IND vs SL : भारत श्रीलंका सामन्यांवर कोरोनाचे संकट, कोरोनाच्या शिरकावामुळे भारतीय खेळाडू पुन्हा विलगीकरणात, सामन्याच्या वेळापत्रकात बदल

भारताचे युवा भारतीय क्रिकेटपटू असणारी भारतीय टीम श्रीलंका दौऱ्यावर गेली आहे. दोन्ही संघ मर्यादीत षटकांच्या सामन्यांसाठी सज्ज झाले असतानाच कोरोनाच्या शिरकावामुळे सामन्यांच्या वेळापत्रकात बदल करण्यात आला आहे.

भारतीय संघ

टीव्ही 9 मराठी डिजीटल टीम | Updated on: Jul 10, 2021 | 3:42 PM

कोलंबो : भारतीय क्रिकेट संघ (Indian Cricket Team) युवा खेळाडू असलेली तरुण तडफदार खेळाडूंना घेऊन कर्णधार शिखर धवनच्या (Shikhar Dhawan) नेतृत्त्वाखाली श्रीलंका सर करण्यासाठी सज्ज झाला आहे. सर्व संघाने श्रीलंकेत पोहचून आपला विलगीकरणाचा कालावधी संपवून सराव सामने खेळण्यास ही सुरुवात केली. श्रीलंका दौऱ्यावर 13 जुलै रोजी पहिला एकदिवसीय सामना खेळवला जाणार होता. पण कोरोनाच्या शिरकावामुळे आता श्रीलंका दौऱ्याच्या वेळापत्रकात बदल करण्यात येणार आहे. तसेच सर्व भारतीय संघाला पुन्हा विलगीकरणात ठेवण्यात आले आहे. (India vs Sri Lanka Matches Scheduled Postponed by 4 days Players are in quarantined inside hotel)

श्रीलंका क्रिकेट संघाच्या चार सदस्यांना कोरोनाची लागण झाल्याची माहिती समोर आली आहे. त्यामुळे भारताविरुद्धच्या मालिकेचील सहा सामने जे 13 जुलैपासून सुरु होणार होते, ते पुढे ढकलून 17 जुलैपासून सुरु करण्यात येऊ शकतात. श्रीलंका क्रिकेट संघ नुकताच इंग्लंड दौऱ्यावरुन परतला यावेळी सर्वांची कोरोना चाचणी करण्यात आली. त्यावेळी संघाचे फलंदाजी प्रशिक्षक ग्रँट फ्लॉवर आणि जी. टी. निरोशान यांच्यासह दोघांची कोरोना टेस्ट पॉजीटिव्ह आली. त्यामुळेच संपूर्ण श्रीलंका संघाला विलगीकरणात ठेवण्यात आले आहे. सोबतच सुरक्षेचा उपाय म्हणून भारतीय संघालाही विलगीकरणात ठेवण्यात आले आहे.

The Data Analyst of the Sri Lanka National Team, G. T. Niroshan, has tested positive for Covid 19. He was found to be positive, following a PCR Test carried out among the National Players, Coaches, and Support Staff yesterday.#SLC #lka https://t.co/vIiApxLt7f

— Sri Lanka Cricket ?? (@OfficialSLC) July 9, 2021