Tokyo Olympics 2021 : दीपिका आणि प्रवीणकडून भारताला पदक मिळण्याच्या आशा पल्लवित, तिरंदाजी मिक्स्ड टीमच्या उपांत्यपूर्व फेरीत भारत

Tokyo Olympics 20-2021 : जपानच्या टोक्यो शहरात सुरु असलेल्या ऑलिम्पिक खेळांमध्ये जगात नंबर एकला असणारी भारतीय महिला तिरंदाज दीपिका कुमारीने (Deepika Kumari) मराठमोळ्या प्रवीण जाधवसोबत (Pravin Jadhav) मिळून तिरंदाजी स्पर्धेत भारताला पदक मिळवून देण्याच्या आशा आणखी पल्ल्वीत केल्या आहेत. दोघांनी मिक्स्ड टीम इव्हेंटच्या राउंड ऑफ 16 मध्ये यश मिळवत उपांत्यपूर्व फेरीत जागा मिळवली आहे. विशेष म्हणजे आधी स्पर्धेत पिछाडीवर असताना दोघांनी बाउन्स बॅक करत हे यश मिळवलं आहे.

8 सेटच्या सामन्यात चीनी ताइपेची जोडी भारतीय जोडीवर 3-1 ने पुढे होती. पण त्यानंतर दीपिका आणि प्रवीणने कमबॅक करत विजय मिळवला. दोघांनी प्रतिस्पर्ध्यांना एकही सेट जिंकू दिला नाही. संपूर्ण सामन्यावर स्वत:चे वर्चस्व प्रस्थिपित करत सामना 5-3 च्या फरकाने आपल्या नावे केला.

?? Mixed recurve archery pair of @ImDeepikaK and @pravinarcher advances to QFs and will play against South Korean ?? pair of An San and Kim Je Deok at 11:04 AM (IST) , today. #Cheer4India ????@PMOIndia @ianuragthakur @NisithPramanik @WeAreTeamIndia @indian_archery pic.twitter.com/ZADw0cwcz9

— Dept of Sports MYAS (@IndiaSports) July 24, 2021

पहिल्यांदाच दीपिका प्रवीणची जोडी एकत्र

आंतरराष्ट्रीय स्पर्धेमध्ये पहिल्यांदाच दीपिका आणि प्रवीण एकत्र मैदानात उतरले आहेत. याआधी प्रत्येक इव्हेंटमध्ये दीपिका ही तिचा नवरा आणि भारतीय तिरंदा अतानुसोबतच स्पर्धेत उतरत होती. मात्र टोक्यो ऑलम्पिक्समध्ये पुरुष राउंडमध्ये प्रवीणने अतानुपेक्षा चांगली कामगिरी केल्याने त्याला दीपिकाचा जोडीदार म्हणून मिक्स्ड टीम इव्हेंटमध्ये उतरवण्यात आलं. उपांत्यपूर्व फेरीत दीपिका आणि प्रवीणची टक्कर कोरियन संघासोबत होईल.

हे ही वाचा :

Tokyo Olympics 2020 Live : मनिका-शरत जोडी पहिल्याच राऊंडमध्ये बाहेर, 10 मीटर एअर पिस्टल स्पर्धा सुरु

Tokyo Olympics 2021 : 24 जुलै भारतासाठी यंदाच्या ऑलिम्पिकमधील महत्त्वाचा दिवस, ‘हे’ आहे कारण

(Tokyo Olympics Matches Indian Archer deepika kumari and praveen reached in quarters at mixed team event)