शॉपिंग मॉलमध्ये केलं प्रपोज! लव्ह बर्ड्सचा व्हिडीओ व्हायरल
त्यात मुलींची एक भारी अपेक्षा असते ती म्हणजे प्रपोजल! बऱ्याच मुलींची इच्छा असते की आपल्या जोडीदाराने आपल्याला छान पद्धतीने प्रपोज करावं. सरप्राइज द्यावं. छान त्या घटनेची एक मेमरी असावी. मुले करतात सुद्धा तेच.
मुंबई: आयुष्यात एकदा तरी प्रेम करावं असं माणसाला वाटतं आणि प्रेमात आपले सगळे लाड पुरवून घ्यावेत असंही त्या व्यक्तीला वाटत असतं. मग प्रत्येकाच्या अपेक्षेनुसार, प्रत्येकाच्या स्वभावानुसार या नात्याचं स्वरुप बदलत जातं आणि मग त्यानुसार आपल्याला वेगवेगळ्या पद्धतीची नाती बघायला मिळतात. अगदीच बोलायचं झालं तर कुणी आपल्या प्रेमाचा पब्लिक डिस्प्ले करतं कुणी करत नाही. आता रणवीर दीपिका बघा ना, त्यांना पाहिलं की मुलींना असं वाटतं की बास्स असाच नवरा पाहिजे.
मुलींना मुलांना दोघांनाही असं वाटतं की समोरच्याने आपल्यासाठी अमुक-तमुक केलं पाहिजे. त्यात मुलींची एक भारी अपेक्षा असते ती म्हणजे प्रपोजल! बऱ्याच मुलींची इच्छा असते की आपल्या जोडीदाराने आपल्याला छान पद्धतीने प्रपोज करावं. सरप्राइज द्यावं. छान त्या घटनेची एक मेमरी असावी. मुले करतात सुद्धा तेच. मुलं सुद्धा वेळ घेऊन आपल्या मैत्रिणीला प्रपोज करतात. असाच एक व्हिडीओ व्हायरल होतोय.
View this post on Instagram
व्हिडिओमध्ये एका शॉपिंग मॉलमधील गर्दीच्या ठिकाणी मुलगा अचानक पाठीमागून येतो. क्लिप जसजशी पुढे जात आहे, तसतसे तो काय करणार आहे, याची उत्सुकता लोकांना लागली आहे. मॉलमध्ये तो त्या मुलीच्या मागे मागे जातो आणि तिला आवाज देतो. ती जशी मागे वळून पाहते हा मुलगा लगेचच खाली गुडघ्यावर बसतो आणि तिला प्रपोज करतो. हे पाहून मुलगी खूप भावूक होते आणि शेवटी ती मुलाला हातात अंगठी घालायला लावण्यासाठी हात पुढे करते.
