Electric Car : सिंगल चार्जवर 500 किमीपेक्षा जास्त ड्रायव्हिंग रेंज…किआची इलेक्ट्रिक कार लवकरच होणार लाँच
किआची इलेक्ट्रिक कार प्रीमिअम फीचर्स आणि जबरदस्त लूकसह ग्राहकांच्या भेटीला येणार आहे. ही कार दोन व्हेरिएंटमध्ये दाखल करण्यात येणार आहे. यातील टॉप व्हेरिएंटची ड्रायव्हिंग रेंज 500 किमीपेक्षा अधिक असणार आहे.
मुंबई : किआने मागील आठवड्यातच आपली अपकमिंग ईव्हीच्या बुकिंगला सुरुवात केली होती. आता कंपनी भारतात आपली पहिली इलेक्ट्रिक कार लाँच करणार आहे. या कारची बुकिंग अमाउंट 3 लाख रुपये ठेवण्यात आली होती. या कारमध्ये अनेक नवीन फीचर्स (Features) देण्यात आलेले आहेत. किआची ही इलेक्ट्रिक कार (Electric car) प्रीमिअम फीचर्स आणि जबरदस्त लूकसह ग्राहकांच्या भेटीला येणार आहे. ही कार दोन व्हेरिएंटमध्ये दाखल करण्यात येणार आहे. यातील टॉप व्हेरिएंटची ड्रायव्हिंग रेंज 500 किमीपेक्षा अधिक असणार आहे. या कारमध्ये नोएडा ते लखनउ अवघ्या सिंगल चार्जवर जाण्याची क्षमता आहे. दरम्यान, किआ ईव्ही 6 (kia ev 6) एक क्रोओव्हर बॉडी टाइप कार आहे. भारतामध्ये ही कंपनीची पाचवी कार ठरणार आहे. यात, पहिली सेल्टोस, कार्निवल, सोनेट आणि कॅरेंस आदींचा समावेश आहे. आता कोरियन कंपनी आपली पाहिली ईव्ही कार बाजारात उतरवत आहे. किआ भारताच्या आधी जागतिक बाजारात ही नवीन कार लाँच करणार असल्याची माहिती आहे.
किआ ईव्ही 6 चा या कार्सशी स्पर्धा
किआ ईव्ही 6 इलेक्ट्रिक क्रोसओव्हर कारची स्पर्धा अनेक नवीन कार्सशी होणार आहे. या कारमध्ये वोल्वो एक्ससी 40 रिचार्ज आणि ह्युंडाई आईओनिक 5 अशा प्रीमिअम सेगमेंटच्या ईव्ही कार्सचा समावेश आहे.
भारतात केवळ 100 युनिट्ची विक्री ?
किआ ईव्ही 6 ला भारतात पूर्णपणे बिल्ट युनिटस रुट्‌सच्या माध्यमातून विक्री करण्यात येणार आहे. कंपनी भारतामध्ये या कारला मर्यादीत स्वरुपात विक्री करणार असल्याची माहिती आहे. एका रिपोर्टनुसार, कंपनी भारतात या कारचे केवळ 100 युनिट्ची विक्री करणार असल्याची माहिती आहे. परंतु अद्याप या वृत्ताला कंपनीकडून दुजोरा देण्यात आलेला नाही.
दोन व्हेरिएंटमध्ये होणार दाखल
किआ ईव्ही 6 भारतात दोन व्हेरिएंटमध्ये दाखल होणार आहे. ज्यांचे नाव जीटी आणि जीटी लाइन एडब्ल्यूडी व्हर्जन असणार आहे. जीटी व्हर्जनच्या मदतीने युजर्स 229 एचपीची पावर जनरेट करु शकेल. तर 350 एनएमचा पीक टार्क जनरेट करता येणार आहे. दुसरीकडे जीटी लाइन एडब्ल्यूडी व्हर्जन अधिक पॉवरफूल असणार आहे. यात 347 एचपीची पॉवर आणि 605 एनएमचा पीक टार्क जनरेट करता येणार आहे.
