Viral: दीवच्या बीचवर पॅरासेलिंग करणं जोडप्याला भोवलं, कधीही न विसरता येणारा अपघात

व्हायरल होत असलेल्या व्हिडिओमध्ये तुम्ही पाहू शकता की, एक जोडपं पॅरासेलिंग राईडचा आनंद लुटण्यासाठी निघालं होतं, यादरम्यान त्यांच्यासोबत झालेल्या अपघातामुळे त्यांना एका भीषण अपघाताचा सामना करावा लागला

पॅरासेलिंग करणं जोडप्याच्या जीवावर

टीव्ही 9 मराठी डिजीटल टीम | Updated on: Nov 20, 2021 | 5:43 PM

आजच्या काळात अॅडव्हेंचर कुणाला आवडत नाही? जेव्हा लोक फिरायला जातात, तेव्हा ते काहीतरी अॅडव्हेंचर्स करतातच, पण कधीकधी साहसाची क्रेझ काही लोकांसाठी मृत्यूचे कारणही बनते. असाच एक व्हिडिओ अलीकडच्या काळात सोशल मीडियावर व्हायरल होत आहे. ज्यामध्ये एका जोडप्याने साहस अनुभवण्यासाठी पॅरासेलिंग करण्याचा निर्णय घेतला, पण त्यांच्यासोबत असं काही घडले की हे सगळं अॅडव्हेंचर त्यांच्या जीवावर आलं. (Accident Video of parasailing Viral video of couple enjoying parasailing in diu suddenly rope snaps from boat both fall in sea)

व्हायरल होत असलेल्या व्हिडिओमध्ये तुम्ही पाहू शकता की, एक जोडपं पॅरासेलिंग राईडचा आनंद लुटण्यासाठी निघालं होतं, यादरम्यान त्यांच्यासोबत झालेल्या अपघातामुळे त्यांना एका भीषण अपघाताचा सामना करावा लागला, जो ते कधीही विसरणार नाहीत. हे जोडपं आयुष्यभर हा अपघात विसरू शकणार नाहीत.

मीडिया रिपोर्ट्सनुसार, आरोग्य कर्मचारी अजित काथड आणि त्यांची पत्नी सरला रविवारी सकाळी पॅरासेलिंगसाठी दीवच्या नागोवा बीचवर पोहोचले होते. समुद्रात धावणाऱ्या मोटार बोटीतून पॅराशूटवर दोघेही आकाशात उड्डाण करत पॅरासेलिंगचा आनंद घेत होते. त्यानंतर अचानक मोटार बोटीला बांधलेली दोरी तुटली आणि दोघेही समुद्रात पडले. पॅराशूटची दोरी तुटून दोघेही पाण्यात पडल्याचे त्यांना काही सेकंदही कळले नाही.

व्हिडीओ पाहा

@VisitDiu @DiuTourismUT @DiuDistrict @VisitDNHandDD Parasailing Accident, Safety measures in India, and they said very rudely that this is not our responsibility. Such things happens. Their response was absolutely pathetic.#safety #diu #fun #diutourism #accident pic.twitter.com/doN4vRNdO8

— Rahul Dharecha (@RahulDharecha) November 14, 2021

@RahulDharecha नावाच्या अकाऊंटवरून हा धक्कादायक व्हिडिओ ट्विटरवर शेअर करण्यात आला आहे. बातमी लिहेपर्यंत या व्हिडिओला 20 हजारांहून अधिक व्ह्यूज मिळाले आहेत. व्हिडिओ पाहिल्यानंतर तुम्ही क्षणभर घाबरले असाल, लोक ही व्हिडिओ क्लिप एकमेकांसोबत शेअर करत आहेतच पण त्यावर वेगवेगळ्या प्रकारच्या कमेंट्स आणि प्रतिक्रियाही देत आहेत. एका यूजरने म्हटले की, ‘हा व्हिडिओ पाहिल्यानंतर मी पॅरासेलिंग सोडून दिले.’ तर दुसऱ्या यूजरने लिहिले, ‘हा व्हिडिओ पाहिल्यानंतर मी क्षणभर घाबरलो.’ तुमच्या माहितीसाठी आम्ही तुम्हाला सांगतो की, नुकतेच मध्य प्रदेशातील खंडवा येथे हनुवंतिया बेटावर पॅराग्लायडिंगची दोरी तुटल्याने इव्हेंट कंपनीच्या 2 जणांचा दुर्दैवी मृत्यू झाला.

हेही पाहा: