IND vs BAN T20 WC: 4,4,4,6,6,6,6 बघा KL Rahul ने बांग्लादेशच्या गोलंदाजांना कसं धुतलं
IND vs BAN T20 WC: शोरीफुल इस्लाम केएल राहुलने बॅटिंग करताना दिलेला तडका नाही विसरणार.
एडिलेड: टीम इंडियाचा आज बांग्लादेश विरुद्ध एडिलेड ओव्हलच्या मैदानात सामना सुरु आहे. सेमीफायनलमध्ये प्रवेशाच्या दृष्टीने टीम इंडियासाठी ही मॅच महत्त्वाची आहे. T20 वर्ल्ड कप 2022 मध्ये पुढे प्रवास सुरु ठेवण्यासाठी टीम इंडियाला आजची मॅच जिंकावीच लागेल. या मॅचमध्ये टीम इंडियाचा सलामीवीर केएल राहुलने धमाकेदार बॅटिंग केली. त्याने बांग्लादेशच्या गोलंदाजांना चांगलच धुतलं. खासकरुन शोरीफुल इस्लामला.
राहुलने घेतला समाचार
केएल राहुलने आज मागच्या तीन सामन्यातील अपयश धुवून काढला. पाकिस्तान, नेदरलँड्स आणि दक्षिण आफ्रिकेविरुद्ध त्याने 4,9,9 अशा धावा केल्या होत्या. केएल राहुलने आज बांग्लादेश विरुद्ध ते अपयश मागे सोडलं. त्याने बांग्लादेशी गोलंदाजांचा चांगलाच समाचार घेतला.
12 runs off 1 delivery. pic.twitter.com/VtRmGUnhzM
— That-Cricket-Girl (@imswatib) November 2, 2022
एक ओव्हरमध्ये 24 धावा लुटल्या
रोहित शर्मासोबत मिळून त्याने संयमी सुरुवात केली. रोहित आज अवघ्या 2 धावांवर बाद झाला. 11 धावांवर टीम इंडियाला रोहितच्या रुपाने पहिला झटका बसला. त्यानंतर केएल राहुलने विराटच्या साथीने मिळून डाव सावरला. त्याने बांग्लादेशच्या गोलंदाजांवर हल्लाबोल केला. शोरीफुल इस्लामच्या 9 व्या ओव्हरमध्ये त्याने 24 धावा लुटल्या.
Welcome back champ 50/32#KLRahul? pic.twitter.com/fncr5TFqKh
— Viraj Jagadale (@viraj_jagadale) November 2, 2022
टीम इंडियाच्या 10 ओव्हर्समध्ये किती धावा?
केएल राहुलने आज 31 चेंडूत अर्धशतक पूर्ण केलं. या खेळीत त्याने तीन चौकार आणि चार षटकार ठोकले. रोहितच टी 20 क्रिकेटमधील हे 21 व अर्धशतक आहे. हाफ सेंच्युरीनंतर राहुल लगेच आऊट झाला. शाकीब अल हसनच्या गोलंदाजीवर त्याने मुस्तफीझूर रहमानकडे सोपा झेल दिला. टीम इंडियाच्या 10 ओव्हर्समध्ये 2 बाद 86 धावा झाल्या आहेत.
