भारतीय A संघ दक्षिण आफ्रिका दौऱ्यासाठी सज्ज, BCCI ने जाहीर केला संघ, उम्रान मलिकला संधी

भारतीय A संघ 23 नोव्हेंबरपासून दक्षिण आफ्रिका दौऱ्यावर जाणार आहे. यावेळी 3 सामन्यांची कसोटी मालिका खेळवली जाणार असून यासाठी भारतीय संघाची घोषणा नुकतीच करण्यात आली आहे.

उम्रान मलिक आणि प्रियांक पांचाल

टीव्ही 9 मराठी डिजीटल टीम | Updated on: Nov 09, 2021 | 11:09 PM

मुंबई: आगामी काही महिन्यात भारतीय संघाच वेळापत्रक अगदी व्यस्त असणार आहे. विविध असे चार देश भारताच्या दौऱ्यावर येणार आहेत. दरम्यान भारताचा A संघ या महिन्याखेरीस दक्षिण आफ्रिकेच्या दौऱ्यावर जाणार आहे. या दौऱ्यासाठी भारतीय संघाची घोषणा नुकतीच भारतीय क्रिकेट नियामक (BCCI) मंडळाने केली आहे. यावेळी सर्व युवा खेळाडूंना संधी देण्यात आली आहे.

NEWS – India’s squad for T20Is against New Zealand & India ‘A’ squad for South Africa tour announced.@ImRo45 named the T20I Captain for India.

More details here – https://t.co/lt1airxgZS #TeamIndia pic.twitter.com/nqJFWhkuSB

— BCCI (@BCCI) November 9, 2021

इंडिया-A संघासाठी 14 खेळाडूंची निवड करण्यात आली आसून गुजरातच्या प्रियांक पांचाल याला कर्णधारपद सोपवण्यात आलं आहे. तर जम्मू-काश्मीरचा वेगवान गोलंदाज उम्रान मलिक याला आयपीएलमधील वेगवान गोलंदाजीमुळे या दौऱ्यात संधी मिळाली आहे. उम्रानने आयपीएलमध्ये यंदाच्या हंगामातील सर्वात वेगवान चेंडू फेकला आहे.

दक्षिण आफ्रीका दौऱ्यासाठी भारतीय A संघ– प्रियांक पांचाल (कर्णधार), पृथ्वी शॉ, अभिमन्यु ईश्वरन, देवदत्त पडिक्कल, सरफराज खान, बाबा अपराजित, उपेंद्र यादव (यष्टीरक्षक), कृष्णप्पा गौतम, राहुल चाहर, सौरभ कुमार, नवदीप सैनी, उम्रान मलिक, इशान पोरेल आणि अरजान नावासवाला

Here’s the 1⃣4⃣-man India ‘A’ squad for the South Africa tour ? pic.twitter.com/xc5tBNigjo

— BCCI (@BCCI) November 9, 2021

कोण आहे प्रियांक पांचाल?

या दौऱ्यात कर्णधारपद सोपवण्यात आलेला प्रियांक पांचाल कोण आहे. याबद्दल अनेकांना माहिती नाही. तर 31 वर्षीय प्रियांक हा मूळचा गुजरातचा असून तो एक उत्कृष्ट फलंदाज आहे. त्याने 98 प्रथम श्रेणी सामन्यात 6 हजार 891 धावा केल्या आहेत. यावेळी त्याने 45.63 च्या सरासरीने 24 शतकं ठोकली आहेत. याशिवाय लिस्ट ए सामन्यात प्रियांकने 40.19 च्या सरासरीने 2 हजार 854 धावाही केल्या आहेत.