IND vs SL : सामना सुरु होण्याआधीच श्रीलंका संघाला दोन झटके, हे दोन खेळाडू सामना खेळण्यापासून मुकणार

कोलंबो : भारत आणि श्रीलंका यांच्यातील सामन्याला अवघा एक दिवस राहिला असतानाच श्रीलंकन संघाच्या अडचणीत वाढ झाली आहे. संघातील दोन महत्त्वाचे खेळाडू दुखापतीमुळे संपूर्ण भारताविरुद्धच्या मालिकेला मुकणार आहेत. या खेळाडूंमधील कर्णधार विकेटकिपर कुसल परेरा (Kusal Perera) याचे नाव गुरुवारीच समोर आले होते. पण आता संघाचा वेगवान गोलंदाज बिनुरू फर्नांडो (Binura Fernando) देखील दुखापतीमुळे एकदिवसीय मालिकेला हुकणार आहे. आंतरराष्ट्रीय क्रिकेट नियामक मंडळाने (ICC) ट्विट करत ही माहिती दिली.

आयसीसीसोबतच श्रीलंका क्रिकेट बोर्डाने देखील याबाबत माहिती दिली. श्रीलंका क्रिकेटने त्यांच्या वेबसाइटवर लिहिले आहे की, ‘कुसल परेरा दुखापतीमुळे भारताविरुद्धची वनडे आणि टी-20 मालिका खेळू शकणार नाही. सरावादरम्यान त्याच्या उजव्या खांद्याला दुखापत झाली होती.’

फर्नांडोच्या गुडघ्याला दुखापत

श्रीलंका क्रिकेट बोर्डाने फर्नांडोबद्दल माहिती देताना सांगितले की, ‘फर्नांडोच्या डाव्या गुडघ्याला  15 जुलै रोजी सराव करताना दुखापत झाली. त्याला लिगामेंटचा त्रास आहे. त्यामुळे भारताविरुद्धच्या वनडे सीरीजमध्ये तो खेळू शकणार नाही.’

View this post on Instagram

A post shared by ICC (@icc)

भारतीय विरुद्ध श्रीलंका

भारत आणि श्रीलंका यांच्यात मर्यादीत षटकांचे सामने पार पडणार आहेत. ज्यामध्ये तीन एकदिवसीय आणि तीन टी-20 सामन्यांचा समावेश आहे. आधी 13 जुलै रोजी सामन्यांना सुरुवात करण्यात येणार होती. पण कोरोनाच्या संकटामुळे सामने पुढे ढकलण्यात आले आहेत.

सामन्यांचे वेळापत्रक

• पहिला एकदिवसीय सामना – 18 जुलै
• दुसरा एकदिवसीय सामना –  20 जुलै
• तिसरा एकदिवसीय सामना – 23 जुलै
• पहिला टी-20 सामना –  25 जुलै
• दुसरा टी-20 सामना –  27 जुलै
• तिसरा टी-20 सामना –  29 जुलै

हे ही वाचा :

शिखरची बासरी, पृथ्वी शॉचं गाणं, हा सुमधूर व्हिडीओ पाहाच

Video : कुलदीप, चहलची धमाल, दमशेराजमध्ये कोण जिंकलं? तुम्हीच पाहा

IND vs SL : पहिल्या एकदिवसीय सामन्यात ‘हा’ सलामीवीर संघाबाहेर, दुखापतीमुळे मुकणार पहिला सामना

(Sri Lankan Key Players Binura Fernando and Kusal Perera out of India Series due to Injuries)