Video: जगातील पहिली मांजर शेफ, भन्नाट रेसिपी पाहून चांगले चांगले गार, नेटकरी म्हणाले, ‘बाई, तूच काय ती सुगरण!’

एका इन्स्टाग्राम अकाऊंटवरुन हा व्हिडीओ पोस्ट करण्यात आला आहे. आता आपण ज्या मांजरीबद्दल बोलत आहोत ती खूप लोकप्रिय आहे. कारण, ती फक्त एक सामान्य मांजर नाही, तर एक शेफ आहे,

या व्हिडीओंमध्ये ही मांजर काही ना काही बनवताना दिसते, मांजरीचा पेहरावही कुणाही शेफला लाजवेल असाच आहे.

टीव्ही 9 मराठी डिजीटल टीम | Updated on: Oct 04, 2021 | 6:54 PM

इंटरनेटवर तुम्हाला मांजरींचे व्हिडीओ पाहायला मिळतील. बऱ्याच लोकांना मांजरींचे असे मजेदार आणि मनोरंजक व्हिडिओ पाहायला आवडतात, आता असाच एक मांजरीचा व्हिडीओ व्हायरल झाला आहे, जो नेटकऱ्यांना भलताच आवडलेला दिसतो आहे. बऱ्याच लोकांना प्राण्यांचे व्हिडीओ टाकण्यासाठी सोशल मीडियावर त्यांचे अकाऊंट उघडले आहे, अशाच एका इन्स्टाग्राम अकाऊंटवरुन हा व्हिडीओ पोस्ट करण्यात आला आहे. आता आपण ज्या मांजरीबद्दल बोलत आहोत ती खूप लोकप्रिय आहे. कारण, ती फक्त एक सामान्य मांजर नाही, तर एक शेफ आहे, हो. कदाचित तुम्हाला हे वाचून आश्चर्य वाटलं असेल, पण या मांजरीचे व्हिडीओ पाहिल्यानंतर तुम्हाला तिच्या पाककलेची आठवण येईल. ( chef-cat-shows-how-to-make-delicious-food-watch-videos-here )

सोशल मीडिया प्लॅटफॉर्म इन्स्टाग्राम अकाउंटवर thatlittlepuff नावाचं एक पेज आहे, ज्यावर असे मांजरींचे असे अनेक व्हिडीओ पोस्ट केलेले तुम्हाला पाहायला मिळतील. या व्हिडीओंमध्ये ही मांजर काही ना काही बनवताना दिसते, मांजरीचा पेहरावही कुणाही शेफला लाजवेल असाच आहे. आणि डोळ्यांबद्दलच तर विचारुच नका, एकदम अथांग समुद्राचा भास व्हावा असे निळेशार. ही पहिली फूट ब्लॉगर मांजर आहे. जी स्वत: सगळं काही बनवते.

पाहा व्हिडीओ:

View this post on Instagram

A post shared by That Little Puff (@thatlittlepuff)

अजून एक गोष्ट, व्हिडीओ पाहून तुम्हाला वाटू शकतं हे मांजरीने बनवलं आहे. पण हे मांजरीने बनवलेलं नाही तर माणसानेंच बनवलं आहे, मनोरंजनाच्या उद्देशाने हे मांजरीला तिथं बसवून ते मांजरीने बनवलं आहे, असं भासवण्यात आलं आहे. मात्र असं असलं तरी हे व्हिडीओ इतके क्युट आहेत, की मांजरप्रेमींना ते फार आवडत आहेत.

तुमच्या माहितीसाठी, जगभरात या मांजरांची खूप मोठी फॅन फॉलोइंग आहे. 1 दशलक्षाहून अधिक लोकांना ही मांजर आवडते. मांजरीच्या पेजवर सुमारे 500 व्हिडिओ आहेत, ज्यात ती फक्त चांगले स्वयंपाक करताना दिसत आहे. कधीकधी मांजरीचे अन्न खूप चांगले होते, तर कधीकधी ते मांजरीचे अन्न खराब होते. हे मांजरीच्या बहुतेक व्हिडिओंमध्ये पाहिले जाऊ शकते, ती शेफसारखी तयार बसून काळजीपूर्वक आपले काम करत आहे.

हेही पाहा: