Vodafone Idea चे नवीन प्रीपेड प्लॅन्स लाँच, Airtel, Jio ला टक्कर, जाणून घ्या बेनेफिट्स

Vodafone Idea New Prepaid Plans : भारतातील आघाडीची दूरसंचार कंपनी व्होडाफोन आयडियाने (Vodafone Idea -VI) अलीकडेच त्यांच्या प्रीपेड प्लॅन्सच्या किंमतीत वाढ केली आहे. ज्यानंतर VI चे प्रीपेड प्लॅन खूप महाग झाले आहेत.

Vodafone Idea

टीव्ही 9 मराठी डिजीटल टीम | Updated on: Dec 16, 2021 | 11:56 PM

Vodafone Idea New Prepaid Plans : भारतातील आघाडीची दूरसंचार कंपनी व्होडाफोन आयडियाने (Vodafone Idea -VI) अलीकडेच त्यांच्या प्रीपेड प्लॅन्सच्या किंमतीत वाढ केली आहे. ज्यानंतर VI चे प्रीपेड प्लॅन खूप महाग झाले आहेत. डेटा आणि व्हॉईस कॉलिंगसाठी युजर्सला खूप पैसे खर्च करावे लागणार आहेत. दर महिन्याला रिचार्ज केल्याने वापरकर्त्यांच्या खिशावरही मोठा परिणाम होत आहे. दरम्यान, आपल्या ग्राहकांना दिलासा देण्यासाठी, Vodafone Idea ने 155 रुपये, 239 रुपये, 666 रुपये आणि 699 रुपयांचे नवीन प्रीपेड प्लॅन सादर केले आहेत. (Vi New Prepaid plans Launched at price 155, 239, 666 and 699 rupees)

नवीन प्लॅन्स वेबसाइटवर तसेच मोबाइल अॅपवर लाईव्ह आहेत आणि युजर्स सहज रिचार्ज करु शकतात. 155 रुपये आणि 239 रुपयांचे प्लॅन त्या युजर्सना दिलासा देणारे आहेत जे Vi कडून 250 रुपयांपेक्षा कमी किंमतीचा प्लॅन शोधत आहेत. टॅरिफ वाढीनंतर, Vi चे लोकप्रिय लो-एंड प्लॅन्स महाग झाले आहेत आणि युजर्सकडे निवडण्यासाठी कमी पर्याय उपलब्ध आहेत.

व्होडाफोन आयडियाच्या नवीन प्लॅन्समध्ये अनेक फायदे

VI चा 155 रुपयांचा प्रीपेड प्लॅन

Vi च्या 155 रुपयांच्या प्लॅन अंतर्गत, युजर्सना 24 दिवसांच्या वैधतेसह 1GB डेटा, अनलिमिटेड व्हॉइस कॉलिंग आणि 300 SMS मिळतात.

VI चा 239 रुपयांचा प्रीपेड प्लॅन

Vi च्या 239 रुपयांच्या प्लॅन अंतर्गत, युजर्सना 24 दिवसांच्या वैधतेसह प्रतिदिन 1GB डेटा मिळेल. तसेच यात युजर्सना अनलिमिटेड व्हॉइस कॉलिंग आणि दररोज 100 एसएमएस देखील मिळतील.

VI चा 666 रुपयांचा प्रीपेड प्लॅन

Vi च्या 666 रुपयांच्या नवीन प्रीपेड प्लॅनमध्ये युजर्सना 77 दिवसांच्या कालावधीसाठी दररोज 1.5GB डेटा, अनलिमिटेड कॉलिंग आणि दररोज 100 SMS मिळतात. प्लॅनमध्ये समाविष्ट असलेल्या अतिरिक्त बेनिफिट्समध्ये Bing ऑल नाईट, डेटा डिलाइट ऑफर, वीकेंड डेटा रोलओव्हर आणि Vi Movies आणि TV वर फ्री अॅक्सेसचा समावेश आहे.