Airtel Vs JioFiber Vs BSNL: 50Mbps स्पीडसह 500 रुपयांपेक्षा स्वस्त ब्रॉडबँड प्लॅन, जाणून घ्या बेस्ट ऑप्शन्स

इंटरनेट सर्व्हिस प्रोव्हायडर (ISPs) जसे की Airtel XStream, JioFiber आणि BSNL Bharat 500 रुपयांपेक्षा कमी किमतीत ब्रॉडबँडसह इतर प्लॅन्स ऑफर करत आहेत.

प्रातिनिधिक फोटो

टीव्ही 9 मराठी डिजीटल टीम | Updated on: Dec 26, 2021 | 6:30 AM

मुंबई : इंटरनेट सर्व्हिस प्रोव्हायडर (ISPs) जसे की Airtel XStream, JioFiber आणि BSNL Bharat 500 रुपयांपेक्षा कमी किमतीत ब्रॉडबँडसह इतर प्लॅन्स ऑफर करत आहेत. हे एंट्री-लेव्हल ब्रॉडबँड प्लॅन्स अॅप-स्पेशल स्ट्रीमिंगसह येतात, त्यापैकी काही OTT लाभांसह येत नाहीत. (Airtel, JioFiber, BSNL Broadband plan with 50Mbps internet speed under 500 rupees)

बहुतेक प्लॅन कॉलिंग बेनेफिट्ससह येतात. काही ISP मासिक आधारावर मेंबरशिप घेण्यासाठी 500 रुपयांपेक्षा स्वस्तात बेसिक स्कीम्सचादेखील अॅक्सेस देत नाहीत, परंतु सेमी-अॅन्युअल किंवा वार्षिक आधारावर मेंबरशिप घेतली तर 500 रुपयांपेक्षा कमी खर्चात चांगले प्लॅन्स मिळतात. त्यामुळे आज आम्ही तुम्हाला इंटरनेट सर्व्हिस प्रोव्हायडर कंपन्यांच्या एंट्री लेव्हल ब्रॉडबँड स्कीम्सबद्दल माहिती देत आहोत.

JioFiber : 399 रुपयांचा ब्रॉडबँड प्लान

हा प्लॅन 30Mbps स्पीडसह अनलिमिटेड इंटरनेट ऑफर करतो. हा प्लॅन कोणत्याही OTT सबस्क्रिप्शनसह येत नाही परंतु यात अनलिमिटेड कॉलिंग सुविधा मिळते.

एयरटेल एक्सस्ट्रीम फायबरचा 499 रुपयांचा ब्रॉडबँड प्लॅन

एअरटेल अनलिमिटेड ब्रॉडबँड प्लॅन 499 रुपयांमध्ये दिला जात आहे. या ब्रॉडबँड प्लॅनमध्ये 40 Mbps स्पीडसह अनलिमिटेड इंटरनेट आणि एअरटेल एक्सस्ट्रीम, विंक म्युझिक आणि शॉ अकादमीची मेंबरशिप मिळते. Airtel Xstream मेंबरशिपद्वारे Voot Basic, Eros Now, Hungama Play, Shemaroo M आणि Ultra चा अॅक्सेस मिळतो.

BSNL भारत फायबरचा 449 रुपयांचा ब्रॉडबँड प्लॅन

या प्लॅनला फायबर बेसिक प्लॅन असेही म्हणतात. या अंतर्गत, 3 टीबी स्पीड किंवा 3300 जीबी एफयूपी लिमिटपर्यंत 30 एमबीपीएसची स्पीड ऑफर केली जात आहे. FUP लिमिट संपल्यानंतर, 2Mbps पर्यंत स्पीड मिळेल. या प्लॅनची निवड करणाऱ्या ग्राहकांना भारतातील कोणत्याही नेटवर्कवर अनलिमिटेड व्हॉईस कॉलिंग सुविधा मिळेल.