RCB vs KKR, Eliminator Live Score, IPL 2021: रोमहर्षक सामन्यात केकेआर 4 विकेट्सनी विजयी, आरसीबी स्पर्धेतून बाहेर
RCB vs KKR Live Score in Marathi: दिल्ली कॅपिल्सला नमवत धोनीचा चेन्नई संघ अंतिम फेरीत पोहोचला असून आता दुसरा संघ कोणता? ही उत्सुकता शिगेला पोहोचली आहे. या दृष्टीने आजचा केकेआऱ विरुद्ध आरसीबी सामना अत्यंत महत्त्वाचा आहे.
अंतिम सामन्याच्या दिशेने आगेकूच करण्यासाठी केकेआर आणि आरसीबी यांच्यात शारजाहच्या मैदानात सामना पार पडला. सामन्यात नाणेफेक जिंकत आरसीबीने फलंदाजी निवडली. पण हा निर्णय संघासाठी खास चांगला ठरला नाही. केकेआरच्या बोलिंग अटॅकसमोर आरसीबी गारद पडली. कर्णधार कोहली (39) सोडता एकाही खेळाडूला खास कामगिरी करता न आल्याने संघ 138 धावांपर्यंतच मजल मारु शकला. पण नंतर गोलंदाजीमध्ये आरसीबीनेही उत्तम चमक दाखवली. पण केकेआरच्या गिल, अय्यर, राणा आणि नारायण या सर्वांनी दिलासादायक फलंदाजी करत मिळून संघाला 4 विकेट्सनी विजय मिळवून दिला. अखेरच्या ओव्हरपर्यंत गेलेल्या या सामन्यात आऱसीबी पराभूत झाल्याने विराटचं विजयी कर्णधार होण्याचं स्वप्नही तुटलं आहे.
LIVE NEWS & UPDATES
-
RCB vs KKR: केकेआर 4 विकेट्सनी विजयी
अखेरच्यो रोमहर्षक षटकात केकेआरने हव्या असलेल्या धावा करत चार विकेट्सनी आरसीबीला मात दिली आहे.
-
RCB vs KKR: 25 धावा करुन सुनील बाद
महत्त्वपूर्ण अशा 25 धावा करुन सुनील नारायण बाद झाला आहे. मोहम्मद सिराजने त्याती विकेट घेतली.
-
-
RCB vs KKR: नितीश राणा बाद
चांगल्या लयीत असलेला नितीश राणा 26 धावा करुन बाद झाला आहे. चहलने त्याची विकेट घेतली आहे. आता आरसीबीला विजयासाठी 4 षटकात 19 धावांची गरज आहे.
-
RCB vs KKR: केकेआरला मोठा झटका
सुरुवातीपासून उत्तम फलंदाजी करत संघाचा डाव सांभाळणारा केकेआरचा सलीमीवीर व्यंकटेश अय्यर बाद झाला आहे. आरसीबीच्या हर्षल पटेलच्या चेंडूवर केएस भरतने त्याचा झेल घेतला आहे.
-
RCB vs KKR: राहुल त्रिपाठीही बाद
केकेआरला काही वेळाच्याच अंतरात दोन विकेट्स गमवावे लागले आहेत. केकेआरचा राहुल त्रिपाठी आरसीबीच्या चहलच्या चेंडूवर बाद झाला आहे.
-
-
RCB vs KKR: केकेआरला पहिला धक्का
केकेआरचा सलामवीर शुभमन गिलला आरसीबीचा आघाडीचा गोलंदाज हर्षल पटेलने बाद केलं आहे. एबीडीने त्याची कॅच घेतली आहे. गिल 29 धावा करुन बाद झाला.
-
RCB vs KKR: केकेआरचे सलामीवीर मैदानात
आरसीबीने समोर ठेवलेल्या 139 धावांचा पाठलाग करण्यासाठी केकेआरचे फलंदाज मैदानात आले आहेत. सध्या सलामीवीर व्यंकटेश अय्यर आणि शुभमन गिल खेळत आहेत.
-
RCB vs KKR: आरसीबीची 138 धावांपर्यंत मजल
केकेआरच्या बोलिंग अटॅकसमोर आरसीबी गारद पडली. कर्णधार कोहली (39) सोडता एकाही खेळाडूला खास कामगिरी करता न आल्याने संघ 138 धावांपर्यंतच मजल मारु शकला.
-
RCB vs KKR: नारायणने टीपली आणखी एक विकेट
केकेआरचा दिग्गज खेळाडू सुनील नाराय़णने सामन्यातील चौैथी विकेट घेत ग्लेन मॅक्सवेलला 15 धावांवर तंबूत धाडलं आहे.
-
RCB vs KKR: एबी डिव्हीलियर्स तंबूत परत
आरसीबीचा अनुभवी खेळाडू एबी डिव्हीलियर्स आज महत्त्वाच्या सामन्यात खास कामगिरी करु शकला नाही. अवघ्या 11 धावांवर नारायणने त्याला तंबूत धाडलं आहे.
-
RCB vs KKR: विराट कोहली आऊट!
आज संघाला सांभाळत फलंदाजी करणारा कर्णधार विराट 39 धावांवर बाद झाला आहे. सुनील नारायणने कोहलीला त्रिफळाचित केलं आहे.
-
RCB vs KKR: केएस भरत स्वस्तात बाद
मागील काही सामन्यात आरसीबीकडून उत्तम फलंदाजी करणारा केएस भरत आज खास कामगिरी करु शकला नाही. 9 धावांवर असताना सुनील नारायणच्या चेंडूवर व्यंकटेश अय्यरने त्याचा झेल घेतला आहे.
-
RCB vs KKR: देवदत्त पडीक्कल बाद
आरसीबीचा सलामीवीर देवदत्त चांगल्या लयीत दिसत असताना केकेआरच्या लॉकी फर्ग्यूसनने त्याला बाद केलं आहे. देवदत्त 21 धावा करुन बाद झाला आहे.
-
RCB vs KKR: आरसीबीचे सलामीवीर मैदानात
आरसीबी संघाने प्रथम फलंदाजी निवडली असल्याने सलामीवीर विराट कोहली देवदत्त पडीक्कलसोबत सलामीला उतरला आहे.
-
RCB vs KKR: विराटसेना प्रथम फलंदाजीला
सामन्यात नाणेफेक जिंकत आरसीबीचा कर्णधार विराट कोहलीने प्रथम फलंदाजी करण्याचा निर्णय़ घेतला आहे.
-
RCB अंतिम 11
विराट कोहली (कर्णधार), देवदत्त पडीक्कल, केएस भारत, ग्लेन मॅक्सवेल, एबी डीव्हिलीयर्स, डॅनियल ख्रिस्टीयन, शाहबाज अहमद, जियॉर्जी गार्टन, हर्षल पटेल, मोहम्मद सिराज, युझवेंद्र चहल.
-
KKR अंतिम 11
इयॉन मॉर्गन (कर्णधार), शुभमन गिल, व्यंकटेश अय्यर, दिनेश कार्तिक, नितीश राणा, राहुल त्रिपाठी, शाकिब अल् हसन, सुनील नारायण, लॉकी फर्ग्यूसन, शिवम मावी, वरुण चक्रवर्ती.
Published On - Oct 11,2021 7:03 PM
