कोहली असं काय म्हणाला की, सूर्यकुमार यादवने सुरु केली धडाकेबाज बॅटिंग
अक्षर पटेल आणि सूर्यकुमार यादव यांनी अफगाणिस्तानविरुद्ध भारताच्या विजयानंतर संभाषण केले. यादरम्यान विराट कोहली १० व्या ओव्हरदरम्यान काय म्हणाला असं अक्षर पटेलने त्याला विचारलं असता त्याने काय म्हटलं पाहा.
टीम इंडियाचा स्टार फलंदाज सूर्यकुमार यादवने टी-20 विश्वचषकात अफगाणिस्तानविरुद्ध चांगली कामगिरी केली. एकीकडे विकट जात असताना त्याने एक बाजु धरुन ठेवली. टॉस जिंकत रोहित शर्माने फलंदाजीचा निर्णय घेतल्याने भारताच्या डावाची सुरुवात खराब झाली. कर्णधार रोहित शर्मा 8 रनवर बाद झाला, तर विराट कोहली देखील 24 धावाच करु शकला. रशीद खानने त्याची विकेट घेतली. सूर्यकुमार यादवने आपली आक्रमक खेळी खेळली. अवघ्या 27 चेंडूत आपले अर्धशतक पूर्ण केले. त्याने केलेल्या धावाने भारताच्या विजयात मोलाची भूमिका बजावली.
सामन्यानंतर, बीसीसीआयने सूर्यकुमार आणि अष्टपैलू अक्षर पटेल यांच्यातील संभाषण कॅप्चर करणारा एक व्हिडिओ शेअर केलाय, ज्यामध्ये त्यांनी केलेल्या कामगिरी प्रतिबिंबित होत आहे. अक्षरने या सामन्यादरम्यान एक मनोरंजक क्षण सांगितला जिथे कोहली 10व्या षटकाच्या ब्रेकनंतर सूर्यकुमारला फलंदाजीचा सल्ला देताना दिसला. सूर्यकुमारने आक्रमक खेळी केल्याने भारतीय संघाला यश मिळाले.
“आम्हाला 10 व्या षटकात ब्रेक मिळाला आणि मी विराट भाईला काहीतरी बोलताना ऐकले. ते काय होते? कारण तुम्ही परत (फील्डवर) जाताच, तुम्ही स्लॉग-स्वीप आणि सर्व मारायला सुरुवात केली!” अक्षर पटेल याने त्याला विचारले. सूर्यकुमारने याउलट उत्तर दिले की भारतीय डावाची सुस्त सुरुवात केल्यानंतर त्याला गती वाढवायची होती म्हणून त्याने आक्रमक मार्ग स्वीकारला.
“वास्तविक, या विकेटवर 160 हा पार-स्कोअर दिसत होता. सुरुवातीला फलंदाजी करणे कठीण होते. पण नंतर, मला वाटले की ब्रेकनंतर जर मी जोरदार गतीने सुरुवात केली आणि दोन चौकार मारले तर आमच्यासाठी आणि नवीन फलंदाजांनाही ते सोपे होईल.
अक्षर हसत हसत म्हणाला, “याचा अर्थ तुम्ही विराट भाऊला बडबडले!”
सूर्यकुमार हसत म्हणाला, “नाही, नाही, मी बडबड केली नाही!
या फलंदाजाचे हे सलग दुसरे अर्धशतक होते; त्याच्या मागील डावात, त्याने 49 चेंडूत नाबाद 50 धावा केल्या आणि भारताला अमेरिकेविरुद्ध 111 धावांचे आव्हान सात विकेट्सने जिंकून दिले. या निकालामुळे स्पर्धेतील सुपर एटमध्ये भारताच्या प्रवेशावर शिक्कामोर्तब झाले.
Banter, insights and more 😎
Post-win conversations with Player of the Match Suryakumar Yadav and all-rounder Axar Patel 🥳 – By @RajalArora
WATCH 🎥 🔽 #TeamIndia | #T20WorldCup | #AFGvIND | @surya_14kumar | @akshar2026
— BCCI (@BCCI) June 21, 2024
भारताचा पुढील सामना बांगलादेशसोबत
भारताचे पुढील आव्हान बांगलादेशशी असणार आहे. शुक्रवारी पहिल्या सुपर आठ सामन्यात ऑस्ट्रेलियाकडून पराभवाचा सामना करावा लागला. भारताने याआधी गेल्या महिन्यात स्पर्धेच्या सराव सामन्यात बांगलादेशचा सामना केला होता, जिथे रोहित शर्माच्या टीमने 60 धावांनी विजय नोंदवला होता.
