Video : घरात पडलाय हजारो विंचवांचा खच, व्हीडिओ पाहून डोकं चक्रावून जाईल…
हा 15 सेकंदाचा व्हीडिओ सोशल मीडियावर व्हायरल होत आहे. व्हीडिओमध्ये दिसणारे विंचू ब्राझीलमध्ये आढळणाऱ्या टिटियस सेरुलेटस प्रजातीचे असल्याचं बोललं जातंय.
मुंबई : आपल्या घरात एखादा विंचू (Scorpion) निघाला तर सगळ्यांची घाबरगुंडी उडते. काय करावं कुणाला सुचत नाही. पण घरात जर हजारो विंचू असतील तर… याची कल्पनाही न केलेली बरी. पण सध्या सोशल मीडियावर एका व्हीडिओनं धुमाकुळ घातलाय. व्हायरल झालेल्या व्हीडिओमध्ये (Viral Video) हजारो विंचू जमिनीवर, भिंतीवर आणि घराच्या छतावर दिसत आहेत. हा व्हीडीओ कुठला आहे याबाबत कोणतीही माहिती समोर आलेली नाही. मात्र व्हीडिओ पाहून अनेकांना धक्का बसलाय.
विंचवांचा खच
सध्या सोशल मीडियावर एका व्हीडिओनं धुमाकुळ घातलाय. व्हायरल झालेल्या व्हीडिओमध्ये हजारो विंचू जमिनीवर, भिंतीवर आणि घराच्या छतावर दिसत आहेत. हा व्हीडीओ कुठला आहे याबाबत कोणतीही माहिती समोर आलेली नाही. मात्र व्हीडिओ पाहून अनेकांना धक्का बसलाय.
हा 15 सेकंदाचा व्हीडिओ सोशल मीडियावर व्हायरल होत आहे. व्हीडिओमध्ये दिसणारे विंचू ब्राझीलमध्ये आढळणाऱ्या टिटियस सेरुलेटस प्रजातीचे असल्याचं बोललं जातंय. हे विंचू पार्थेनोजेनिक आहेत. त्यामुळे हा व्हीडिओ ब्राझीलमधला असल्याचं बोललं जातंय.
हा व्हीडिओ oddlyterrifying या अकाऊंटवरून शेअर करण्यात आला आहे. याला आता हजारो लोकांनी पाहिलं आणि लाईक केलंय. तसंच त्यावर दोन हजार लोकांनी कमेंट करत आपली प्रतिक्रिया दिली आहे. एकाने म्हटलंय की, “बापरे! अंगावर काटा आणणारा हा व्हीडिओ आहे.” तर दुसरा म्हणतो, ” हा व्हीडिओ पूर्ण पाहण्याची माझी हिंमत नाही. मला विंचवांची भिती वाटते एवढे सगळे विंचू एकत्र आले कसे?” आणखी एका नेटकऱ्याने म्हटलंय की “हे विंचू अल्ट्राव्हायोलेट प्रकाशात अधिक स्पष्टपणे दिसतात.” अजून एकजण म्हणतो की “हे विंचू चीनचे देखील असू शकतात कारण तिथेच असे विचित्र प्रकार केले जातात. आणखी एका युजरने कमेंट करताना लिहिलंय की, “मला वाटत नाही की हे घर फक्त विंचवांसाठीचं आहे. तिथे विंचू पाळले जात असावेत” नेटकऱ्यांच्या कल्पनाशक्तीला यामुळे चांगलीच चालना मिळाली आहे. पण व्हीडिओने मात्र सर्वांच्या मोबईलमध्ये जागा मिळवलीय.
