IND vs SA 3rd T20: Rohit Sharma ने टॉस जिंकला, टीम इंडियात आज तीन बदल
IND vs SA 3rd T20: दक्षिण आफ्रिकेविरुद्धच्या टी 20 साठी अशी आहे प्लेइंग -11
मुंबई: टीम इंडिया आणि दक्षिण आफ्रिकेमध्ये आज टी 20 सीरीजमधला शेवटचा सामना होणार आहे. इंदूरमध्ये ही मॅच होणार आहे. टीम इंडियाने तिरुअनंतपूरम आणि गुवाहाटीमध्ये झालेला सामना जिंकला. टीम इंडियाने सीरीजमध्ये 2-0 अशी आघाडी घेतली आहे. आज टीम इंडिया क्लीन स्वीपच्या इराद्याने मैदानात उतरेल.
टीम इंडियाचा कॅप्टन रोहित शर्माने टॉस जिंकून प्रथम गोलंदाजीचा निर्णय घेतला. आज टीममध्ये तीन बदल करण्यात आले आहेत. उमेश यादव, मोहम्मद सिराज आणि श्रेयस अय्यरचा समावेश करण्यात आलाय.
अर्शदीप सिंहला पाठिच्या दुखण्याचा त्रास होतोय. पण ही दुखापत गंभीर नाहीय. जसप्रीत बुमराहला पाठिच्या दुखण्याचा त्रास आहे. त्यामुळे तो टी 20 वर्ल्ड कप टीममधून बाहेर गेलाय. त्याच्याजागी मोहम्मद सिराज मोहम्मद शमी आणि दीपक चाहर यांच्यापैकी कोणाला संधी द्यायची हा प्रश्न आहे.
सिराजसाठी आजचा सामना एका चाचणी सारखा आहे. त्यामुळे थोडफार चित्र स्पष्ट होईल. विराट कोहली आणि केएल राहुलला वर्ल्ड कपआधी मिनी ब्रेक देण्यात आला आहे.
अशी आहे टीम इंडियाची प्लेइंग 11
रोहित शर्मा (कॅप्टन), ऋषभ पंत, सूर्यकुमार यादव, श्रेयस अय्यर, दिनेश कार्तिक, अक्षर पटेल, हर्षल पटेल, आर अश्विन, दीपक चाहर, उमेश यादव, मोहम्मद सिराज.
