KKR vs RCB : बॅटिंग Shardul Thakur ची, चर्चा Suhana khan ची, तिच्यासोबत फोटोमध्ये असलेली मुलगी कोण?

KKR vs RCB IPL 2023 : ऑलराऊंडर शार्दुल ठाकूर आणि रिंकू सिंहने काल रॉयल चॅलेंजर्स बँगलोरच्या गोलंदाजांची वाट लावली. शार्दुल आणि रिंकूच्या बॅटिंगचा शाहरुखची लाडकी लेक सुहाना खानने आनंद लुटला. कोलकाता नाइट रायडर्स आणि रॉयल चॅलेंजर्स बँगलोरच्या टीममध्ये आयपीएल 2023 चा 9 वा सामना खेळला गेला. टॉस हरल्यानंतर केकेआरची टीम बॅटिंग करण्यासाठी मैदानात उतरली. त्यांनी 89 धावात 5 विकेट गमावल्या होत्या.

त्यानंतर मैदानात आलेल्या रिंकू आणि ठाकूरने तुफान फटकेबाजी केली. ठाकूरने 20 चेंडूत आपलं अर्धशतक पूर्ण केलं. त्याने 29 चेंडूत 63 धावा फटकावल्या. शार्दुल ठाकूरने आपल्या इनिंगमध्ये 9 फोर आणि 3 सिक्स मारले. रिंकू सिंहने सुद्धा त्याला चांगली साथ दिली. त्याने 33 चेंडूत 2 चौकार आणि 3 षटकारांच्या बळावर 46 धावा फटकावल्या.

अनन्या पांडे कुठे आहे?

इडन गार्डन्सवर कालचा सामना झाला. ही मॅच पाहण्यासाठी बॉलिवूडचा किंग खान शाहरुख खानची मुलगी सुहाना खान उपस्थित होती. सुहाना खानचा ग्लॅमरस लूक टिपण्यासाठी कॅमेरा त्या दिशेला वळणं स्वाभाविक होती. सुहानासोबत यावेळी प्रेक्षक स्टँडमध्ये अनन्या पांडे दिसत नव्हती. त्यामुळे अनन्या पांडे कुठे आहे? असा प्रश्न्ही नेटीझन्सनी विचारला.

सुहानासोबत असलेली मुलगी कोण?

सुहाना खानसोबत यावेळी प्रेक्षक स्टँडमध्ये अभिनेता संजय कपूर आणि माहीप कपूरची मुलगी शनाया कपूर उपस्थित होती. सुहानाने या मॅचमध्ये शार्दुल आणि रिंकूच्या बॅटिंगचा पुरेपूर आनंद लुटला. दोघींनी टाळ्या वाजवून, चिअर करुन मॅचचा आनंद लुटला. टीमचा मालक शाहरुख खान सुद्धा हा सामना पाहण्यासाठी इडन गार्डन्सवर उपस्थित होता.

The moments Virat Kohli dancing with Shahrukh khan on “Jhume Jo Pathan” song – King Kohli & King Khan.

What a picture! pic.twitter.com/gEG1sHvUIb

— CricketMAN2 (@ImTanujSingh) April 6, 2023

केकेआरचा RCB वर मोठा विजय

शाहरुखच्या लेकीने आनंद साजरा करणं स्वाभाविक होतं. कारण केकेआरने बलाढ्या RCB वर तब्बल 81 धावांनी विजय मिळवला. शार्दुल आणि रिंकू दोघांनी मिळून टीमची धावसंख्या 192 पर्यंत पोहोचवली. या दोघांच्या बळावर केकेआरने 20 ओव्हर्समध्ये 204 धावा केल्या. या लक्ष्याचा पाठलाग करताना RCB ची टीम 123 रन्सवर ऑलआऊट झाली.

कोहलीच्या विकेटच सेलिब्रेशन

शार्दुल आणि रिंकू बॅटिंग करताना सुहानाची Reaction व्हायरल होतेय. सुनील नरेनने आरसीबीचा स्टार विराट कोहलीला बोल्ड केल्यानंतर सुहान आणि शनाया कपूरने हात उंचावून विकेटच सेलिब्रेशन केलं. दोघांनी या मॅचचा पुरेपूर आनंद लुटला.