जिच्यावर जिवापाड प्रेम केलं, तिचा अपघात, कोमात असताना विवाह, ब्रिटनमधली अनोखी प्रेमकहाणी

अपघातानंतर पीडित तरुणीला जखमी अवस्थेत रुग्णालयात दाखल केले असता, त्या व्यक्तीने डॉक्टरांची विनवणी करून तिथेच तिच्याशी लग्न केले. त्याला आपल्या मैत्रिणीला पत्नीच्या रुपात बघायचे होतं.

ग्रेग पीटर आणि एण्णा लेगरचा आधीचा फोटो

टीव्ही 9 मराठी डिजीटल टीम | Updated on: Oct 23, 2021 | 5:54 PM

ब्रिटनमध्ये एका व्यक्तीच्या गर्लफ्रेंडचा कार अपघातात मृत्यू झाला. त्या व्यक्तीने आपल्या मैत्रिणीशी लग्न करण्याचे वचन दिले होते. पण त्याआधी ती मुलगी एका वेदनादायक अपघाताची शिकार झाली. अपघातानंतर पीडित तरुणीला जखमी अवस्थेत रुग्णालयात दाखल केले असता, त्या व्यक्तीने डॉक्टरांची विनवणी करून तिथेच तिच्याशी लग्न केले. त्याला आपल्या मैत्रिणीला पत्नीच्या रुपात बघायचे होतं. (boyfriend married to girlfriend before she died in hospital couple got married in icu last promise complete)

‘द सन यूके’ च्या अहवालानुसार, 34 वर्षीय जिम व्यवस्थापक ग्रेग पीटर्स आणि 28 वर्षीय एण्णा लेडगर एकमेकांच्या खूप प्रेमात होते. दोघे फक्त 18 महिन्यांपूर्वी भेटले, परंतु एकमेकांच्या अगदी जवळ आले होते. ते लग्नाचे नियोजन करत होते. दोघांच्या कुटुंबीयांनीही सहमती दर्शवली. पण एका अपघाताने सगळंच बदलून गेलं.

कार अपघातानंतर मैत्रीण रुग्णालयात पोहोचली

एक दिवस नोकरीवरून येत असताना अण्णा लेगरची कार दुसऱ्या वाहनाला धडकली. हा अपघात इतका भीषण होता की एण्णांच्या अंगावर अनेक गंभीर जखमा झाल्या होत्या. त्याला रुग्णालयात नेण्यात आले. जिथे बॉयफ्रेंड ग्रेग पीटर्ससह कुटुंबही उपस्थित होते. प्रत्येकजण तिच्या कल्याणासाठी प्रार्थना करत होतं.

डॉक्टरांनी सांगितले की, एण्णाला आयसीयूमध्ये हलवावे लागेल, तिची प्रकृती खालावत होती. एण्णा कोमात गेली हे कळाल्यानंतर ग्रेग खूप अस्वस्थ झाला, त्याला एण्णांला गमवायचं नव्हतं. ग्रेगला तिला पत्नी म्हणून बघायचं होतं. जेणेकरून एण्णा पत्नीच्या रूपात त्यांच्या आठवणींमध्ये कैद राहिल.

ICU मध्ये लग्न!

ग्रेगने डॉक्टरांकडे विनवणी केली, पण त्यांनी नकार दिला. शेवटी, ग्रेगचे प्रेम आणि मनःस्थिती पाहून त्यांनी सहमती दिली. एण्णा आणि त्याच्या कुटुंबीयांच्या उपस्थितीत, ग्रेगने आपल्या मैत्रिणीला अंगठी घालून तिला आपली पत्नी बनवलं. काही काळानंतर एण्णांचा मृत्यू झाला. कुटुंबीयांच्या संमतीने तिचे काही अवयव दान करण्यात आले. ज्यातून 6 लोकांना नवीन जीवन मिळाले.

हेही वाचा: