जदरानला त्रिफळाचित केलं आहे.

IND vs AFG: अफगाणिस्तानला चौथा झटका

अफगाणिस्तानचा चौथा गडी तंबूत परतला आहे. अनुभवी आश्विनने गुलाबदीनला पायचीत केलं आहे.

IND vs AFG: अफगाणिस्तानचा तिसरा गडी बाद

अफगाणिस्तानचा तिसरा गडीही तंबूत परतला आहे. गुरबाज 19 धावा करुन बाद झाला आहे. जाडेजाच्या चेंडूवर पंड्याने त्याचा झेल घेतला आहे.

IND vs AFG: पंड्याच्या ओव्हरमध्ये दोन चौकार

सहावी ओव्हर हार्दीक पंड्याने टाकली असून या षटकात 9 रन अफगाणिस्तानने केले. त्यांनी दोन चौकार लगावले.

IND vs AFG: भारतासाठी महागडी ओव्हर

मोहम्मद शमीने टाकलेलं पाचवं षटक भारताला महाग पडलं आहे. अफगाणिस्तानमच्या फलंदाजानी दमदार फलंदाजी केली आहे. त्यांनी दोन चौकार आणि दोन षटकार ठोकले आहेत. ओव्हरमध्ये तब्बल 21 धावा अफगाणिस्तानला मिळाल्या आहेत.

IND vs AFG: भारताला आणखी एक यश

तिसऱ्या ओव्हरच्या शेवटच्या चेंडूवर विकेट पडल्यानंतर चौथ्या ओव्हरच्या पहिल्या चेंडूवर अफगाणिस्तानचा दुसरा सलामीवीरही बाद झाला आहे. बुमराहच्या चेंडूवर शार्दूलने त्याचा झेल घेतला आहे.

IND vs AFG: मोहम्मद शहजाद शून्यावर बाद

तिसऱ्या षटकात अफगाणिस्तानला पहिला झटका बसला आहे. शमीने मोहम्मद शहजादला बाद केलं आहे. आश्विनने त्याचा झेल पकडला आहे.

Match 33. 2.6: WICKET! M Shahzad (0) is out, c Ravichandran Ashwin b Mohammad Shami, 13/1 https://t.co/cxK4v0hpEq #INDvAFG #T20WorldCup

— BCCI (@BCCI) November 3, 2021

IND vs AFG: अफगाणिस्तानचे सलामीवीर मैदानात

211 धावांचं मोठं आव्हान गाठण्यासाठी अफगाणिस्तानचे फलंदाज मैदानात आले आहेत. सध्या एच झझाई आणि मोहम्मद शहजाद फलंदाजी करत आहेत.

IND vs AFG: भारताने उभा केला 210 धावांचा डोंगर

भारताने राहुल (69) आणि रोहितच्या (74) अर्धशतकानंतर पंत (नाबाद 27) आणि पंड्याच्या (नाबाद 35) फिनींशिंगने भारताने 210 धावांचा डोंगर उभा केला आहे.

IND vs AFG: भारताने पूर्ण केला 200 चा आकडा

यंदाच्या विश्वचषकात प्रथमच कोणत्यातरी संघाने 200 धावांचा आकडा पूर् णकेला आहे. पंतने अप्रतिम षटकार ठोकत संघाच्या 200 धावा पूर्ण केल्या आहेत.

IND vs AFG: पंड्या ON FIRE

हार्दीक पंड्याही आज चांगल्या लयीत दिसून येत आहे. काही चौकारानंतर त्याने आता 19 व्या षटकाच्या दुसऱ्या चेंडूवर एक दमदार षटकार लगावला आहे.

IND vs AFG: पंड्याकडूनही आक्रमण

हार्दीतक पंड्याही चांगल्या रंगात आला आहे. 18 व्या षटकात त्याने लागोपाठ दोन चौकार लगावले आहेत.

IND vs AFG: पंतच्या बॅटमधून दोन षटकार

17 व्या ओव्हरच्या अखेरच्या दोन चेंडूवर पंतने दोन षटकार ठोकत आक्रमण करण्यास सुरुवात केली आहे.

IND vs AFG: रोहित पाठोपाठ राहुलही बाद

आज अप्रतिम सलामी दिल्यानंतर रोहित बाद होताच राहुलही बाद झाला आहे. गुलाबदीनने त्याला त्रिफळाचित केलं आहे.

IND vs AFG: रोहित नावाचं वादळ शांत

आज अगदी आक्रमक फलंदाजी करत असलेला रोहित शर्मा अखेर बाद झाला आहे. 15 व्या षटकात करीम जनतच्या चेंडूवर नबीने रोहितचा झेल घेतला. रोहितने 47 चेंडूत 74 धावा केल्या.

IND vs AFG: राशिदाच्या षटकातही फटकेबाजी सुरुच

जगातील अव्वल फिरकीपटू असणाऱ्या राशिद खानच्या षटकातही आज भारताचे सलामीवीर दमदार फलंदाजी करत आहे. नुकत्याच राशिदच्या षटकात शेवटत्या दोन चेंडूवर रोहितने लागोपाठ दोन षटकार ठोकले आहेत.

IND vs AFG: केएल राहुलचंही अर्धशतक पूर्ण

अप्रतिम चौकार लगावत केएल राहुलनेही अर्धशतक पूर्ण केलं आहे. त्याने 35 चेंडूत ही कामगिरी केली आहे.

IND vs AFG: भारताच्या 100 धावा पूर्ण

12 व्या ओव्हरच्या चौथ्या चेंडूवर सलामीवीर केएल राहुलने अप्रतिम षटकार ठोकत भारताच्या 100 धावा पूर्ण केल्या आहेत.

IND vs AFG: हिटमॅनचं दणदणीत अर्धशतक

भारताचा सलामीवीर रोहित शर्माने आज फॉर्ममध्ये पुनरागमन केलं आहे. त्याने दमदार असं अर्धशतक पूर्ण केलं आहे.त्याने 37 चेंडूत अर्धशतक पूर्ण केलं आहे.

FIFTY for @ImRo45! ? ?

His 2⃣3⃣rd in T20Is as #TeamIndia move to 95/0 after 11.2 overs. ? ? #INDvAFG #T20WorldCup

Follow the match ▶️ https://t.co/42045c5J05 pic.twitter.com/Y3xw0GR4d2

— BCCI (@BCCI) November 3, 2021

IND vs AFG: राशिदला पहिल्याच चेंडूवर चौकार

राशिद खानने त्याची दुसरी ओव्हर टाकण्यास सुरुवात केली आहे. पण पहिल्याच चेंडूवर राहुलने त्याला चौकार लगावला आहे.

IND vs AFG: राहुलचा कडक चौकार

नवव्या ओव्हरच्या तिसऱ्या चेंडूवर केएल राहुलने चौकार लगावत 31 धावा पूर्ण केल्या आहेत.

IND vs AFG: भारताच्या 50 धावा पूर्ण

रोहितने चौकार ठोकल्यानंतर पाचव्या ओव्हरच्या अखेरच्या दोन चेंडूवर षटकार आणि चौकार लगावला आहे. यासोबतच भारताचा स्कोर 52 वर 0 बाद झाला आहे.

IND vs AFG: रोहितच्या बॅटमधून चौकार

फ्रिहिटचा फायदा न उचलू शकल्यानंतर रोहितने एक चौकार लगावला आहे.

IND vs AFG: फ्री हीटवर केवळ 1 धाव

फ्रि हीटचा रोहित शर्मा खास फायदा उचलू शकला नाही. त्याने पूल शॉट खेळला. पण चेंडू थेट राशिद खानच्या हातात गेल्याने केवळ एकच धाव त्याला घेता आली.

IND vs AFG: भारताला फ्री हीट

चौथ्या ओव्हरच्या पहिल्या चेंडूवर अफगाणिस्तानच्या नवीनने नो बॉल टाकल्यामुळे भारताला फ्री हीट मिळाली आहे.

IND vs AFG: राहुलची फटकेबाजीही सुरु

केएल राहुलनेही फटकेबाजी करण्यास सुरुवात केली आहे. दुसऱ्या षटकाच्या अखेरच्या दोन चेंडूवर त्याने चौैकार आण षटकार लगावला आहे.

IND vs AFG: रोहितकडून आणखी एक चौकार

दुसऱ्या षटकाच्या दुसऱ्या चेंडूवर रोहितने एक उत्कृष्ट शॉट लगावत चौकार लगावला आहे.

IND vs AFG: रोहितने लगावला सामन्यातील पहिला चौकार

भारताचा सलामीवीर रोहितने पहिल्या षटकाच्या अखेरच्या चेंडूवर चौकार लगावत चौकारांचं खातं खोललं आहे.

IND vs AFG: भारताचे सलामीवीर मैदानात

भारतीय फलंदाज मैदानावर उतरले आहेत. केएल राहुल आणि रोहित शर्मा मैदानात आले आहेत.

NZ vs SCO: न्यूझीलंड 16 धावांनी विजयी

भारत आणि अफगाणिस्तान सामना सुरुहोण्यापूर्वी याच गटातील न्यूझीलंड आणि स्कॉटलंड या सामन्यात अप्रतिम खेळ पाहायला मिळाला. आधी गप्टीलच्या 93 धावांच्या जोरावर न्यूझीलंडने 172 रन्स केले. पण उत्तरात स्कॉटलंडनेही कडवी झुंज दिली पण ते 156 धावाच करु शकल्याने 16 धावांनी पराभूत झाले. पण सामना मात्र चुरशीचा झाला.

A valiant effort from Scotland but New Zealand clinch the victory ✌️#T20WorldCup | #NZvSCO | https://t.co/CIpjB9NXlM pic.twitter.com/295NcGZJXT

— ICC (@ICC) November 3, 2021

दोन्ही संघाचे Playing 11

भारत: विराट कोहली (कर्णधार), रोहित शर्मा, केएल राहुल, सूर्यकुमार यादव, ऋषभ पंत, हार्दिक पंड्या, रवींद्र जाडेजा, जसप्रीत बुमराह, शार्दूल ठाकूर, रवीचंद्रन आश्विन, मोहम्मद शमी.

अफगाणिस्तान : हजरतुल्लाह झझाई, मोहम्मद शहजाद, रहमनउल्लाह गुरबाज, नजीबुल्लाह जदरान, मोहम्मद नबी, गुलाबदीन नाईब, राशिद खान, करीम जनत, एस. अश्रफ, हामिद हसन, नवीन उल् हक,

India vs Afghanistan Toss result: नाणेफेक जिंकत अफगाणिस्तानने निवडली गोलंदाजी

आजची भारताचा कर्णधार विराटला नाणेफेक जिंकण्यात अपयश आलं आहे. त्यामुळे अफगाणिस्तानने नाणेफेक जिंकत गोलंदाजी निवडली असून भारत प्रथम फलंदाजी करेल.

सामन्यापूर्वी जाडेजाचा कसून सराव

That’s some hitting, @imjadeja ! ? ?#TeamIndia #T20WorldCup #INDvAFG pic.twitter.com/Yf89bCRlB1

— BCCI (@BCCI) November 3, 2021

कुठे पाहाल सामना?

टीम इंडियाचा टी 20 विश्वचषकातील आजचा अफगाणिस्तानविरुद्धचा सामना स्टार स्पोर्ट्स नेटवर्कवर (स्टार स्पोर्ट्स 1, स्टार स्पोर्ट्स 2 आणि स्टार स्पोर्ट्स 3) हिंदी आणि इंग्रजी भाषेत थेट प्रसारित केले जातील. या सामन्यांचे ऑनलाइन लाइव्ह स्‍ट्रीमिंग डिस्ने+ हॉटस्टारवर ऑनलाइन पाहू शकता

भारताचा मार्ग खडतर

टी-20 विश्वचषक स्पर्धेत भारत अजूनही पहिल्या विजयाची वाट पाहत आहे. पहिल्या सामन्यात भारताला पाकिस्तानने तर दुसऱ्या सामन्यात न्यूझीलंडने पराभूत केले होते. आज त्यांना अफगाणिस्तानचा सामना करावा लागणार आहे. भारताला अजून तीन सामने खेळायचे आहेत. भारताने तिन्ही सामने जिंकले तरी त्यांना सेमीफायनलचं तिकीट मिळणार नाही. त्यासाठी भारताला इतर संघांवर अवलंबून राहावे लागेल कारण न्यूझीलंडनेही तिन्ही सामने जिंकले तर भारतीय संघ आपोआप बाद होईल. अफगाणिस्तानने न्यूझीलंडला हरवले आणि त्यानंतर भारताने त्यांचे सर्व सामने जिंकले तर भारताला सेमीफायनलचं तिकीट मिळण्याची शक्यता आहे. अशा स्थितीत सर्व संघ सहा गुणांवर असतील आणि त्यानंतर सर्व काही निव्वळ धावगती (नेट रनरेट) निश्चित करेल.