मुंबईत धावत्या स्कूटरवर कपलचा रोमान्स, मुलगी उठून थेट बॉयफ्रेंडच्या… Video पाहूनच सटकेल

मुंबई : जगात असे बरेच लोक आहेत, जे कुठेही विचित्र हरकती सुरु करतात. सध्या मेट्रो आणि ट्रेनमध्ये आक्षेपार्ह कृती करणाऱ्यांची संख्या कमी नाहीय. त्यांचं हे वर्तन पाहिल्यानंतर पारा चढतो. मेट्रो आणि ट्रेन्समध्ये गाण म्हणणं, डान्स करण सामान्य बाब बनली आहे. काही कपल्स रोमान्स करताना दिसतात. आता हा रोमान्स धावत्या बाईकवर सुद्धा चालू झालाय. सध्या अशाच एका कपलचा व्हिडिओ सोशल मीडियावर व्हायरल झालाय. हा व्हिडिओ पाहून लोक संताप व्यक्त करतायत.

या व्हिडिओमध्ये एक जोडप धावत्या स्कूटरवर रोमान्स करताना दिसतय. व्हिडिओमध्ये दिसतय मुलगा स्कूटर चालवतोय आणि मुलगी त्याच्या मांडीवर बसली आहे. दोघांच्या अंगावर एक शाल गुंडाळलेली आहे. दोघांनी वाहतुकीचे नियम सुद्धा मोडले. दोघांपैकी एकानेही हेल्मेट घातलेलं नाही. अशावेळी अपघात झाला, तर काय होईल? याचा विचार करा. कपलचा रस्त्यावरील हा रोमान्स एका प्रवाशाने आपल्या कॅमेऱ्यात कैद केला. हा व्हिडिओ सोशल मीडियावर व्हायरल झालाय. पोलिसांनी या जोडप्यावर कारवाई करावी अशी नेटीझन्सची मागणी आहे. ही घटना मुंबईची आहे.

मुंबईतला हा कुठला व्हिडिओ आहे?

कपलचा हा व्हिडिओ सोशल मीडिया प्लेटफॉर्म X वर पर @bandrabuzz नावाच्या आयडीवरुन शेअर करण्यात आलाय. वांद्रे रेक्लेमेशनचा हा व्हिडिओ असून मुंबई पोलिसांनी रस्ते सुरक्षा सुनिश्चित करावी असं कॅप्शनमध्ये लिहिल आहे.

This daring duo was spotted at Bandra Reclamation, turning heads with their unconventional scooter ride. @MumbaiPolice we kindly request your attention to ensure everyone’s safety on the roads. 🛵 pic.twitter.com/mKrqCILXog

— Bandra Buzz (@bandrabuzz) January 13, 2024

‘त्यांना प्रवासाचा आनंद घेऊ द्या’

अवघ्या 10 सेकंदाचा हा व्हिडिओ आतापर्यंत हजारोवेळा पाहण्यात आला आहे. लोक वेगवेगळ्या प्रतिक्रिया देत आहेत. “त्यांना प्रवासाचा आनंद घेऊ द्या. फक्त नियमाऐवजी कायदा लागू करण्याचा विचार करा” असं एका युजरने लिहिलय. काही युजर्सनी मुंबई पोलिसांनी या कपल विरोधात कारवाई करावी अस म्हटलं आहे.