संघात स्थान न मिळाल्याने आश्विन फलंदाजीच्या सरावात व्यस्त, PHOTO केला शेअर, फोटो पाहून फॅन्सना पडला मोठा प्रश्न
भारत आणि इंग्लंड यांच्यात तिसरा कसोटी सामना सुरु आहे. पण या सामन्यात भारताला फिरकीपूट आणि अष्चपैलू खेळाडू आर आश्विन हा खेळत नसल्याने तो सध्या सराव करण्यात व्यस्त आहे.
लंडन : तिसऱ्या कसोटी सामन्यात भारत अत्यंत अडचणीत सापडला आहे. इंग्लंडने पहिल्या डावात तब्बल 354 धावांची आघाडी घेतली आहे. त्यामुळे भारताची अवस्था बिकट झाली आहे. दरम्यान या कसोटीसाठी भारताने संघात कोणताच बदल केला नाही. लॉर्ड्सची कसोटी जिंकल्यामुळे भारताने कोणताच बदल केला नसावा असे म्हटले जात आहे. मात्र दिग्गज गोलंदाज आर आश्विनला (R Ashwin) संघात स्थान न मिळाल्याने अनेक चर्चांना उधान आलं होतं.
दुसरीकडे आश्विन मात्र सध्या आपल्या फलंदाजीवर काम करत आहे. जगातील सध्याच्या अव्वल फिरकीपटूमध्ये स्थान मिळवलेा आश्विन आता आपली बॅटिंगही सुधारु पाहत आहे. आश्विन त्यामुळे नेट्समध्ये फलंदाजीचा सराव करत असून त्याने तसे फोटोही शेअर केले आहेत. पण या फोटोंमुळे आश्विनचे चाहते थोडे कन्फ्युज झाले असून त्यांना काही प्रश्न पडले आहेत.
आर अश्विनने शेअर केले सरावाचे फोटो
आर अश्विनने त्याच्या सोशल मीडियावर मैदानात सराव करतानाचे फोटो शेअर केले आहेत. ज्यामध्ये नेट्समध्ये फलंदाजीची प्रॅक्टिस करत आहे. त्याने या फोटोंच्या कॅप्शनमध्ये लिहिलं आहे की, ‘दर दिवशी काहीतरी नवीन करण्याची आग (इच्छा) संपत नाही ’. दरम्यान आश्विनने शेअर केलेल्या फोटोमध्ये तो डावखुरी फलंदाजी करताना दिसत आहे. सहसा उजव्या हाताने फलंदाजी करणारा आश्विन डावखुरी फलंदाजी का करत आहे? यामुळे फॅन्स कन्फ्युज झाले आहेत.
The desire to ignite something different every day never burns out. ? ??? pic.twitter.com/6U9s7LZpP6
— Mask up and take your vaccine???? (@ashwinravi99) August 26, 2021
शिखरची मजेशीर कमेंट
आश्विनने शेअर केले्या फलंदाजीच्या फोटोजमधून तो बोलिंगप्रमाणे बॅटिंगमध्येही काही बदल करु इच्छित असल्याचं दिसून येत आहे. पण या फोटोवर भारतीय खेळाडू शिखर धवनने (Shikhar Dhawan) एक कमेट केली असून त्यात ‘भावा डाव्या हाताने फलंदाजी करताना तू भारी दिसतो आहेस.’ असं लिहिलं आहे आणि त्यापुढे हसण्याचा इमोजी टाकला आहे. दरम्यान मूळात हा फोटो एक मिरर सेल्फी असल्याने उजव्या हाताने फलंदाजी करणारा आश्विन डावखुरा दिसत असल्याचे नीट पाहिल्यावर समजते.
इतर बातम्या
IND vs ENG : रोहितची एक चूक भारताला पडली महाग, तिसऱ्या कसोटीत मोठं नुकसान, पाहा VIDEO
विराट सातव्यांदा अँडरसनचा बळी, कोहलीला खेळताच येईना, गावसकर म्हणाले, आताच्या आता सचिनला कॉल कर!
(Indian all rounder Ravi Ashwin left handed batting pictures confuse fans on Social media)