Ind vs NZ : पहिल्या दिवसाचा खेळ रद्द् झाल्यावर, खेळाडू रंगले ‘या’ खेळात, पाहा व्हिडीओ

r ashwin

साऊथॅम्प्टन : संपूर्ण क्रिकेट जगत वाट पाहत असलेल्या जागतिक कसोटी अजिंक्यपद स्पर्धेचा अंतिम सामन्यात (WTC Final 2021) पहिल्याच दिवशी पावसाने खोडा घातला. महिनाभरापासून संपूर्ण तयारी झालेल्या भारत आणि न्यूझीलंड (India vs New Zealand) यांच्यातील सामन्याचा एक बॉलही पहिल्या दिवशी खेळला गेला नाही. पावसामुळे साधा टॉसही घेता आला नाही. संपूर्ण साऊथॅम्प्टनच्या (Southampton) मैदानावर पाणी साचल्याने सामन्याचा पहिला दिवसाचा खेळ रद्द झाला. त्यामुळे मैदानावर पाणी साचल्याने खेळाडूंना सरावही करता आला नाही. ज्यामुळे भारतीय क्रिकेटपटूंनी थेट एक इनडोअर गेम खेळायला सुरुवात केली. (WTC Final 2021 India vs New Zealand play Abandoned Due To Rain Then Indian Players Played Game of Dart in Southampton)

पावसामुळे सामन्याचा पहिल्या दिवशीचा खेळ रद्द झाल्यामुळे टीम इंडियाने डार्ट गेम (Game of Dart) खेळायला सुरुवात केली. बीसीसीआयने (BCCI) खेळाडूंचा खेळतानाचा व्हिडिओही ट्विट केला आहे. या व्हिडीओमध्ये भारतीय खेळाडूंसह सपोर्ट स्टाफही खेळताना दिसतो आहे. ज्यात भारताचा फिरकीपटू रवीचंद्रन आश्विन (R Ashwin) सर्वात जास्त उत्साहाने खेळताना दिसतो आहे.

शनिवारी आणि रविवारीही पावसाचा अंदाज

येणाऱ्या चार दिवसांत दररोज 98 षटके खेळली जातील अशी माहिती कळतीय. यानंतर उर्वरित षटके राखीव दिवसाच्या दिवशी पूर्ण होतील. तथापि, साउथॅम्प्टनमध्ये पुढचे चारही दिवस पाऊस सुरु राहण्याचा अंदाज आहे. हवामान खात्याच्या म्हणण्यानुसार पुढच्या तीन ते तार दिवसांत सतत पाऊस पडेल. अशा परिस्थितीत सामन्याच्या निकालाबाबत शंका आहे.

हे ही वाचा :

WTC Final 2021 | पहिल्या दिवशी पावसाचा खोडा, खेळ रद्द, उद्या 98 षटकं खेळवणार

WTC अंतिम सामन्यात भारताची बॅटिंग ऑर्डर कशी असेल? याअगोदर साऊथॅम्प्टन कुणाची कामगिरी कशी?

WTC 2021 : 2019 वर्ल्ड कप सेमी फायनलचा बदला घेणार का टीम इंडिया?, पाहा काय घडलं होतं त्या दिवशी..!

(WTC Final 2021 India vs New Zealand play Abandoned Due To Rain Then Indian Players Played Game of Dart in Southampton)